Avveel
Avveel (nuorttâlâškielân Âʹvvel, orjâlâškielân Avvil já suomâkielân Ivalo) lii sijdâ Suomâst, Aanaar kieldâst. Ive 2020 loopâst Avelist lijjii 3 034 ässed.[1]
Avveel lii Aanaar kieldâ stuárráámus čuákkipäikki já kávpálávt virkkuus sijdâ, kost kávnojeh puoh tarbâšliih palvâlusah já áinoošlajâsâš luándu. Siijdâ čoođâ kolgá Avveeljuuhâ, mii lii kuálásteijei já kárbáinjottei paradiis. Avveeljuuvâst piäsá kárbáin meiddei Aanaarjáávrán. Siijdâ kuávdáást lii mučis já stuorrâ vuoijâmriddo, kost keessiv lii máhđulâš vuoijâđ já spellâđ tuáškumpáálu. Tälviv ulmuuh pyehtih vyeijiđ moottorkiälháin, ko siijdâst já ton aldasijn láá ennuv moottorkiälkkákiäinuh.
Historjá[mute | mute käldee]
Avveel stuárui jotelávt 1880-lovo loppâbeln, ko Avveeljuuvâst já ton pirrâsijn kavnui kolle.
Avveel luvâttâh[mute | mute käldee]
Avelist lii luvâttâh, mii palvâl Aanaar kieldâ škovlimtáárbuid. Avveel luvâttâh lii puáttám tobdosin tast, et tot fáálá viijđes kielâvaljimmáhđulâšvuođâid. Tobbeen puáhtá luuhâđ anarâškielâ sehe eenikiellân já vieres kiellân. Virgálávt anarâškielâ máttááttâs aalgij ive 1994.
Kooskah[mute | mute käldee]
- Aanaar markkân 39 km
- Ruávinjargâ 288 km
- Suáluičielgi 30 km
- Ucjuuhâ 164 km
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Avveel.
Käldeeh[mute | mute käldee]
- ↑ Taajamat väkiluvun ja väestöntiheyden mukaan, 2020 Suomâ statistiikkuávdáš. Čujottum 27.5.2022. (suomâkielân)
| |||||