Lauri Kristian Relander

Wikipedia:st
Siirry navigaatioon Siirry hakuun
Lauri Kristian Relander

Lauri Kristian Relander (31. vyesimáánu 1883 Kurkijoki, Suomâ stuorrâfurstâkodde9. kuovâmáánu 1942 Helsig, Suomâ) lâi syemmilâš agronom já politijkkár. Sun tooimâi Suomâ täsivääldi nubben presidentin iivij 19251931.

Tuávváš[Mute | Mute käldee]

Lauri Kristian Relander šoodâi vyesimáánu 31. peeivi 1883 Kurkijokist. Suu eeči lâi agronom Evald Kristian Relander já suu enni lâi ruávást nieidâ Gertrud Maria Olsoni. Relander valmâštui pajeuáppen ive 1901. Luvâttuv maŋa sun luuvâi agronomia vistig Mustiala eennâmviljâlemopâttuvâst já maŋeláá Helsig ollâopâttuvâst. Sun poorgâi totken sehe máttáátteijen já valmâštui tuáhtárin ive 1914. Relander naajâi Signe Östermanáin ive 1906, já sunnui šoodáin kyehti párnáá, Maja-Lisa já Ragnar.[1]

Pooliitlâš karrieer[Mute | Mute käldee]

Relander seervâi Viljâleijeiliiton ive 1907.[2] Sun lâi ovdâsteijen staatâpeeivijn 19101913 sehe 19171920 já tooimâi meid ovdâskode sahâalmajin iivij 19191920 staatâpeeivijn. Ive 1920 sun nomâttui Viibur eennâmhiärrán. Relander väljejui Suomâ täsivääldi presidentin ive 1925. 41-ihásâžžân sun lâi Suomâ historjá nuorâmus president. Presidentin Relander šoodâi tobdosin "Reeisu-Lassen", tastko sun lâi vuosmuš Suomâ president, kii mađhâšij teivâđ olgoenâmij staatâhoovdâid. Viljâleijeilitto ij valjim Relander presidentiävtukkâssân innig ive 1931 vaaljâin. Relander finnij váimuinfarkt já jaamij kuovâmáánu 9. peeivi 1942.[1]

Käldeeh[Mute | Mute käldee]

  1. 1,0 1,1 Suomen presidentit Čujottum 11.5.2021 (suomâkielân)
  2. KansallisbiografiaČujottum 11.5.2021 (suomâkielân)


Suomâ presidenteh

K. J. StåhlbergLauri Kristian RelanderPehr Evind SvinhufvudKyösti KallioRisto RytiCarl Gustaf Emil MannerheimJuho Kusti PaasikiviUrho KekkonenMauno KoivistoMartti AhtisaariTarja HalonenSauli Niinistö