Euroviisuh-lávlumkišto 2012
Euroviisuh-lávlumkišto 2012 lâi 57. kerdi, ko lávlumkišto uárnejui. Kišto uárnejui Bakust, Azerbaidžanist, tondiet ko Azerbaidžan ovdâsteijeeh Ell já Nikki vuoittijn ive 2011 kišto, ko suoi finnijn finalist 221 čyegisid pitástis Running Scared.[käldee?]
Semifinaleh uárnejuvvojii vyesimáánu 22. peeivi já 24. peeivi. Fiinaal uárnejui vyesimáánu 26. peeivi 2012. Taat lâi vuossâmuš kerdi ko Euroviisuh uárnejuvvojii Azerbaidžanist, já viiđâd kerdi ko Azerbaidžan uásálistij Euroviisuid.[käldee?]
Kiišton uásálistii ohtsis 42 staattâd. Taat lâi vuossâmuš kerdi, ko Montenegro uásálistij lávlumkiišton tast maŋa ko tot kiäsádâđâi ive 2009 lávlumkištoost. Armenia kiäsádâđâi kištoost torvolâšvuotâsuujâin Várádâh-Karabah konflikt keežild. Puola vuod kiäsádâđâi ekonomâlij suujâi keežild.[käldee?]
Ruotâ ovdâsteijee Loreen finnij finalist 372 čyegisid pitástis Euphoria já vuoitij kišto. Sun finnij aalmugijkoskâsijn raađijn 296 čyegisid já telejienâstmist 343 čyegisid.[käldee?]
Tábáhtussaje
[mute | mute käldee]
Azerbaidžan uážui vuoigâdvuođâ uásálistiđ ive 2012 Euroviisuid, tondiet ko ton ovdâsteijeeh Ell já Nikki vuoittijn ive 2011 kišto pitástis Running Scared. Tábáhtuskaavpugin väljejui Baku, mii lii Azerbaidžan stuárráámus kaavpug já uáivikaavpug. Aalgâst virgeomâhááh lijjii meridâm huksiđ aaibâs uđđâ areena ive 2012 Euroviisui várás, mut maŋeláhháá almottii, ete sehe Tofiq Bəhramov -stadion já Heydər Əliyev valastâllâm- já konsertkompleks lijjii meid iävtukkâssân.[käldee?]
Virgálâš miärádâs poođij esken uđđâivemáánust 2012. Tábáhtussaijeen väljejui uđđâ maaŋgâtooimâareena Bakı Kristal Zalı ađai Baku kristalhalli, mon huksimpargoh lijjii algâttum porgemáánust 2011. Tot lii Aalmuglâšliipu tori aldasijn, Bakust. Areena lâi kolgâđ šoddâđ valmâšin njuhčâmáánu 31. peeivi 2012 räi, mut nievris šooŋâ keežild tot valmâštui esken cuáŋuimáánu 16. peeivi 2012. Azerbaidžan president İlham Əliyev já suu kálgu Mehriban Əliyeva lehâstáin areena vyesimáánu 7. peeivi 2012 tuše muáddi oho ovdil ko ive 2012 Euroviisuh-lávlumkišto aalgij.[käldee?]
Formaat
[mute | mute käldee]Jođetteijeeh já čielgejeijeeh
[mute | mute käldee].jpg)
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2012.
Käldeeh
[mute | mute käldee]