Euroviisuh-lávlumkišto 2014

Euroviisuh-lávlumkišto 2014 lâi 59. kerdi, ko lávlumkišto uárnejui. Kišto uárnejui Kööbenhamânist, Tanskaast, tondiet ko Tanska ovdâsteijee Emmelie de Forest vuoitij ive 2013 kišto, ko sun finnij finalist 281 čyegisid pitástis Only Teardrops.

Kišto semifinaleh uárnejuvvojii vyesimáánu 6. peeivi já 8. peeivi. Fiinaal uárnejui vyesimáánu 10. peeivi 2014. Taat lâi jo kuálmád kerdi, ko Euroviisuh uárnejuvvojii Tanskaast já Kööbenhamânist. Euroviisuh lijjii jo uárnejum tobbeen iivij 1964 já 2001.

Kiišton uásálistii ohtsis 37 staattâd. Bulgaria, Kroatia, Kypros já Serbia iä uásálistám ive 2014 kiišton.

Nuorttâriijkâ ovdâsteijee Conchita Wurst finnij finalist 290 čyegisid pitástis Rise Like a Phoenix já vuoitij kišto. Sun finnij aalmugijkoskâsijn raađijn 224 čyegisid já telejienâstmist 311 čyegisid.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2014.