Ucjuuhâ

Ucjuuhâ
Ucjuuvâ kuávdáš
Staatâ	Suomâ
Eennâmkodde	Lappi
Vijđodâh	5 372,00 km²
– eennâm	5 145,98 km² (95,8 %)
– sisčääci	226,02 km² (4,2 %)
Ässeeloho	1180 (31.12.2022)
Ässeesaahâdvuotâ	0,23 ässed/km² (30.6.2020)
Eenikielâ	31.12.2019
– suomâkielâ	52,8 %
– ruotâkielâ	0,0 %
– sämikielah	43,2 %
– eres kielah	4,0 %

Ucjuuhâ (nuorttâlâškielân Uccjokk, orjâlâškielân Ohcejohka já suomâkielân Utsjoki) lii kieldâ Suomâst, Laapi eennâmkoddeest. Ucjuuvâst ääsih 1 213 olmožid, já ton vijđodâh lii 5 372,00 km², mast 226,02 km² lii čääci. Ucjuuvâ naaburkieldah láá Suomâst Aanaar sehe Taažâst Kárášjuuhâ, Tiänu já Uunjargâ.

Historjá

Ucjuuhâ vuáđudui ive 1876.

Viehâdâh

Ässeeloho

Ucjuuvâ ässeeloho iivij 1980–2020
Ihe			Ässeeh
1980			1 479
1985			1 548
1990			1 514
1995			1 568
2000			1 394
2005			1 363
2010			1 297
2015			1 250
2020			1 211
Käldee: Tilastokeskus.

Čuákkipääihih

Ive 2017 loopâst Ucjuuvâst lii tuše ohtâ čuákkipäiki: Ucjuv markkân.

Siijdah já eres aassum sajeh

Ucjuuvâst láá 3 siijdâ: Ucjuv markkân, Kärigâsnjargâ/Vuovdâkuoškâ já Njuárgám.

Virgálij siijdâi lasseen Ucjuuvâst láá eres-uv aassum sajeh. Tagareh láá Dalvadas, Kaamâsmokke, Kevo, Niemelä, Nuvvus já Ruávisavvoon.

Arâšoddâdem já škovlim

Arâšoddâdem fäälih Ucjuuvâst kuulmâ peivikiäjust: Ucjuvnjäälmi peivikiäjust markkânist sehe Kärigâsnjaargâ já Njuárgám peivikiäjuin. Arâšoddâdem uárnejuvvoo párnái eenikielâ mield. Kieldâst láá meid kulmâ orjâlâškielâg kielâpiervâl: Ucjuuvâst, Kärigâsnjaargâst já Njuárgámist.

Njuárgám škoovlâst lii ovdâmáttááttâs já vuáđumáttááttâs luokain 1.–6. Kärigâsnjaargâ já Ucjuvnjäälmi škoovlâin lii sehe ovdâmáttááttâs já vuáđumáttááttâs luokain 1.–9. Máttááttâs puoh škoovlâin tábáhtuvá sehe suomâ- já orjâlâškieláid.

Kovegalleria

• 
  Ucjuv kirkko
• 
  Tiänu
• 
  Kiävurogge
• 
  Ucjuv markkân
• 
  Ucjuv kirkko já kirkkotuveh