Njuškii siskáldâsân

Euroviisuh-lávlumkišto 2023

Wikipedia:st
Kišto ive 2022 vuáittám ukrainalâš muusikjuávkku Kalush ive 2022
Uásálisteh juáhhojii semifinalij viiđâ juávkun St George's Hallist.

Euroviisuh-lávlumkišto 2023 lâi 67. kerdi, ko lávlumkišto uárnejui. Kišto uárnejui Liverpoolist, Ovtâstum kunâgâskoddeest, veikkâ Ukraina ovdâsteijee Kalush Orchestra vuoitij ive 2022 kišto, ko tot finnij finalist 631 čyegisid pitástis Stefania.[1] Ukrainast ij puáhtám orniđ kišto, tastko Ruoššâ soođâi tobbeen. Nubben poođij brittilâš Sam Ryder, já tondiet kišto sirdâšui Ovtâstum kunâgâskoodán.

Semifinaleh uárnejuvvojii vyesimáánu 9. peeivi já 11. peeivi.[2] Fiinaal uárnejui vyesimáánu 13. peeivi 2023.[2] Kiišton uásálistii ohtsis 37 staattâd, mii lâi ucemus meeri ive 2014 maŋa. Bulgaria, Montenegro já Tave-Makedonia kiäsádâttii ive 2023 kištoost.[3]

Ruotâ ovdâsteijee Loreen finnij finalist 583 čyegisid pitástis Tattoo já vuoitij kišto.[4][5] Sun finnij aalmugijkoskâsijn raađijn 340 čyegisid já telejienâstmist 243 čyegisid. Suomâ ovdâsteijee Käärijä poođij nubben, ko sun finnij finalist 526 čyegisid.[4] Vuáitu čovdii aalmugijkoskâsij raađij adelem čuággáh, tastko Käärijä finnij čuuvtij eenâb čuággáid telejienâstmist ko kihheen eres artistijd kištoost.[5]

Loreen lii tuše nubbe olmooš, kote lii vuáittám Euroviisuh-lávlumkišto kuohtii. Johnny Logan lâi vuossâmuš tublevyeittee: sun vuoitij Euroviisuh-lávlumkišto sehe ive 1980 já ive 1987.

Tábáhtussaje

[mute | mute käldee]
Liverpool Arena, kost uárnejui ive 2023 Euroviisuh-lávlumkišto
Kartta
Kišto semifinalij já fiinaal saje (ruopsis riävnu) já eres kiišton lohtâseijee sajeh (čuovjis riävnuh)

Kuovâmáánu 7. peeivi 2022 BBC já EBU almottii, et ubâ kišto uárnejui Ovtâstum kunâgâskoddeest, tastko Ukrainast ij lamaš torvolâš orniđ kišto ko Ruoššâ volliittij Ukraina jo ive 2014 já vala-uv soođâi tobbeen. Brittilâš Sam Ryder lâi nubben moonnâm ive Euroviisuin já te taan ive Euroviisui semifinaleh já fiinaal uárnejuvvojii Ovtâstum kunâgâskoddeest. Tábáhtussaje lâi maaŋgâtooimâareena Liverpool Arena, mii lii Liverpoolist.

Taat lâi vuossâmuš kerdi, ko Euroviisuh uárnejuvvojii Liverpoolist, mut taat lâi kuittâg jo oovcád kerdi, ko Euroviisuh uárnejuvvojii Ovtâstum kunâgâskoddeest. Tolebáá Euroviisuh uárnejuvvojii Lontoost iivij 1960, 1963, 1968 já 1977.[6] Lontoo lasseen kišto uárnejui Edinburghist ive 1972, Brightonist ive 1974, Harrogatest ive 1982 já Birminghamist ive 1998.[6]

Formaat

[mute | mute käldee]

Jođetteijeeh já čielgejeijeeh

[mute | mute käldee]

