Euroviisuh-lávlumkišto 2024
Euroviisuh-lávlumkišto 2024 lii 68. kerdi, ko lávlumkišto uárnejuvvoo. Kišto uárnejuvvoo Malmöst, Ruotâst tondiet ko Ruotâ ovdâsteijee Loreen finnij finalist 583 čyegisid pitástis Tattoo já vuoitij ive 2023 kišto.[1][2][3] Ko Loreen vuoitij ive 2012 Euroviisuh-lávlumkišto, te čuávuváá ive Euroviisuh uárnejuvvojii meid Malmöst.[4] Malmö Arenast meid uárnejui Ruotâ Melodifestivalen 2023 4. uásikišto, mon vuoitij Loreen ovdilgo sun vuoitij ubâ festivaal já peesâi ovdâstiđ Ruotâ ive 2023 Euroviisuin.
Kišto semifinaleh uárnejuvvojeh vyesimáánu 7. peeivi já 9. peeivi 2024.[3] Fiinaal uárnejuvvoo vyesimáánu 11. peeivi 2024.[3] Taat lii čiččâd kerdi, ko Euroviisuh uárnejuvvojeh Ruotâst já kuálmád kerdi, ko toh uárnejuvvojeh Malmöst. Tolebáá Euroviisuh láá uárnejum Ruotâst čuávuvávt: Malmöst iivij 1992 já 2013, Tukholmast iivij 1975, 2000 já 2016, Göteborgist ive 1985.
Sajadâh[mute | mute käldee]
Ive 2024 Euroviisui tábáhtussaje lii maaŋgâtoimâareena Malmö Arena, Malmöst, Ruotâst. Malmö Arena lii Ruotâ nubben stuárráámus maaŋgâtoimâareena, moos čäähih 15 500 olmožid keččâđ Ruotâ jieŋâskiärruliiga juávhu Malmö Redhawks.
Formaat[mute | mute käldee]
Jođetteijeeh já čielgejeijeeh[mute | mute käldee]
Ive 2024 jođetteijei noomah piäijojii almosin kuovâmáánu 5. peeivi 2023.[5] Malmöst kišto semifinalij já fiinaal jođetteijen lává ruátálâš stand up -komikkár já jođetteijee Petra Mede já ruátálâš-ovtâstumstaatâlâš čaittâleijee Malin Akerman. Mede lii jođettâm Euroviisuid jo kuohtii ovdil: 2013 já 2016. Ive 2013 Euroviisuin, moh uárnejuvvojii meid Malmöst, Mede jođettij ohtuu. Ive 2016 Euroviisuin vuod sun jođettij oovtâst ruátálâš lávloo já jođetteijee Måns Zelmerlöwáin.[6]
-
Petra Mede
-
Malin Akerman
Juávhoid jyehim semifinalij várás[mute | mute käldee]
Uásálisteh juáhhojii viiđâ juávkun uđđâivemáánu 30. peeivi 2024 Malmö kaavpugtáálust. Jyehim vuáđudui ovdebij iivij jienâstmáid. Ranska, Saksa, Italia, Espanja, Ovtâstum kunâgâskodde já ovdeeb ive vyeittee Ruotâ pessii njuolgist finalân.
Juávkku 1 | Juávkku 2 | Juávkku 3 | Juávkku 4 | Juávkku 5 |
---|---|---|---|---|
Uásálisteeh[mute | mute käldee]
Kiišton uásálisteh ohtsis 37 staattâd, mii lii siämmáá meeri ko moonnâm ive Euroviisuin. Taan ive fáárust iä kuittâggin lah siämmáá staatah, ko Romania kiesâdâđâi kištoost já Luxemburg maacâi 31 ive maŋa.
