Käärijä
| Käärijä | |
|---|---|
.jpg)
| |
| Persovntiäđuh | |
| Šoddâm | roovvâdmáánu 21. peeivi 1993 |
| Šoddâmsaje | Helsig, Suomâ |
| Aalmugjeessânvuotâ | syemmilâš |
| Musikkár | |
| Lávlumkielah | suomâkielâ |
| Aktiivlâžžân | 2017– |
| Genreh | pop, dancepop, elektro-pop |
| Skiärrufinnodâh |
|
| Lasetiäđuh | |
| Nommâčáálus | 
|
Jere Mikael Pöyhönen[1] (š. roovvâdmáánu 21. peeivi 1993, Helsig) lii tobdos artistnoomáin Käärijä. Sun lii syemmilâš rap-artist, kiän skiärrufinnodâh lii Monsp Records.
Käärijä vuoitij ive 2023 Uđđâ muusik kišto (UMK) já peesâi Suomâ ovdâsteijen Euroviisuh-lávlumkištoid pitáinis "Cha cha cha".[2][3][4] Sun finnij kištoin enâmustáá keččeejienâid já poođij ubâ kištoost nubben.[5]
Eellim já karrieer
[mute | mute käldee]Pöyhönen vietij nuorâvuođâs iänááš-uv Vantaa Ruskeasantaast. Äigiájánâssân sun sooitij ruumbuid,[6] čierâstâlâi freestyle[7] já speelâi meid jieŋâskiäru tassaažân, ko sun teevdij 19 ihheed.[8][9]
Pöyhönen čođâlditij siskiistem já skođâstem vuáđutotkos Vallila áámmátškoovlâst,[10] já suu naver lâi kuhháá šoddâđ siskiistemvuávájeijen.[11] Sun lii eereeb iärrás kieđâvuššâm kuuvijd já kuvvim autoid autokäävpist.[12] Rap-musiikist Käärijä perustui pajetääsist,[13] já haalu jieijâs muusik rähtimân sust šoodâi ive 2014. Muusikfáádáid sun finnij vistig uhkespellâmsyergist, já siämmáš váldufáddá kulloo meid suu onnáá peeivi puovtâdmist. Suu artistnommâ puátá suu ustevjuávhu skalkkâsaavâst, já tot čuujoot ruuđâ vyeittimân uhkespeelâin: suomâkielâst lii idiom "kääriä rahaa", mii meerhâš ruđâi tiänám olssis eres ulmui pargoin.[8]
Käärijä almostitij muusik jieškuástidmáin loppâihán 2017, kuás Monsp Records almostitij suu vuosmuu tublesingle "Koppi tules" / "Nou roblem". Single A-peeli finnij šiev vuástáväldim, já Käärijä toovâi jotkâsopâmuš Monsp Recordsáin. Käärijä lii muštâlâm, et ovdil Uđđâ muusik kišto sust lijjii suullân 25 keikkad ivveest.[8] Suu puoh peeggâlmumos pitáin lijjii jo talle miljovneh kuldâlemkeerdih, mut stuorrâ juávkun sun lâi ain tubdâmettum.[12][13] Sun šoodâi tobdosin ”Cha cha cha” áánsust, já Käärijä muštâlij, et tállân pitá almostittem maŋa sun lâi väridum 40 keeikan.[12]
Käärijä lii mainâšâm, et suu ohtâ muusiklâš vaigutteijee lii lamaš Rammstein, mon logo sun lii tatuistám raddasis.[14] Olgoldâs stiijlân
Käärijäst láá lamaš nuuvt kočodum pottovuoptah ive 2015 rääjist já šerisfiskis piivtâs ive 2016 rääjist. Täävvirmerkkân sunjin šoodâi lávdástiđ[8][15] meid päiđittáá.[16] Suu kárvudâttâmstijlâ muittui neonruánáájin esken ive 2023 Uđđâ muusik kišto ohtâvuođâst, tastko puovtâdemtiimi halijdij, et Käärijäst ličij eresmuđusâš stijlâ ko ovdebáá ive vyeittest The Rasmus -bäändi fiskis stiijlâst.[17]
.jpg)
Uđđâ muusik kišto 2023 já Euroviisuh
[mute | mute käldee]Kuovâmáánust 2023 Käärijä uásálistij Uđđâ muusik kiišton, mast väljejui Suomâ ovdâsteijee ive 2023 Euroviisuh-lávlumkiišton. Sun vuoitij Uđđâ muusik kišto 539 čuággáin, 152 čuággá iäroin nubben puáttám Portion Boysiin.[2][18] Pittá "Cha cha cha" lâi ohtâ kievrâ vyeitteeiävtukkâs Euroviisuh-lávlumkištoin.[19][20]
Käärijä algâttij viisumääđhis Liverpoolist vuosmuu semifinalist vyesimáánu 9. peeivi 2023, já sun peesâi keččei jienâigijn finalân. Semifinalist, mast rekinistojii tuše keččei jienah, "Cha cha cha" finnij puoh enâmustáá čuággáid. Finalist Käärijä poođij nubben 526 čuággáin. Tast šoodâi nubben pyeremus saje Suomân kuássin: ton oovdân mana tuše Lordi "Hard Rock Hallelujah", moin Lordi vuoitij ive 2006 kišto. Eromâšin Käärijä piergim taha tot, et sun piergij eromâš pyereest suomâkiel pittáin. Ton lasseen Käärijä uážžum jienâmeeri lâi nubben alemus euroviisuhistorjást, já ton oovdân mana tuše Ukrine ive 2022 pittá "Stefania".