Ive 2023 jođetteijei noomah piäijojii almosin kuovâmáánu 22. peeivi 2023.[7] Liverpoolist kišto semifinalij jođetteijen lijjii brittilâš lávloo Alesha Dixon, brittilâš čaittâleijee Hannah Waddingham já ukrainalâš lávloo Julia Sanina. Sij jođettii finalist-uv, mut talle niäljádin jođetteijen lâi irlandlâš TV-jođetteijee Graham Norton.[7] Semifinalijn Spice Girls -juávhu Mel C oovdânpuovtij Sanina, Waddingham já Dixon kišto jođetteijen já finalist sehe kulmâs já Norton kišto jođetteijen.[8]

  • Alesha Dixon
    Alesha Dixon
  • Hannah Waddingham
    Hannah Waddingham
  • Julia Sanina
    Julia Sanina
  • Graham Norton
    Graham Norton

Ive 2022 lâi vuossâmuu tove máhđulâš čuávvuđ kišto Yle Areena já radio peht sehe orjâlâš- já anarâškielân.[9] Meid ive 2023 kišto puovtij čuávvuđ taid kieláid já čielgejeijeeh láin siämmááh ko ive 2022 ađai Aslak Paltto čielgij orjâlâškielân já Heli Huovinen anarâškielân.[10] Yle Areena chatist lâi máhđulâš semifinalij já fiinaal ääigi čäälliđ puoh kuulmâ Suomâ peln sarnum sämikielân: orjâlâškielân, anarâškielân já nuorttâlâškielân.[11]

Kišto puovtij čuávvuđ eres-uv kieláid Yle peht. Suomâkielâ kommentaattorin tooimâi Mikko Silvennoinen já ruotâkielâ kommentaattorin Johan Lindroos já Eva Frantz.[10][12] Eres kielâi čielgejeijeeh láin Levan Tvaltvadze (ruošâkielâ) já Galyna Sergeyeva (ukrainakielâ).[12]

Juávhoid jyehim semifinalij várás

[mute | mute käldee]

Uásálisteh juáhhojii viiđâ juávkun uđđâivemáánu 31. peeivi 2023 St George's Hallist, Liverpoolist. Jyehim vuáđudui ovdebij iivij jienâstmáid. Ranska, Saksa, Italia, Espanja, Ovtâstum kunâgâskodde já oovdeb ive vyeittee Ukraina pessii njuolgist finalân.

Juávkku 1 Juávkku 2 Juávkku 3 Juávkku 4 Juávkku 5

Postâkoortah

[mute | mute käldee]

Taan ive postâkoortah lijjii 40 sekuntid pištee uápásmittemvideoh, moh čáittojii ton ääigi ko lyevi valmâštâllui čuávuváá artist várás.

Uásálisteeh

[mute | mute käldee]
  Staatah, moh uásálistii vuossâmuu semifinalân
  Staatah, moh pessii automaatlávt finalân já jienâstii vuossâmuu semifinalist.
  Staatah, moh uásálistii nube semifinalân
  Staatah, moh pessii automaatlávt finalân já jienâstii nube semifinalist.

Kiišton uásálistii ohtsis 37 staattâd, mii lâi ucemus meeri ive 2014 maŋa. Bulgaria, Montenegro já Tave-Makedonia kiesâdettii ive 2023 kištoost.[3]

Artisteh, kiäh láá ovdil uásálistám Euroviisuid

[mute | mute käldee]

Taan ive Euroviisuh-lávlumkištoost lijjii 4 ovdâsteijee, kiäh lijjii ovdil uásálistám Euroviisuid:

Sii lasseen Belgia ovdâsteijee Gustaph lâi uásálistám jo kuohtii Euroviisuid. Vuossâmuu tove sun lâi Sennek tuávvášlávlon ive 2018. Kulmâ ive maŋeláá sun uásálistij uđđâsist, taan keerdi Hooverphonic tuávvášlávlon.

