Anarâškielâ servi
Anarâškielâ servi lii ive 1986 vuáđudum sämiservi, mon toimâmpäikki lii Aanaar kieldâ, Laapi eennâmkoddeest. Seervi vuáđudemčuákkim tollui Avelist juovlâmáánu 4. peeivi[1] Avveel-hooteel auditoriost. Seervi vuáđudemjesâneh lijjii Veikko Aikio, Ilmari Mattus já Matti Morottaja, kii väljejui seervi vuosmužžân saavâjođetteijen.
Seervi ulmen lii ovdediđ já nonniđ anarâškielâ. Servi algâttij ive 1997 kielâpiervâltooimâ.[1] Kielâpiervâl lii lasettâm anarâškielâ sárnoi, eromâšávt párnái já nuorâi, mere.
Servi almostit Anarâš-loostâ já Anarâš aavis. Tolebáá servi meid kuástidij Kierâš-loostâ já Loostâš-lostii.[2]
Palhâšume
[mute | mute käldee]Servi uážui tave-eennâmlâš Kollekielâ-palhâšume skammâmáánu 17. peeivi 2004.[3]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Anarâškielâ servi.
Käldeeh
[mute | mute käldee]- 1 2 Kaarret, Anja & Alajärvi, Martta & Morottaja, Mikkâl: Anarâškielâ servi 30 ihheed – Čyeđe ulmuu peerâjuhle rähis kielâ já seervi kunnen Yle Säämi. 23.5.2017. Čujottum 4.4.2026.
- ↑ Almostittem- já kirjetoimâ – Anarâškielâ servi anaraskielaservi.fi. Čujottum 4.4.2026. (samoakielân)
- ↑ Gollegiella – Pohjoismainen saamen kielen kielipalkinto Saamelaiskäräjät. Čujottum 4.4.2026. (suomâkielân)