Artisteh, kiäh láá ovdil uásálistám Euroviisuid[mute | mute käldee]
Ive 2024 Euroviisuh-lávlumkišto ovdâsteijein tuše kyehti láin ovdil uásálistám Euroviisuid:
- Island – Hera Björk ovdâstij Island ive 2010 Oslost pittáin Je ne sais quoi.[7] Semifinalist sun finnij 123 čyegisid já poođij kuálmádin. Finalist vuod sun finnij tuše 41 čyegisid já poođij 19:in. Björk uásálistij Euroviisuid meid iivij 2008 já 2009. Vuossâmuu tove sun lâi Euroband tuávvášlávlon, já nube tove Yohanna tuávvášlávlon.
- Moldova – Natalia Barbu ovdâstij Moldova ive 2007 Helsigist pittáin Fight. Semifinalist sun finnij 91 čyegisid já poođij lovádin. Finalist sun poođij oppeet lovádin, mut finnij 109 čyegisid.
Semifinaleh[mute | mute käldee]
Semifiinaal 1[mute | mute käldee]
Vuossâmuš semifiinaal uárnejuvvoo vyesimáánu 7. peeivi 2024, já toos uásálisteh vittnubáloh enâmid. Ovtâstum kunâgâskodde, Saksa, Ruotâ já enâmeh, main ij lamaš ovdâsteijee kištoost, jienâstii taan semifinalist. Semifiinaal 10 pyeremus enâmid uásálisteh finalân vyesimáánu 11. peeivi 2024.
Veikkâ Ovtâstum kunâgâskodde, Saksa já Ruotâ peesih njuolgist finalân, toh-uv lávdásteh vuossâmuu semifiinaal ääigi, Ovtâstum kunâgâskodde Irland maŋa, Saksa Island maŋa já Ruotâ Moldova maŋa.
Nr. | Eennâm | Artist | Pittá | Kielâ teikkâ kielah | Saje | Čuággáh |
---|---|---|---|---|---|---|
1 | Kypros | Silia Kapsis | Liar | eŋgâlâskielâ | ||
2 | Serbia | Teya Dora | Ramonda | serbiakielâ | ||
3 | Liettua | Silvester Belt | Luktelk | liettuakielâ | ||
4 | Irland | Bambie Thug | Doomsday Blue | eŋgâlâskielâ | ||
5 | Ukraina | Alyona Alyona já Jerry Heil | Teresa & Maria | ukraina- já eŋgâlâskielâ | ||
6 | Puola | Luna | The Tower | eŋgâlâskielâ | ||
7 | Kroatia | Baby Lasagna | Rim Tim Tagi Dim | eŋgâlâskielâ | ||
8 | Island | Hera Björk | Scared of Heights | eŋgâlâskielâ | ||
9 | Slovenia | Raiven | Veronika | sloveniakielâ | ||
10 | Suomâ | Windows95man | No Rules! | eŋgâlâskielâ | ||
11 | Moldova | Natalia Barbu | In the Middle | eŋgâlâskielâ | ||
12 | Azerbaidžan | Fahree feat. Ilkin Dovlatov | Özünlə apar | azerbaidžan- já eŋgâlâskielâ | ||
13 | Australia | Electric Fields | One Milkali (One Blood) | eŋgâlâs- já jankunytjatjarakielâ | ||
14 | Portugal | Iolanda | Grito | portugalkielâ | ||
15 | Luxemburg | Tali | Fighter | ranska- já eŋgâlâskielâ |
Semifiinaal 2[mute | mute käldee]
Nubbe semifiinaal uárnejuvvoo vyesimáánu 9. peeivi 2024, já toos uásálisteh kuttnubáloh enâmid. Ranska, Espanja, Italia já enâmeh, main ij lamaš ovdâsteijee kištoost, jienâstii taan semifinalist. Semifiinaal 10 pyeremus enâmid uásálisteh finalân vyesimáánu 11. peeivi 2024.
Veikkâ Ranska, Espanja já Italia peesih njuolgist finalân, toh-uv lávdásteh vuossâmuu semifiinaal ääigi, Ranska Tšeeki maŋa, Espanja Latvia maŋa já Italia Eestieennâm maŋa.
