Euroviisuh-lávlumkišto 2023

Euroviisuh-lávlumkišto 2023 lii 67. kerdi, ko lávlumkišto uárnejuvvoo. Kišto uárnejuvvoo Liverpoolist, Ovtâstum kunâgâskoddeest, veikkâ Ukraina ovdâsteijee Kalush Orchestra finnij finalist 631 čyegisid pitástis Stefania já vuoitij ive 2022 kišto.[1] Ukrainast ij pyevti orniđ kišto, tastko Ruoššâ suátá tobbeen. Nubben šoodâi brittilâš Sam Ryder, já tondiet kišto sirdâšui Ovtâstum kunâgâskoodán.
Kišto semifinaleh uárnejuvvojeh vyesimáánu 9. peeivi já 11. peeivi.[2] Fiinaal uárnejuvvoo vyesimáánu 13. peeivi 2023.[2] Kiišton uásálisteh ohtsis 37 staattâd, mii lii ucemus meeri ive 2014 maŋa. Tassaažân Bulgaria, Montenegro já Tave-Makedonia láá juo kiesâdâttâm taan ive kištoost.[3]
Sajadâh[mute | mute käldee]

Kuovâmáánu 7. peeivi 2022 BBC já EBU almottii, et ubâ kišto uárnejuvvoo Ovtâstum kunâgâskoddeest, tastko Ukrainast ij lah torvolâš orniđ kišto ko Ruoššâ volliittij Ukraina jo ive 2014 já vala-uv suátá tobbeen. Brittilâš Sam Ryder lâi nubben moonnâm ive Euroviisuin já te taan ive Euroviisui semifinaleh já fiinaal uárnejuvvojeh Ovtâstum kunâgâskoddeest. Tábáhtussaje lii maaŋgâtoimâareena Liverpool Areena, mii lii Liverpoolist.
Taat lii vuossâmuš kerdi, ko Euroviisuh uárnejuvvojeh Liverpoolist, mut taat lii kuittâg jo oovcád kerdi, ko Euroviisuh uárnejuvvojeh Ovtâstum kunâgâskoddeest. Tolebáá Euroviisuh uárnejuvvojii Lontoost iivij 1960, 1963, 1968 já 1977.[4] Lontoo lasseen kišto uárnejui Edinburghist ive 1972, Brightonist ive 1974, Harrogatest ive 1982 já Birminghamist ive 1998.[4]
Formaat[mute | mute käldee]
Jođetteijeeh já čielgejeijeeh[mute | mute käldee]
Ive 2023 jođetteijei noomah piäijojii almosin kuovâmáánu 22. peeivi 2023.[5] Liverpoolist kišto semifinalij jođetteijen láá brittilâš lávloo Alesha Dixon, brittilâš čaittâleijee Hannah Waddingham já ukrainalâš lávloo Julia Sanina. Sij jođetteh finalist-uv, mut niäljádin puátá irlandlâš TV-jođetteijee Graham Norton.[5]
Semifinalij juávhoid jyehim[mute | mute käldee]
Uásálisteh juáhhojii semifinalij viiđâ juávkun uđđâivemáánu 31. peeivi 2022 St George's Hallist, Liverpoolist. Jyehim vuáđudui ovdebij iivij jienâstâssáid. Ranska, Saksa, Italia, Espanja, Ovtâstum kunâgâskodde já moonnâm ive vyeittee Ukraina pessii njuolgist finalân.
Juávkku 1 | Juávkku 2 | Juávkku 3 | Juávkku 4 | Juávkku 5 |
---|---|---|---|---|
Semifinaleh[mute | mute käldee]
Tassaažân kulmâ eennâm láá almottâm jieijâs ovdâsteijeid: Kypros, Israel já Vuáládâhenâmeh. Kypros ovdâsteijee lii Andrew Lambrou, Israel ovdâsteijee lii Noa Kirel já Vuáládâhenâmij ovdâsteijeeh lává Mia Nicolai já Dion Cooper.
Semifiinaal 1[mute | mute käldee]
Vuossâmuš semifiinaal uárnejuvvoo vyesimáánu 9. peeivi 2023 já toos uásálisteh vittnubáloh enâmid. Italia, Saksa, Ranska já Euroviisuid uásálisthánnáá enâmeh jienâsteh taan semifinalist.
Semifiinaal 2[mute | mute käldee]
Nubbe semifiinaal uárnejuvvoo vyesimáánu 11. peeivi 2023 já toos uásálisteh kuttnubáloh enâmid. Ovtâstum kunâgâskodde, Espanja, Ukraina já Euroviisuid uásálisthánnáá enâmeh jienâsteh taan semifinalist.
Fiinaal[mute | mute käldee]
Fiinaal uárnejuvvoo vyesimáánu 13. peeivi 2023. Tastko Ukraina vuoitij ive 2022 Euroviisuid, tot peesâi automaatlávt ive 2023 finalân nuuvtko Euroviisui vittâ stuárráámuu ruttâdemeennâm ađai Espanja, Italia, Ranska, Ovtâstum kunâgâskodde já Saksa. Finalân uásálisteh tai lasseen 10 pyeremus enâmid vuossâmuu semifinalist já 10 nube semifinalist. Ohtsis finalân uásálisteh 26 enâmid.
Nr. | Eennâm | Artist | Pittá | Kielâ teikkâ kielah | Saje | Čuággáh |
---|---|---|---|---|---|---|
![]() |
La Zarra | Évidemment | ranskakielâ | |||
![]() |
Lord of the Lost | Blood & Glitter | eŋgâlâskielâ | |||
![]() |
Marco Mengoni | Due vite | italiakielâ | |||
![]() |
Blanca Paloma | Eaea | espanjakielâ | |||
![]() |
Tvorchi | Heart of Steel | eŋgâlâs- já ukrainiakielâ | |||
![]() |
Mae Muller | I Wrote a Song | eŋgâlâskielâ |
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2023.
Käldeeh[mute | mute käldee]
- ↑ Savage, Mark: Eurovision 2022: Ukraine wins, while the UK's Sam Ryder comes second BBC News. 15.5.2022. Čujottum 15.5.2022. (eŋgâlâskielân)
- ↑ 2,0 2,1 Liverpool 2023 : Overview eurovision.tv. EBU. Čujottum 1.12.2022. (eŋgâlâskielân)
- ↑ Crna Gora naredne godine neće učestvovati na Eurosongu Radio i Televizija Crne Gore. 13.10.2022. Čujottum 1.12.2022. (montenegrokielân)
- ↑ 4,0 4,1 Savage, Mark: A History of the United Kingdom in the Eurovision Song Contest eurovision.tv. 25.7.2022. EBU. Čujottum 1.12.2023. (eŋgâlâskielân)
- ↑ 5,0 5,1 Eurovision 2023: Hosts revealed for Liverpool EBU. 22.2.2023. Čujottum 26.2.2023. (eŋgâlâskielân)