Semifinaleh

[mute | mute käldee]

Semifiinaal 1

[mute | mute käldee]
Käärijä láávdástmin vuossâmuu semifiinaal kenraalhárjuttâllâm ääigi. Sun vuoitij vuossâmuu semifiinaal.

Vuossâmuš semifiinaal uárnejui vyesimáánu 9. peeivi 2023 já toos uásálistii vittnubáloh enâmid. Italia, Saksa, Ranska já enâmeh, main ij lamaš ovdâsteijee kištoost, jienâstii taan semifinalist. Enâmeh, moh lijjii love pyeremuu juávhust semifinalist, uásálistii finalân vyesimáánu 13. peeivi 2023. Love čoođâmannee enâmid almottuvvojii sätioornigist. Puoh semifinalist adelum jienah lijjii keččei jienah.

Vuossâmuu semifiinaal aalgij tanssâpittáin, mon ääigi čuojâi Together in Electric Dreams. Tast maŋa ukrainalâš lávloo já Euroviisuh-lávlumkišto jođetteijee Julia Sanina láávlui oosijd pitástis Majak (ukrainakielân Маяк, anarâškielân Čuovâtornâ).[18] Vuossâmui neelji pitá maŋa nubbe Euroviisuh-lávlumkišto jođetteijee Alesha Dixon ráppái Euroviisuh-lávlumkištoost já Liverpoolist.[19] Puoh enâmeh iä kuittâg uáinám Dixon ráppámpuudâ, peic täin enâmijn uáinojii máinuseh.[19]

Nr. Eennâm Artist Pittá Kielâ teikkâ kielah Saje Čuággáh
1.  Taažâ Alessandra Queen of Kings[20] eŋgâlâskielâ 6. 102
2.  Malta The Busker Dance (Our Own Party) eŋgâlâskielâ 15. 3
3.  Serbia Luke Black Само ми се спава serbia- já eŋgâlâskielâ 10. 37
4.  Latvia Sudden Lights Aijā latviakielâ 11. 34
5.  Portugal Mimicat Ai coração portugalkielâ 9. 74
6.  Irland Wild Youth We Are One eŋgâlâskielâ 12. 10
7.  Kroatia Let 3 Mama šč! kroatiakielâ 8. 76
8.  Sveicci Remo Forrer Watergun eŋgâlâskielâ 7. 97
9.  Israel Noa Kirel Unicorn eŋgâlâskielâ 3. 127
10.  Moldova Pasha Parfeni Soarele și luna romaniakielâ 5. 109
11.  Ruotâ Loreen Tattoo[20] eŋgâlâskielâ 2. 135
12.  Azerbaidžan TuralTuranX Tell Me More eŋgâlâskielâ 14. 4
13.  Tšekki Vesna My Sister's Crown eŋgâlâs-, ukraina-, tšeeki- já bulgariakielâ 4. 110
14.  Vuáládâhenâmeh Mia Nicolai & Dion Cooper Burning Daylight eŋgâlâskielâ 13. 7
15.  Suomâ Käärijä Cha Cha Cha[20] suomâkielâ 1. 177

Jienâstem ääigi ukrainalâš lávloo já ive 2010 Euroviisui uásálistee Alyosha já brittilâš soul-lávloo Rebecca Ferguson lávloin Duran Duran -muusikjuávhu pitá Ordinary World. Sunnuu maŋa brittilâš lávloo já laavlârähtee Rita Ora láávlui pitáidis Ritual, Anywhere, I Will Never Let You Down já Praising You.[19][21][22][23]

Semifiinaal 2

[mute | mute käldee]

Nubbe semifiinaal uárnejui vyesimáánu 11. peeivi 2023 já toos uásálistii kuttnubáloh enâmid. Ovtâstum kunâgâskodde, Espanja, Ukraina já enâmeh, main ij lamaš ovdâsteijee kištoost, jienâstii taan semifinalist. Enâmeh, moh lijjii love pyeremuu juávhust semifinalist, uásálistii finalân vyesimáánu 13. peeivi 2023. Love čoođâmannee enâmid almottuvvojii sätioornigist. Puoh semifinalist adelum jienah lijjii keččei jienah.