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Käärijä.
Käldeeh
[mute | mute käldee]- ↑ Paidatonriehuja Oy - taloustiedot, Y-tunnus ja päättäjät - Finder.fi www.finder.fi. Čujottum 1.12.2023. (suomâkielân)
- ↑ 2,0 2,1 Ylänne, Tuula: Käärijä vuoitij Uđđâ muusik kišto já oovdâst Suomâ ive 2023 Euroviisuh-lávlumkištoost Anarâš aavis. 4.3.2023. Čujottum 6.3.2023.
- ↑ Saulo, Sandra: Vuoden 2023 UMK-artistit ovat nyt selvillä – jokaisella biisillä on oma julkaisupäivänsä yle.fi. 11.1.2023. Čujottum 11.1.2023. (suomâkielân)
- ↑ Käärijä on UMK:n voittaja Ilta-Sanomat. Čujottum 25.2.2023. (suomâkielân)
- ↑ Suomi historialliselle toiselle sijalle viisuissa, Ruotsi voitti – Käärijä: Pientä pettymystä on rinnassa Yle Uutiset. 14.5.2023. Čujottum 13.5.2023. (suomâkielân)
- ↑ Penttinen, Henri: Vantaalaislähtöinen räppäri Jere Pöyhönen, 28, päätti urastaan sairaalassa toipuessaan – "Otan takin pois keikan alussa ja alan riehumaan" Vantaan Sanomat. 16.6.2022. Čujottum 3.3.2023. (suomâkielân)
- ↑ Tänax, Alexia: Käärijän UMK-kappaleen on spekuloitu olevan kopio saksalaisyhtyeen biisistä – näin artisti vastaa huhuihin MTV Uutiset. 23.1.2023. Čujottum 18.5.2023. (suomâkielân)
- ↑ 8,0 8,1 8,2 8,3 Partanen, Tatu: Kaikki puhuvat nyt Käärijästä – mies kertoo, kuka hän oikein on Ilta-Sanomat. 23.1.2023. Čujottum 18.5.2023. (suomâkielân)
- ↑ Jere Pöyhönen at eliteprospects.com www.eliteprospects.com. Čujottum 8.6.2023. (suomâkielân)
- ↑ Riutta, Nina: Jere Pöyhönen, Jenny Kontio ja Turo Id kertovat, mitä he tekevät, kun eivät ole koulussa Kirkko ja kaupunki. 6.8.2009. Čujottum 18.5.2023. (suomâkielân)
- ↑ Puljujärvi, Ismo: UMK-suosikki Käärijä vastaa plagiointisyytöksiin: "Olen jopa otettu" Iltalehti. 26.1.2023. Čujottum 18.5.2023. (suomâkielân)
- ↑ 12,0 12,1 12,2 Määttänen, Juuso: Jere Vantaalta 2.3.2023. Helsingin Sanomat. Čujottum 18.5.2023. (suomâkielân)
- ↑ 13,0 13,1 Enqvist, Niina: Käärijä sai koko kansakunnan polvilleen ja nousi tuntemattomuudesta viisusankariksi – vielä vuosi sitten tilanne oli täysin toinen Ilta-Sanomat. 14.5.2023. Čujottum 18.5.2023. (suomâkielân)
- ↑ Naakka, Anna-Maija: Vakava sairastuminen teini-iässä muutti Käärijän koko elämän – lähettää nyt nuorille painavan viestin Ilta-Sanomat. 26.2.2023. Čujottum 3.3.2023. (suomâkielân)
- ↑ Tänav, Alexia: Käärijä paljastaa tarinan "pottatukkansa" takana: "Se on niin ruma ja törkeä" MTV Uutiset. 29.1.2023. Čujottum 18.5.2023. (suomâkielân)
- ↑ Vedenpää, Ville: UMK:n tämän vuoden ilmiöksi noussut Käärijän Cha cha cha -biletysbiisi on auttanut monia mielenterveysongelmissa Yle. 18.2.2023. Čujottum 18.5.2023. (suomâkielân)
- ↑ Haili, Aino: Käärijä kertoo, miksi ei voinut käyttää UMK:ssa keltaista väriä – ja miksei aio vaihtaa laulukieltään englantiin MTV Uutiset. 4.3.2023. Čujottum 7.6.2023. (suomâkielân)
- ↑ Määttänen, Juuso: Käärijä voitti UMK:n ylivoimaisella äänivyöryllä, edustaa Suomea Euroviisuissa: "Luulin tämän olevan unta" 25.2.2023. Helsingin Sanomat. Čujottum 1.3.2023. (suomâkielân)
- ↑ Määttänen, Juuso: UMK-voittaja ratkaistaan tänään, tässä ovat ennakkosuosikit 25.2.2023. Helsingin Sanomat. Čujottum 1.3.2023. (suomâkielân)
- ↑ Tänav, Alexia: Tämä maa johtaa vuoden 2023 euroviisukappaleiden striimeissä – näin Suomen UMK-kappaleet sijoittuvat 24.2.2023. MTV Uutiset. Čujottum 1.3.2023. (suomâkielân)
