Euroviisuh
Euroviisuh-lávlumkišto (eŋg. Eurovision Song Context ađai ESC, ransk. Concours Eurovision de la chanson ađai CEC) ađai Euroviisuh lii ihásávt uárnejum lávlumkišto, moos pyehtih uásálistiđ Euroop almosradiounion (EBU) aktiivliih jeessânstaatah.
Jyehi uásálistee staatâ vuolgât kiišton oovtâ lávdástem. Kiišton pyehtih uásálistiđ tuše uđđâ lavluuh, moh iä lah almostum ovdil oovdeb ive čohčâmáánu.
EBU jesâneh láá televisiofinnoduvah, moh väljejeh já vuolgâtteh kiišton jieijâs uásálistee. Puoh jiečânâs Euroop staatah, eereeb Liechtenstein, Vatikaanriijkâ já Kosovo, láá uásálistám kiišton. Euroop ovdijn staatâin kiišton iä lah uásálistám Saksa demokraatlâš täsiväldi, Tšekkoslovakia já Sovjetlitto. Algâihelovoi ääigi Euroviisuh lijjii enâmustáá Uárji-Euroop koskâsâš kišto já Nuorttâ-Euroopist fáárust lâi tuše Jugoslavia. Lávlumkišto šoodâi ubâ Euroop tábáhtussân, ko Nuorttâ-Euroop staatah pessii viijmâg fáárun ive 1994.
Euroviisuh-lávlumkišto fiinaal keččih paijeel čyeti miljovn olmožid, já tot lii Euroop pivnohumos TV-vuolgâttâs, mii ij lah valastâllâmtábáhtus. Ive 2003 räi kišto lâi oovtâpiäiválâš, mut ive 2004 rääjist kišto lii lamaš kyevtiuáság tábáhtus, mii siskeeld semifiinaal já fiinaal. Ive 2008 rääjist meid semifiinaal lii uárnejum kyevti uásist: vuossâmuš semifiinaal lii majebaargâ já nubbe semifiinaal tuorâstuv ovdil lávurduv fiinaal.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Euroviisuh.
