Jyväskylä

Jyväskylä
Jyväskylä
Staatâ	Suomâ
Eennâmkodde	Koskâ-Suomâ
Vijđodâh	1 466,35 km²
– eennâm	1 170,90 km² (79,9 %)
– sisčääci	295,45 km² (20,1 %)
Ässeeloho	142 445 (30.4.2020)
Ässeesaahâdvuotâ	121,7 ässed/km² (31.1.2020)
Eenikielâ	31.12.2019
– suomâkielâ	94,6 %
– ruotâkielâ	0,2 %
– sämikielah	0,0 %
– eres kielah	5,2 %

Jyväskylä lii kaavpug Suomâst, Koskâ-Suomâ eennâmkoddeest. Jyväskyläst ääsih 135 961 olmožid, já ton vijđodâh lii 1 466 km², mast 295,45 km² lii čääci. Jyväskylä naaburkieldah láá Joutsa, Toivakka, Jämsä, Luhanka, Muurame, Petäjävesi, Laukaa já Uurainen.

Historjá

Jyväskylä finnij markkânvuoigâdvuođâid ive 1801 já kaavpugvuoigâdvuođâid njuhčâmáánu 22. peeivi ive 1838. Talle kaavpugist lijjii 189 ässed. Carl Ludvig Engel lii sundáttâllâm kaavpug kuávdáá. Jyväskylä kaavpugservikodde šoodâi ive 1875, já kaavpugkirkko valmâštui ive 1880. Tom lii sundáttâllâm Ludvig Isak Lindqvist. Tälvisuáđi ääigi Jyväskyläst lijjii tuše 8 000 ässed, mut tastmaŋa ässeemeeri lii stuárrum jotelávt. Säynätsalo lohtui Jyväskylän uđđâivemáánu 1. peeivi 1993, já Jyväskylä táálunkieldâ já Korpilahti lahtojii uđđâivemáánu 1. peeivi 2009.

Eennâmtiätu

Jyväskylä lii Päijänne taveriddoost. Kaavpug kuávdáš lii Jyväsjärvi pirrâ. Jyväsjärvist lii ohtâvuotâ Päijännen Äijäläčuálmi miätá. Kaavpug kuávdáá čoođâ kolgá Tourujuuhâ, mon vyemeest lii luándusuojâlemkuávlu. Kaskoo kaavpug kuávdáá lii ollâ puolžâ, mon alne lii sahis pecimecci.

Viehâdâh

Ässeeloho

Jyväskylä ässeeloho iivij 1980–2020
Ihe			Ässeeh
1980			96 966
1985			99 993
1990			103 921
1995			109 657
2000			116 519
2005			124 205
2010			130 816
2015			137 368
2020			143 392
Käldee: Tilastokeskus.

Čuákkipääihih

#	Čuákkipäikki	Ässeeloho (31.12.2017)
1	Jyväskylä kuávdáščuákkipäikki*	121 644
2	Tikkakoski	4 183
3	Korpilahti markkân	2 523
4	Puuppola	1 752
5	Vesanka	916
6	Kuohu	415

^* Taat čuákkipäikki kulá taan kaavpugân tuše uásild.

Kaavpug kuávdáščuákkipäikki lii puáidudum.

Jotolâh

Jyväskyläst lii väldimaađij 4, 9, 13 já 23 ratkuuttâh. Jyväskylä finnij ryevdirađe já junasajattuv ive 1896. Uđđâ mätkikuávdáš šoodâi ive 2002 puáris junasajâttuv paaldân, já talle meiddei linjâšautosajattâh varrij kävppimarkkân alne siämmáá viäsun. Jyväskyläst lii ryevdirađeohtâvuotâ máádás Tamperen, viestârân Haapamäkin, tavaskulij Haapajärvin já nuortâs Pieksämäki. Jyväskylä kirdemkieddi lii Tikkakoskist, suulân 20 kilomeetter keččin kaavpug kuávdáást tavaskulij. Jyväskylä haammân lii Jyväsjäävri riddoost. Keessiv lii mađhâsemtamppâohtâvuotâ Lahtin Päijänne miätá.

Kuokkala šalde ovdâstit kaavpug kuávdáá já Kuokkala Jyväsjäävri paijeel. Šalde lii 480 meetter kuhes, já tot valmâštui roovvâdmáánu 23. peeivi ive 1989.

Máttááttâs

Jyväskyläst lii ollâopâttâh. Tot šoodâi ive 1934. Jyväskylä ollâopâttuv Mattilanniemi já Ylistönrinne kampuseh láá Jyväsjäävri riddoost.

Ustevvuotâkaavpugeh

Jyväskylä ustevvuotâkaavpugeh láá:

• Esbjerg, Tanska
• Stavanger, Taažâ
• Eskilstuna, Ruotâ
• Fjarðabyggð, Island
• Jaroslavl, Ruoššâ
• Debrecen, Uŋgar
• Poznań, Puola
• Potsdam, Saksa
• Tartto táálunkieldâ, Eestieennâm
• Niiza, Jaapaan
• Kunming, Kiina

Kovegalleria

• 
  Jyväskylä ollâopâttâh
• 
  Jyväskylä mätkikuávdáš
• 
  Jyväskylä haammân
• 
  Jyväskylä puáris junásajattâh
• 
  Kuokkala šalde
• 
  Jyväskylä kaavpugkirkko

Käldeeh

Koskâ-Suomâ eennâmkode kieldah Táálááh kieldah Hankasalmi • Joutsa • Jyväskylä • Jämsä • Kannonkoski • Karstula • Keuruu • Kinnula • Kivijärvi • Konnevesi • Kyyjärvi • Laukaa • Luhanka • Multia • Muurame • Petäjävesi • Pihtipudas • Saarijärvi • Toivakka • Uurainen • Viitasaari • Äänekoski Ovdiih kieldah Jyväskylä táálunkieldâ • Jämsänkoski • Konginkangas • Korpilahti • Koskenpää • Kuorevesi • Leivonmäki • Längelmäki (uási) • Pihlajavesi • Pylkönmäki • Sumiainen • Suolahti • Säynätsalo • Äänekoski táálunkieldâ