Nr. Eennâm Artist Pittá Kielâ teikkâ kielah Saje Čuággáh
1.  Tanska Reiley Breaking My Heart eŋgâlâskielâ 14. 6
2.  Armenia Brunette Future Lover armenia- já eŋgâlâskielâ 6. 99
3.  Romania Theodor Andrei D.G.T. (Off and On) romania- já eŋgâlâskielâ 16. 0
4.  Eestieennâm Alika Bridges eŋgâlâskielâ 10. 74
5.  Belgia Gustaph Because of You eŋgâlâskielâ 8. 90
6.  Kypros Andrew Lambrou Break a Broken Heart eŋgâlâskielâ 7. 94
7.  Island Diljá Power eŋgâlâskielâ 11. 44
8.  Kreikka Victor Vernicos What They Say eŋgâlâskielâ 13. 14
9.  Puola Blanka Solo eŋgâlâskielâ 3. 124
10.  Slovenia Joker Out Carpe Diem sloveniakielâ 5. 103
11.  Georgia Iru Echo eŋgâlâskielâ 12. 33
12.  San Marino Piqued Jacks Like an Animal eŋgâlâskielâ 15. 0
13.  Nuorttâriijkâ Teya já Salena Who the Hell Is Edgar? eŋgâlâskielâ 2. 137
14.  Albania Albina já Familja Kelmendi Duje albaniakielâ 9. 83
15.  Liettua Monika Linkytė Stay eŋgâlâskielâ 4. 110
16.  Australia Voyager Promise eŋgâlâskielâ 1. 149

Fiinaal

[mute | mute käldee]

Fiinaal uárnejui vyesimáánu 13. peeivi 2023. Tastko Ukraina vuoitij ive 2022 Euroviisuid, tot peesâi automaatlávt ive 2023 finalân nuuvtko Euroviisui vittâ stuárráámuu ruttâdemeennâm ađai Espanja, Italia, Ranska, Ovtâstum kunâgâskodde já Saksa. Finalân uásálistii tai lasseen enâmeh, moh lijjii love pyeremuu juávhust vuossâmuu semifinalist já nube semifinalist. Ohtsis finalân uásálistii 26 enâmid.

Nr. Eennâm Artist Pittá Kielâ teikkâ kielah Čuággáh Saje
1.  Nuorttâriijkâ Teya já Salena Who the Hell Is Edgar? eŋgâlâskielâ 120 15.
2.  Portugal Mimicat Ai coração portugalkielâ 59 23.
3.  Sveicci Remo Forrer Watergun eŋgâlâskielâ 92 20.
4.  Puola Blanka Solo eŋgâlâskielâ 93 19.
5.  Serbia Luke Black Само ми се спава serbia- já eŋgâlâskielâ 30 24.
6.  Ranska La Zarra Évidemment ranskakielâ 104 16.
7.  Kypros Andrew Lambrou Break a Broken Heart eŋgâlâskielâ 126 12.
8.  Espanja Blanca Paloma Eaea espanjakielâ 100 17.
9.  Ruotâ Loreen Tattoo eŋgâlâskielâ 583 1.
10.  Albania Albina já Familja Kelmendi Duje albaniakielâ 76 22.
11.  Italia Marco Mengoni Due vite italiakielâ 350 4.
12.  Eestieennâm Alika Bridges eŋgâlâskielâ 168 8.
13.  Suomâ Käärijä Cha Cha Cha suomâkielâ 526 2.
14.  Tšekki Vesna My Sister's Crown eŋgâlâs-, ukraina-, tšeeki- já bulgariakielâ 129 10.
15.  Australia Voyager Promise eŋgâlâskielâ 151 9.
16.  Belgia Gustaph Because of You eŋgâlâskielâ 182 7.
17.  Armenia Brunette Future Lover armenia- já eŋgâlâskielâ 122 14.
18.  Moldova Pasha Parfeni Soarele și luna romaniakielâ 96 18.
19.  Ukraina Tvorchi Heart of Steel eŋgâlâs- já ukrainakielâ 243 6.
20.  Taažâ Alessandra Queen of Kings eŋgâlâskielâ 268 5.
21.  Saksa Lord of the Lost Blood & Glitter eŋgâlâskielâ 18 26.
22.  Liettua Monika Linkytė Stay eŋgâlâskielâ 127 11.
23.  Israel Noa Kirel Unicorn eŋgâlâskielâ 362 3.
24.  Slovenia Joker Out Carpe Diem sloveniakielâ 78 21.
25.  Kroatia Let 3 Mama šč! kroatiakielâ 123 13.
26.  Ovtâstum kunâgâskodde Mae Muller I Wrote a Song eŋgâlâskielâ 24 25.

