Fabrizio Brecciaroli
Fabrizio Brecciaroli (š. njuhčâmáánu 29. peeivi 1976, Jesi, Italia) lii italialaš diplom-insner, kote lii luuhâm anarâškielâ Oulu ollâopâttuvvâst. Sun valmâštui filosofia maisterin njuhčâmáánu 31. peeivi 2022.[1]
Brecciaroli parga Anarâškielâ seervi mediapargen, já lii porgâm uáli jo ennuv anarâškielâlii Wikipedia oovdân.[2] Suu spesialiteet lii meid lamaš anarâškielâlii kirjálii kulttuur huksim. Sun lii jurgâlemsyergi äššitobdee, já sun lii meid toimâm italiakielâ máttáátteijen Zürich kuávlust. Brecciaroli lii majemui aaigij jurgâlâm nuorâikirjálâšvuođâ anarâškielân já toimâttâm Anarâš-loostâ já Loostâš-lostii. Sun lii toimâttâm kuulmâuáság tihtâantologia anarâškielân,[3] mii almostui juovlâmáánust 2022.
Jurgâlusah[mute | mute käldee]
- Čuovâuáivi peivikirje – Stuorrâviljâ almaaštâl (almostui njuhčâmáánust 2022)[4]
- Čuovâuáivi peivikirje – Jo rijttáá (almostui čohčâmáánust 2022)
- Čuovâuáivi peivikirje – Hyenes luho keesi (almostui juovlâmáánust 2023)[5]
Kirjeh[mute | mute käldee]
- 2022 – Anarâškielâ tihtâantologia (toim.)
- 2023 – Anarâškielâ nooveelantologia (toim.)
Käldeeh[mute | mute käldee]
- ↑ Karreet, Anja: Fabrizio Brecciaroli lii uđđâ anarâškielâ filosofia maister areena.yle.fi. Čujottum 29.3.2022.
- ↑ Anarâškielâ seervi mediapargee čaalij jyehi peeivi anarâškielâlâš Wikipedian – puáttee ohhoost almostuvá olmâ anarâškielâlâš Wikipedia Sápmi. 16.10.2020. Čujottum 23.4.2022.
- ↑ Brecciaroli, Fabrizio: Almottasah - Anarâškielâ tihtâantologia Loostâš 01/2022. Čujottum 23.4.2022.
- ↑ Brecciaroli, Fabrizio: Sponsoristem juátkoo ive 2022 Loostâš 01/2022. Anarâškielâ servi. Čujottum 29.3.2022.
- ↑ Brecciaroli, Fabrizio: Jeff Kinney särjikoveroomaan Čuovâuáivi peivikirje – Hyenes luho keesi lii almostum anarâškielân anarasaavis.fi. 19.12.2023. Čujottum 22.12.2023.