Ruándim
| Ruándim | |
|---|---|
 |
|
 |
 |
 |
|
| Staatâ |
 Taažâ |
| Lääni | Trøndelag |
| Vijđodâh | 528,6[1] km² |
| – eennâm | 496,49 km² |
| 93,92 % | |
| – sisčääci | 32,11 km² |
| 6,08 % | |
| Ässeeloho | 212 660[2] (2023) |
| Ässeesaahâdvuotâ | 428,3 ässed/km² |
Ruándim (maadâsämikielân Tråante[3] já tárukielân Trondheim, ovdil Nidaros já Trondhjem) lii kaavpug já kieldâ Trøndelag läänist, Taažâst. Tot lii ässeelovo mield Taažâ kuálmádin stuárráámus kaavpug Oslo já Bergen maŋa. Ive 2023 aalgâst Ruándimist assii 212 660 olmožid.[2] Ruándim vijđodâh lii 528,6 km², mast 6,08 km² lii čääci.[1]
Historjá[mute | mute käldee]
Ruándim tärhis vuáđudempeeivi teikkâ -saje ij tieđe kihheen, mut mainâs mield Taažâ kunâgâs Olav Tryggvason vuáđudij Ruándim ive 997.[4] Siämmáá ive sun huksiiškuođij kunâgâskärdin, Klemenskirho já kaavpug haaldâtlâš kuávdáá tobbeen.[5] Toos lasseen sun juovij enâmijd kävppialmaid já tyejičeppijd.[5]
Eennâmtiätu[mute | mute käldee]
Sajadâh já rääjih[mute | mute käldee]
Ruándim kuávdáš ađai Midtbyen lii Nidjuuvâ já Ruándimvuonâ kooskâst. Ruándim naaburkieldah láá Malvik nuorttân, Selbu já Melhus mäddin já Ruándimvuonâ nubebeln Indre Fosen.
Morfologia[mute | mute käldee]
Alemus saje Ruándimist lii Kråkfjellet, mii paijaan 816,66 meetter alodâhân.[6]
Šoŋŋâdâh[mute | mute käldee]
Šoŋŋâdâh Ruándimist lii pivvâl já laavtâs.
Haldâttâh já politiik[mute | mute käldee]
Kuávlulâš jyehim[mute | mute käldee]
Iivij 1992–2005 Ruándimist lijjii kuttâ haaldâtlâš kaavpuguási: Sentrum, Strinda, Byåsen, Nardo, Saupstad já Heimdal. Ive 2005 rääjist Ruándim lii juohhum NAV jyehim mield neelji kaavpuguásán. Talle jyehi uđđâ kaavpuguásist assii suulân 40 000 olmožid:[7]
- Midtbyen, moos kuleh Midtbyen, Tyholt, Byåsen, Trolla já Ila.
- Østbyen, moos kuleh Møllenberg, Nedre Elvehavn, Lade, Strindheim, Charlottenlund, Vikåsen já Ranheim.
- Lerkendal, moos kuleh Lerkendal, Nardo, Flatåsen já Moholt.
- Heimdal, moos kuleh Heimdal, Byneset, Tiller, Kolstad, Saupstad já Kattem.
Pegâlmâs ruándimliih[mute | mute käldee]
- Čyeigee Marit Bjørgen
- Čyeigee Johannes Høsflot Klæbo
- Kirječällee Erlend Loe
- Pääččimčyeigee Emil Hegle Svendsen
Ustevvuotâkaavpugeh[mute | mute käldee]
Ruándim ustevvuotâkaavpugeh láá:
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Ruándim.
Käldeeh[mute | mute käldee]
- ↑ 1,0 1,1 Area of land and fresh water Statistics Norway. Čujottum 21.7.2023. (eŋgâlâskielân)
- ↑ 2,0 2,1 Population Statistics Norway. Čujottum 21.7.2023. (eŋgâlâskielân)
- ↑ Tråante (subst. egennavn) Nedtedigibaakoeh. Čujottum 21.7.2023. (maadâsämikielân) já (kirjetárukielân)
- ↑ Berre, Tor já Sørensen, Tom Erik: Trondheims historie må skrives om etter arkeologisk funn NRK. 19.1.2016. Čujottum 22.7.2023. (kirjetárukielân)
- ↑ 5,0 5,1 NIDARK - Revitalisering av arkeologiske gjenstander og dokumentasjon fra middelalderbyen Nidaros NTNU. 14.4.2023. Čujottum 22.7.2023. (kirjetárukielân)
- ↑ Høgaste fjelltopp i kvar kommune Kartverket. 20.7.2023. Čujottum 22.7.2023. (kirjetárukielân)
- ↑ Sand, Sølvi: Trondheims bydeler Adresseavisen. 19.1.2005. Čujottum 21.7.2023. (kirjetárukielân)