Sauli Niinistö
.jpg)
Sauli Väinämö Niinistö (š. porgemáánu 24. peeivi 1948, Salo, Suomâ) lii syemmilâš politikkár, kii tooimâi Suomâ täsivääldi 12. presidentin ohtsis 2 paje iivij 2012–2024. Sun algâttij virgeest njuhčâmáánu 1. peeivi 2012 já suu väljejii uđđâsist ive 2018.[1]
Karrieer
[mute | mute käldee]Juristân
[mute | mute käldee]Niinistöst šoodâi riehtitiettuu kandidaat ive 1974 Tuurku ollâopâttuvâst já uážui värituámmár áárvu ive 1977. Iivij 1974–1975 sun tooimâi Kisko pirrâduv komserjâssân.[2] Sun lâi Turku hovirievti hoviriehtiviskaalin iivij 1976–1987 já nomâttum hoviriehtineuvosân ive 1994. Toos lasseen sust lâi jieijâs lahâašijtoimâttâh Salost iivij 1978–1988.[3]
Pooliitlâš karrieer
[mute | mute käldee]Niinistö väljejui Salo kaavpugváldustiivrân ive 1977. Suomâ ovdâskoodán sun peesâi vuosmuu keerdi ive 1987. Ko sun lâi almugovdâsteijen, sun tooimâi om. vuáđulahâváljukode saavâjođetteijen. Minister sust šoodâi ive 1995.
Niinistö lii toimâm meid Aalmuglâš Kokoomus saavâjođetteijen 1994–2001.
.JPG)
Persovnlâš eellim
[mute | mute käldee]President Niinistö kálgu lii Jenni Haukio. Sunnui šoodâi alge, Aaro, kuovâmáánust 2018. Perrui kulá meid bostonterrier Lennu.
Niinistöst láá meid kyehti alge oovdiš näimilittoost Marja-Leena Alankoin: Nuutti (š. 1975) já Matias (š. 1980).
Olgosadalduvah
[mute | mute käldee]Hiljaisten historia. almostum 2007. Helsig
Viiden vuoden yksinäisyys. almostum 2005. Helsig
Yhteinen raha: eurooppalaisen yhteistyön alku- vai päätepiste? artikkâl kirjeest Marginaalista ytimeen: Suomi Euroopan unionissa 1989–2003. Tammi.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Sauli Niinistö.
Käldeeh
[mute | mute käldee]- ↑ Sauli Niinistö Tasavallan presidentti (suomâkielân)
- ↑ Niinistö, Sauli (1948 - ) kansallisbiografia.fi. Čujottum 10.3.2026.
- ↑ Sauli Niinistö Suomen kansanedustajat. Eduskunta.