Raađij čuággái almottem finalist

[mute | mute käldee]

Jyehi Euroviisui 37 uásálistee staatâst lâi jieijâs rääđi, mii meridij mon staatân rääđi juáhá jieškote-uv čyegismere (1, 2, 3, 4, 5, 6, 7, 8, 10 já 12). Jyehi rääđist lâi jieijâs tieđetteijee, kii muštâlij čuággáid. Fiinaal ääigi tieđetteijeh muštâlii čuággáid čuávuváá oornigist.[24][25]

Aalmugijkoskâsijn raađijn 12 čyegisid finnim staatah já artisteh

[mute | mute käldee]
Nr. Eennâm Čuággáid tieđetteijee 12 čyegisid finnim staatâ 12 čyegisid finnim artist
1.  Ukraina Zlata Ognevich  Ruotâ Loreen
2.  Italia Kaze  Israel Noa Kirel
3.  Latvia Jānis Pētersons  Eestieennâm Alika
4.  Vuáládâhenâmeh S10  Ruotâ Loreen
5.  Malta Ryan Hili  Ruotâ Loreen
6.  Moldova Doina Stimpovschi  Ruotâ Loreen
7.  Irland Niamh Kavanagh  Ruotâ Loreen
8.  San Marino John Kennedy O'Connor  Italia Marco Mengoni
9.  Azerbaidžan Narmin Salmanova  Israel Noa Kirel
10.  Nuorttâriijkâ Philipp Hansa  Italia Marco Mengoni
11.  Ranska Anggun  Israel Noa Kirel
12.  Suomâ Bess  Ruotâ Loreen
13.  Belgia Bart Cannaerts  Nuorttâriijkâ Teya já Salena
14.  Saksa Elton  Ruotâ Loreen
15.  Portugal Maro  Australia Voyager
16.  Kroatia Maja Ciglenečki  Italia Marco Mengoni
17.  Eestieennâm Ragnar Klavan  Ruotâ Loreen
18.  Armenia Maléna  Israel Noa Kirel
19.  Puola Ida Nowakowska  Israel Noa Kirel
20.  Romania Eda Marcus  Italia Marco Mengoni
21.  Island Einar Stefánsson  Australia Voyager
22.  Serbia Dragana Kosjerina  Slovenia Joker Out
23.  Kypros Loukas Hamatsos  Ruotâ Loreen
24.  Taažâ Ben Adams  Suomâ Käärijä
25.  Sveicci Chiara Dubey  Tšekki Vesna
26.  Australia Catherine Martin  Belgia Gustaph
27.  Tanska Tina Müller  Ruotâ Loreen
28.  Espanja Ruth Lorenzo  Ruotâ Loreen
29.  Israel Ilanit  Ruotâ Loreen
30.  Ruotâ Farah Abadi  Suomâ Käärijä
31.  Georgia Archil Sulakvelidze  Belgia Gustaph
32.  Tšekki Radka Rosická  Ukraina Tvorchi
33.  Slovenia Melani Mekicar  Italia Marco Mengoni
34.  Kreikka Fotis Sergoulopoulos  Belgia Gustaph
35.  Albania Andri Xhahu  Ruotâ Loreen
36.  Liettua Monika Liu  Ruotâ Loreen
37.  Ovtâstum kunâgâskodde Catherine Tate  Ruotâ Loreen

