Moholt kirjerááju
Moholt kirjerááju (kirjetárukielân Moholt bibliotek) lii ive 1989 vuáđudum kaavpuguásikirjerááju Ruándimist, Taažâst. Tot kulá Ruándim almolâš kirjeráájun uáivikirjerááju já Buran, Byåsen, Heimdal, Klæbu, Ranheim, Risvollan já Saupstad kirjeráájui lasseen. Kirjerááju lii meid jieštoimâkirjerááju (kirjetárukielân meråpent bibliotek) ađai ulmuuh pyehtih kevttiđ kirjerááju jiešpalvâlemprinsiip mield ávusorroomaaigij ulguubeln-uv.
Kiirjij lasseen kirjeráájust puáhtá kevttiđ 3D-printter teikkâ luoihâttiđ šleđgâlâš täävvirpyerá já jyehilágán pargopiergâsijd tegu čäcipismárijd, njađđeid já kuárrummašinijd.[1][2] Toos lasseen kirjeráájust puáhtá luoihâttiđ siemânijd já šaddoid siämmáánáál ko kiirjijd.[1]
Historjá
[mute | mute käldee]Moholt kirjerááju vuáđudui ive 1989, ko Charlottenlund, Åsvang já Solbakken uálgikirjeráájuh lopâttuvvojii, já toi tooimah sirdâšuvvii uđđâ ohtâsâš kirjeráájun.
Kirjerááju tááláš sajadâh já viäsu
[mute | mute käldee]Juovlâmáánu 3. peeivi 2018 kirjerááju varrij čujottâsâst Brøsetvegen 168 ton tááláá sajadâhân Moholt uáppeeaassâmkuávlun čujottâsân Moholt Allmenning 1.[1][3][4] Kirjeráájust láá kyehti keerdi: vuossâmuu keerdist lii puoh, eereeb mangakirjeh já eŋgâlâskielâ kirjeh, moh láá nube keerdi luptâstuvvâst. Keerdij kooskâst láá porthááh, moh tuáimih siämmást meid amfiteatterin.[1] Porthááh láá pivnohis čokkânemsaje kirjerájukuossijd.[1]
Siämmáá táálust láá meid kähviviäsu Ankomst já uáppei kulttuurviäsu Loftet.[3] Kähviviäsu Ankomst lii vuossâmuu keerdist já kulttuurviäsu Loftet lii nube keerdist luuhâmluptâstuv tovnbeln uuvsâ tyehin. Ovdil Ankomst saajeest lâi nubbe kähviviäsu, mon nommâ lâi Kafé Kjøkkenbordet.[1]
Koveh kirjeráájust
[mute | mute käldee]-
Luoihâttemtiskâ -
Kirjeráájust láá siemâneh, maid puáhtá luoihâttiđ. -
-
Kirjeráájust puáhtá spellâđ šaaki. -
Käldeeh
[mute | mute käldee] |
Wikimedia Commonsist láá koveh teikkâ eres tiätuvuárháh fáádást Moholt kirjerááju. |
- ↑ 1,0 1,1 1,2 1,3 1,4 1,5 Husby, Sara: Moholts nye midtpunkt trondheim2030.no. 15.3.2019. Čujottum 15.7.2023. (kirjetárukielân)
- ↑ Verktøybiblioteket Ruándim almolâš kirjerááju. Čujottum 15.7.2023. (kirjetárukielân)
- ↑ 3,0 3,1 Moholt bibliotek Ruándim almolâš kirjerááju. Čujottum 15.7.2023. (kirjetárukielân)
- ↑ Moholt Bibliotek WikiStrinda. Čujottum 17.7.2023. (kirjetárukielân)