Nr. | Eennâm | Artist | Pittá | Kielâ teikkâ kielah | Saje | Čuággáh |
---|---|---|---|---|---|---|
1 | Malta | Sarah Bonnici | Loop | eŋgâlâskielâ | ||
2 | Albania | Besa | Titan | eŋgâlâskielâ | ||
3 | Kreikka | Marina Satti | Zari | kreikakielâ | ||
4 | Sveicci | Nemo | The Code | eŋgâlâskielâ | ||
5 | Tšekki | Aiko | Pedestal | eŋgâlâskielâ | ||
6 | Nuorttâriijkâ | Kaleen | We Will Rave | eŋgâlâskielâ | ||
7 | Tanska | Saba | Sand | eŋgâlâskielâ | ||
8 | Armenia | Ladaniva | Jako | armeniakielâ | ||
9 | Latvia | Dons | Hollow | eŋgâlâskielâ | ||
10 | San Marino | Megara | 11:11 | espanja- já eŋgâlâskielâ | ||
11 | Georgia | Nutsa Buzaladze | Firefighter | eŋgâlâskielâ | ||
12 | Belgia | Mustii | Before the Party's Over | eŋgâlâskielâ | ||
13 | Eestieennâm | 5miinust já Puuluup | (Nendest) narkootikumidest ei tea me (küll) midagi | eestikielâ | ||
14 | Israel | Eden Golan | Hurricane | heprea- já eŋgâlâskielâ | ||
15 | Taažâ | Gåte | Ulveham | uđđâtárukielâ | ||
16 | Vuáládâhenâmeh | Joost Klein | Europapa | hollandkielâ |
Fiinaal[mute | mute käldee]
Fiinaal uárnejuvvoo vyesimáánu 11. peeivi 2024. Tastko Ruotâ vuoitij ive 2023 Euroviisuid, tot peesâi automaatlávt ive 2024 finalân nuuvtko Euroviisui vittâ stuárráámuu ruttâdemeennâm ađai Espanja, Italia, Ranska, Ovtâstum kunâgâskodde já Saksa. Finalân uásálisteh tai lasseen 10 pyeremus enâmid vuossâmuu semifinalist já 10 nube semifinalist. Ohtsis finalân uásálisteh 26 enâmid.
Fáádást eres soojijn[mute | mute käldee]
- Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2024.
Käldeeh[mute | mute käldee]
- ↑ Puljujärvi, Ismo: Ruotsi voitti Euroviisut! BBC News. 14.5.2023. Čujottum 14.5.2023. (suomâkielân)
- ↑ Määttänen, Juuso: Suomi jäi Euroviisuissa toiseksi, Ruotsi voitti – Yleisö oli mielettömällä tavalla Käärijän takana Helsingin Sanomat. 14.5.2023. Čujottum 14.5.2023. (suomâkielân)
- ↑ 3,0 3,1 3,2 Myllymäki, Iiro: Ruotsin Euroviisujen kisakaupunki selvisi Iltalehti. 7.7.2023. Čujottum 8.7.2023. (suomâkielân)
- ↑ Glynn, Paul: Malmö is Swedish city chosen to host Eurovision next year BBC News. 7.7.2023. Čujottum 9.7.2023. (eŋgâlâskielân)
- ↑ Puljujärvi, Ismo: He juontavat Ruotsin Euroviisut – Mukana Hollywood-tähti Ilta-lehti. 5.2.2024. Čujottum 5.2.2024. (suomâkielân)
- ↑ Petra Mede and Malin Åkerman will host the Eurovision Song Contest 2024 EBU. 5.2.2024. Eurovision.tv. Čujottum 5.2.2024. (eŋgâlâskielân)
- ↑ Iceland: Hera Björk to Oslo! Eurovision.tv. 6.2.2010. Čujottum 5.4.2024. (eŋgâlâskielân)
|