Sand (Saba pittá)
Sand lii tanskalii lávloo Saba pittá, mii almostui uđđâivemáánu 25. peeivi 2024. Tain pittáin Saba vuoitij Tanska ive 2024 Euroviisui raađhâkišto Dansk Melodi Grand Prix já ovdâstij Tanska ive 2024 Euroviisuh-lávlumkištoost Malmöst, Ruotâst.[1][2]
Pitá vuáđutiäđuh[mute | mute käldee]
Sand lii eŋgâlâskielâg pittá, mon lávlu tanskalâš lávloo Saba.[1] Pitá láá nuottim já sannim Jonas Thander, Melanie Wehbe já Pil Kalinka Nygaard Jeppesen.[1] Pitá almostitij Warner Music Denmark uđđâivemáánu 25. peeivi 2024 njuolgist muusikpalvâlussáid neetist.
Dansk Melodi Grand Prixist[mute | mute käldee]
Sand lâi ohtâ käävci pittáást, moh väljejuvvojii uásálistiđ Tanska ive 2024 Euroviisui raađhâkiišton Dansk Melodi Grand Prix. Raađhâkišto fiinaal uárnejui lávurduv kuovâmáánu 17. peeivi 2024 Tanska Radio Konserttáálust Kööbenhamânist, Tanskaast. Fiinaal kulmâ pyeremuu pitá ovdánii superfinalân: färsuolluulii lávloo Janus Wiberg pittá I Need Your Love, tanskalii lávloo Basim pittá Johnny já Saba pittá Sand.[3] Superfiinaal vuoitij Sand, mii finnij 22 jiennâd rääđist já 15 jiennâd telejienâstmist ađai ohtsis 37 jiennâd.
Euroviisuin[mute | mute käldee]
Tastko Saba vuoitij tain pittáin Tanska ive 2024 Euroviisui raađhâkišto, sun ovdâstij Tanska ive 2024 Euroviisuh-lávlumkištoost.[2][4] Ko kišto uásálisteh juáhhojii viiđâ juávkun uđđâivemáánu 30. peeivi 2024 Malmö kaavpugtáálust, Tanska väljejui nube juávkun oovtâst eres Tave-enâmijgijn já Eestienâmáin. Tast maŋa uásálisteh vuárbáduvvojii jo-uv vuossâmuu teikkâ nube semifinalân. Návt Tanska väljejui nube semifinalân, mii uárnejui vyesimáánu 9. peeivi 2024. Maŋeláá čielgâi, ete Saba lávdástičij čiččâdin nuorttâriijkâlii lávloo Kaleen maŋa já ovdil armenialii muusikjuávhu Ladaniva.
Euroviisui nubbe semifiinaal uárnejui vyesimáánu 9. peeivi 2024 Malmö maaŋgâtoimâareenast Malmö Arena. Semifinalist Sand finnij tuše 36 čyegisid. Sun poođij kyehtnubálovádin kuttnubálov pittáást,[1] já tondiet sun ij peessâm finalân.
Pitá sajeh muusiklistoin[mute | mute käldee]
| Listo | Pyeremus saje |
|---|---|
| Tanska virgálâš listo (Hitlisten) | 36 |
| AGATA singlelisto (Liettua) | 77 |
Fáádást eres soojijn[mute | mute käldee]
Käldeeh[mute | mute käldee]
- ↑ 1,0 1,1 1,2 1,3 SABA Euroviisuh. Čujottum 30.5.2024. (eŋgâlâskielân)
- ↑ 2,0 2,1 Percy, Lucy: Saba from Denmark will bring "Sand" to the London Eurovision Party wiwibloggs.com. 23.2.2024. Čujottum 30.5.2024. (eŋgâlâskielân)
- ↑ From Copenhagen to Malmö: Saba will represent Denmark at Eurovision in May Euroviisuh. 17.2.2024. Čujottum 30.5.2024. (eŋgâlâskielân)
- ↑ Nielsen, Anders Holm já Christensen, Kasper Madsbøll: DR og SABA bekræfter: Deltager i Eurovision – men 'det har ikke været nogen nem beslutning' DR. 21.2.2024. Čujottum 30.5.2024. (tanskakielân)