Njuškii siskáldâsân

Anarâš-lostâ

Wikipedia:st

Anarâš-lostâ lii Anarâškielâ servi ry jeessânlostâ, mast táválávt almostuvá 2–4 nummeer ivveest. Numerij lasseen Anarâškielâ servi lii meid almostittám jyehi ive Anarâš-kalender, mast lii jyehi ive lamaš sierâ fáddá. Anarâš-loostâ toimâttem algâttui ive 1988,[1] já ton vuosmuš toimâtteijee Uccpárnáá Vuoli Ilmar västidij loostâ tooimâtmist kulmâlov ihheed.

Tááláá ääigi Anarâš-loostah siskeldeh uáivičalluu, Anarâškielâ seervi uđđâsijd sehe jieškote-uvlágánijd teevstâid muštâlusâin já mainâsijn ain tivttáid já äššitevstáid.

Lostâ vuolgâttuvvoo Suomâ lasseen Japanân, Ovtâstum staatáid, Kanadan, Saaksan, Hollandân, Sveeicin, Ruotân já Taažân.

Historjá

[mute | mute käldee]

Anarâškielâ seervi toimâttem Anarâš-lostâ almostuuškuođij ive 1988,[1] já ton vuosmuš nummeer lâi A5-stuárusâš mááŋgus.[2][3] Numerist lijjii seervi pevdikirjeh, muáddi säniruossâháá, muáddi sargum kove, saavâjođetteijee sänivuáru já toimâttâs postâpalsta, mast pieijui joton loostâ nommâkišto. Numerist lâi meiddei siemin uđđâsâš esken toollum vuosmuu anarâškielâ kuursâst, mii uárnejui Avelist kesimáánust 1988.[4] Kuursâ ornij Laapi ollâopâttâh, já máttáátteijen láin Kuobžâ-Saammâl Matti (Matti Morottaja) já Sevtil-Piäkká (Pekka Sammallahti). Kurssâliih lijjii neljinubáloh, já maaŋgâs tááláin čällein čallii talle vuosmuu keerdi jieijâs eenikielân.

Anarâš almostui nube keerdi Sápmelaš-loostâ lahtosin ive maŋeláá. Taat lâi juo kirjeteddilemlájádâsâst teddilum lostâ mut vala čapisvielgâd. Ihepele maŋeláá, kesimáánust 1990, almostui vuosmuu keerdi olmâ Anarâš-lostâ, mon olgosaddelmân servi lâi finnim ruuđâ Máttááttâsministeriöst kyevti nummeer várás. Tot-uv lâi vala čapisvielgâd, mut juovláid 1990 almostui jo ivnekuvijgijn hervejum nummeer.[3]

Kalender almostui vuosmuu kerd ive 1996,[3] já tast lijjii fáárust Suomâst kevttum ulmuunoomah anarâškielân.

Toimâtteijeeh

[mute | mute käldee]

Kalender fáádáh

[mute | mute käldee]
  • 1996: Anarâš iveääigih
  • 1997: Puáris tááluh
  • 1998: Säämi pihtseh
  • 1999: (ij teema)
  • 2000: Säämi muorah
  • 2001: Säämi anotiiŋgah
  • 2002: Aanaarjäävri kyeleh
  • 2003: Säämi piäđuh
  • 2004: Säämi myerjih
  • 2005: Säämi kirjálâšvuotân vaikuttâm ulmuuh
  • 2006: Säämi varbuslodeh
  • 2007: Kuobbâreh
  • 2008: Párnái sárguseh já čalluuh ellein
  • 2009: Pase pääihih já sieidih
  • 2010: Anarâš purrâmâšah
  • 2011: Säämi kirdee tiivreh
  • 2012: Säämi peivikozzâlodeh
  • 2013: Säämi äigi
  • 2014: Olespyehčee čäcilodeh
  • 2015: Anarâš suuvah
  • 2016: Säämi jálukeeđgih
  • 2017: Eennâmpaihij nomâttâsah
  • 2018: Euroop oppuulodeh
  • 2019: Anarâškiel šaddonoomah
  • 2020: Säämi jeggilodeh
  • 2021: Anarâškiel tiivtah
  • 2022: Livđe
  • 2023: Museotiiŋgah
  • 2024: Kođđeem
  • 2025: Puásuituálu
  • 2026: Anarâškielâg kirjálâšvuotâ

Keejâ meid

[mute | mute käldee]

Liŋkkâ

[mute | mute käldee]

Käldeeh

[mute | mute käldee]
  1. 1 2 Almostittem- já kirjetoimâ – Anarâškielâ servi anaraskielaservi.fi. Čujottum 4.4.2026. (samoakielân)
  2. ↑ Kaarret, Anja & Alajärvi, Martta & Morottaja, Mikkâl: Anarâškielâ servi 30 ihheed – Čyeđe ulmuu peerâjuhle rähis kielâ já seervi kunnen Yle Säämi. 23.5.2017. Čujottum 4.4.2026.
  3. 1 2 3 Anarâš-lostâ - Nettisaje - Wiki anarâškielâst já kultturist nettisaje.wikidot.com. Čujottum 4.4.2026.
  4. ↑ Anarâš, 11.8.1988, s. 13. máŋgus.