Rääđi já telejienâstem jyehim finalist

[mute | mute käldee]
Saje Rääđi Telejienâstem Ohtsis
Eennâm Čuággáh Eennâm Čuággáh Eennâm Čuággáh
1.  Ruotâ 340  Suomâ 376  Ruotâ 583
2.  Israel 177  Ruotâ 243  Suomâ 526
3.  Italia 176  Taažâ 216  Israel 362
4.  Suomâ 150  Ukraina 189  Italia 350
5.  Eestieennâm 146  Israel 185  Taažâ 268
6.  Australia 130  Italia 174  Ukraina 243
7.  Belgia 127  Kroatia 112  Belgia 182
8.  Nuorttâriijkâ 104  Puola 81  Eestieennâm 168
9.  Espanja 95  Moldova 76  Australia 151
10.  Tšekki 94  Albania 59  Tšekki 129
11.  Liettua 81  Kypros 58  Liettua 127
12.  Armenia 69  Belgia 55  Kypros 126
13.  Kypros 68  Armenia 53  Kroatia 123
14.  Sveicci 59  Ranska 50  Armenia 122
15.  Ukraina 54  Liettua 46  Nuorttâriijkâ 120
16.  Ranska 54  Slovenia 45  Ranska 104
17.  Taažâ 52  Tšekki 35  Espanja 100
18.  Portugal 43  Sveicci 31  Moldova 96
19.  Slovenia 33  Eestieennâm 22  Puola 93
20.  Moldova 20  Australia 21  Sveicci 92
21.  Albania 17  Nuorttâriijkâ 16  Slovenia 78
22.  Ovtâstum kunâgâskodde 15  Portugal 16  Albania 76
23.  Serbia 14  Serbia 16  Portugal 59
24.  Puola 12  Saksa 15  Serbia 30
25.  Kroatia 11  Ovtâstum kunâgâskodde 9  Ovtâstum kunâgâskodde 24
26.  Saksa 3  Espanja 5  Saksa 18

Fáádást eres soojijn

[mute | mute käldee]

Käldeeh

[mute | mute käldee]

