Euroviisuh-lávlumkišto 2011

Euroviisuh-lávlumkišto 2011 lâi 56. kerdi, ko lávlumkišto uárnejui. Kišto uárnejui Düsseldorfist, Saksaast, tondiet ko Saksa ovdâsteijee Lena vuoitij ive 2010 kišto, ko sun finnij finalist 246 čyegisid pitástis Satellite.

Semifinaleh uárnejuvvojii vyesimáánu 10. peeivi já 12. peeivi. Fiinaal uárnejui vyesimáánu 14. peeivi 2011. Kiišton uásálistii ohtsis 43 staattâd. Ive 2011 nelji staatâ maccii Euroviisuh-lávlumkiišton. Uŋgar lâi uásálistám majemuu tove ive 2008, San Marino ive 2007, Nuorttâriijkâ ive 2006 já Italia ive 1996.

Azerbaidžan ovdâsteijeeh Ell já Nikki finnijn finalist 221 čyegisid pitástis Running Scared já vuoittijn kišto. Suoi finnijn aalmugijkoskâsijn raađijn 182 čyegisid já telejienâstmist 223 čyegisid. Taat lâi Azerbaidžan vuossâmuš vuáittu Euroviisuin.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2011.