Ucjuvnjäälmi škovlâ
Ucjuvnjäälmi škovlâ (orjâlâškielân Ohcejohnjálmmi skuvla já suomâkielân Utsjokisuun koulu) lii kyevtkielâg ovtâstittum škovlâ Ucjuuvâ markkânist. Škoovlâst láá sehe suomâ- já orjâlâškielâg luokah ovdâškoovlâst oovcád luokan. Ovdâškoovlâst ain kuuđâd luoka räi máttááttâs tábáhtuvá iänááš párnái eenikielân.[1] Eenâbloho uáppein máttájeh orjâlâškielân.[2][3] Ive 2016 škoovlâst lijjii 80–90 uápped.[2]
Oovtâstpargo[mute | mute käldee]
Ucjuvnjäälmi škoovlâ vyelitääsi Suomâ peln já Sirmá škovlâ Taažâ peln láá porgâm oovtâstpargo raajij rasta jo ive 2006 rääjist.[2][4] Škoovlah uárnejeh ohtâsâš máttááttâs kuohtii ohhoost, ohtii Ucjuuvâst já ohtii Sirmáást.[4] Kiđđuv 2020 oovtâstpargo jooskâi koskâpuddâsávt koronapandemia tiet.[4]
Käldeeh[mute | mute käldee]
- ↑ Ohcejohnjálmmi skuvla. Ucjuuvâ kieldâ. Čujottum 31.12.2020 (orjâlâškielân)
- ↑ 2,0 2,1 2,2 Näkkäläjärvi, Pirita. Ohcejohkii ohcet rektora ja veahkkerehtora. Yle Säämi. 19.2.2016. Čujottum 31.12.2020 (orjâlâškielân)
- ↑ Kosonen, Susanna. Uusi rehtori Laura Arola löysi koulun lapset mustikasta – tällaista on opetus Utsjoen saamelaisenemmistöisessä kunnassa. Olmoošvuoigâdvuotâlitto. 04.12.2017. Čujottum 31.12.2020 (orjâlâškielân)
- ↑ 4,0 4,1 4,2 Torikka, Xia. Sirpmá skuvllas váillahit ovttasbarggu Ohcejohnjálmmi skuvllain – "Doppe leat somát diimmut". Yle Säämi. 6.5.2020. Čujottum 31.12.2020 (orjâlâškielân)