  1. ↑ Savage, Mark: Eurovision 2022: Ukraine wins, while the UK's Sam Ryder comes second BBC News. 15.5.2022. Čujottum 15.5.2022. (eŋgâlâskielân)
  2. ↑ a â Liverpool 2023 : Overview eurovision.tv. EBU. Čujottum 1.12.2022. (eŋgâlâskielân)
  3. ↑ a â Crna Gora naredne godine neće učestvovati na Eurosongu Radio i Televizija Crne Gore. 13.10.2022. Čujottum 1.12.2022. (montenegrokielân)
  4. ↑ a â Puljujärvi, Ismo: Ruotsi voitti Euroviisut! Iltalehti. 14.5.2023. Čujottum 14.5.2023. (suomâkielân)
  5. ↑ a â Määttänen, Juuso: Suomi jäi Euroviisuissa toiseksi, Ruotsi voitti – Yleisö oli mielettömällä tavalla Käärijän takana Helsingin Sanomat. 14.5.2023. Čujottum 14.5.2023. (suomâkielân)
  6. ↑ a â Savage, Mark: A History of the United Kingdom in the Eurovision Song Contest eurovision.tv. 25.7.2022. EBU. Čujottum 1.12.2023. (eŋgâlâskielân)
  7. ↑ a â Eurovision 2023: Hosts revealed for Liverpool EBU. 22.2.2023. Čujottum 26.2.2023. (eŋgâlâskielân)
  8. ↑ Santos, Pedro: Eurovision 2023: All about the Grand Final EBU. 13.5.2023. Čujottum 13.5.2023. (eŋgâlâskielân)
  9. ↑ Seipiharju, Sáárá: Maailm stuárráámuu muusikkišto Euroviisuid piäsá taan ive čuávvuđ meid sämikielân Yle Areenast Yle Säämi. 9.5.2022. Čujottum 14.5.2022.
  10. ↑ a â Olthuis, Marja-Liisa: Heli Huovinen: Valmâštâlmeh euroviisui čielgiimân láá älgimin Anarâš aavis. 14.4.2023. Čujottum 14.4.2023.
  11. ↑ Länsman, Kaija: Čátte sámegillii maiddái lávvardaga Eurovišuvnnaid finálas – sámegielat vejolašvuohta lea dán jagi fállun vuosttas háve Yle Säämi. 12.5.2023. Čujottum 13.5.2023. (tavesämikielân)
  12. ↑ a â Lassila, Juhani: Käärijä pääsi odotetusti Euroviisujen finaaliin Yle. 10.5.2023. Čujottum 13.5.2023. (suomâkielân)
  13. ↑ Countries Italy EBU. Čujottum 9.5.2023. (eŋgâlâskielân)
  14. ↑ a â b Countries Lithuania EBU. Čujottum 9.5.2023. (eŋgâlâskielân)
  15. ↑ Moldova: Pasha Parfeny is back! – To Eurovision 2023 with "Soarele și Luna" EurovisionWorld. 4.3.2023. Čujottum 9.5.2023. (eŋgâlâskielân)
  16. ↑ a â Countries Moldova EBU. Čujottum 9.5.2023. (eŋgâlâskielân)
  17. ↑ Countries Sweden EBU. Čujottum 9.5.2023. (eŋgâlâskielân)
  18. ↑ 🇺🇦🇬🇧 Eurovision 2023: BBC Reveals Details of the Live Shows Eurovoix. 19.4.2023. Čujottum 9.5.2023. (eŋgâlâskielân)
  19. ↑ a â b Santos, Pedro: Tonight: Semi-final 1 of the Eurovision Song Contest 2023 Eurovision World. 9.5.2023. Čujottum 9.5.2023. (eŋgâlâskielân)
  20. ↑ a â b Olthuis, Marja-Liisa: Käärijä lii Euroviisui finalist Anarâš aavis. 10.5.2023. Čujottum 10.5.2023.
  21. ↑ Blazewicz, Maciej: [UPDATE! Eurowizja 2023: Pierwsza próba generalna zakończona kontrowersją. Nowa forma podawania wyników w ogniu krytyki • Spojlery: Co zobaczymy we wtorek? Co nowego wiemy o występach i pocztówkach? • Eurowizyjne stacje radiowe na RMF ON!] Dziennik-Eurowizyjny.pl. 8.5.2023. Čujottum 9.5.2023. (puolakielân)
  22. ↑ Christou, Costa: LIVE: Eurovision 2023: Semi-Final One first dress rehearsal ESCXTRA.com. 8.5.2023. Čujottum 9.5.2023. (eŋgâlâskielân)
  23. ↑ Farren, Neil: Live From Liverpool: Eurovision 2023 Semi-Final One Jury Show Eurovoix. 8.5.2023. Čujottum 9.5.2023. (eŋgâlâskielân)
  24. ↑ Eurovision 2023 Spokespersons – Who will announce the points? Eurovisionworld. 13.5.2023. Čujottum 13.5.2023. (eŋgâlâskielân)
  25. ↑ Eurowizja 2023: kto przedstawi punktację? [LISTA] Eurowizja.org. 13.5.2023. OGAE Polska. Čujottum 13.5.2023. (puolakielân)


Viežžum saajeest "https://smn.wikipedia.org/w/index.php?title=Euroviisuh-lávlumkišto_2023&oldid=119683"