Botswana
| Botswana täsiväldi Republic of Botswana (eŋgâlâskielân) Lefatshe la Botswana (setswanakielân) |
|
|---|---|
 lippu |
 vaakun |
 |
|
| Staatâhäämi | täsiväldi |
| President | Mokgweetsi Masisi |
| Uáivikaavpug | Gaborone |
| Eres kaavpugeh |
Francistown Molepolole |
| Vijđodâh | 581 730 km² |
| – sisčääci |
2,7 % |
| Ässeeloho (2024) | 2 527 092 |
| – ässeesaahâdvuotâ | 4 ässed/km² |
| – aalmugstuárrum | 2,08 % (2020) |
| Virgáliih kielah |
eŋgâlâskielâ setswanakielâ |
| Vaaluut | pula (BWP) |
| Äigi | UTC+2 |
| Jiečânâsvuotâ | |
| – Ovtâstum kunâgâskoddeest | 30.9.1966 |
| Uánádâs | BW |
| Jotolâh | čižetpiälásâš |
| Sundenummeer | +267 |
| Aalmuglâšlaavlâ | Fatshe leno la rona |
|
|
|
Botswana täsiväldi ađai Botswana lii staatâ Afrikist. Ton uáivikaavpug lii Gaborone. Botswanast ulmuuh iä taarbâš kierdâđ kievhivuođâst já neelgist nuuvt ennuv ko maaŋgâin eres Afrik staatâin, ko timanteh já eres ruukih láá išedâm Botswana jáválduđ. Tobbeen lii Afrik stáđásumos já demokraatlumos haldâttâh.[1] Virgáliih kielah Botswanast láá eŋgâlâskielâ já setswanakielâ (aalmugkielâ).
Botswanast lii čižetpiälásâš jotolâh.[2]
Historjá
[mute | mute käldee]Khoisankielâi sárnooh láá aassâm Botswanast maaŋgâid tuháttijd iivijd.[3]
Botswana siste lijjii 1800-lovvoost suáđih jieškote-uvlágánij aalmugij kooskâst, moi suijân lijjii sehe eurooplij kolonialismstaatâi enâmânpuáttim já páihálij ulmui varriimeh staatâ siste.[1] Ive 1876 Botswana kunâgâs koijâdij brittilijn iše enâmis suojâlmân, mutâ brittilijd ij kiäsuttâm oovtâstpargo, peic sij vuáđudii Betšuanaeennâm protektoraat, mii lâi uási brittilâš imperium.
Čohčâmáánu 30. peeivi 1966 Botswanast šoodâi jiečânâs demokratia.
Eennâmtiätu
[mute | mute käldee]Botswana vijđodâh lii 581 730 km², mast 566 730 km² lii eennâm já 15 000 km² čääci.
Sajadâh já rääjih
[mute | mute käldee]Botswanast lii rääji Namibiain ohtsis 1544 km, Maadâ-Afrikáin 1 969 km, Sambiain 0,15 km já Zimbabwein 834 km.[4]
Ekonomia
[mute | mute käldee]Botswanast kávnojeh ennuv timanteh, já enâmist láá-uv maaŋgah tiimaantkuáivuttuvah. Ive 2023 Botswana tiimaantpuovtâdem lâi suullân kulmâ miljard eurod. Tiimaantpuovtâdem lii Botswana tergâdumos ruttâkäldee.[5]
Viehâdâh
[mute | mute käldee]Botswanast ääsih suulân 2,5 miljovn olmožid (ive 2024).[6]
Botswanast lii ohtâ viärráámuin HIV-tiilijn maailmist. HIV-positiivlij ulmui meeri lii olluv. Meid eres njuámmootaavdah tego tuberkulos já malaria láá ennuv.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Botswana.
Käldeeh
[mute | mute käldee]- ↑ 1,0 1,1 Botswana globalis.fi. 20.1.2022. Vyerkkejum 22.6.2020. Čujottum 23.8.2024. (eŋgâlâskielân)
- ↑ 2,0 2,1 Botswana: matkustustiedote um.fi. Ulkoministeriö. Čujottum 23.8.2024. (suomâkielân)
- ↑ History of Botswana www.britannica.com. 22.8.2024. Čujottum 23.8.2024. (eŋgâlâskielân)
- ↑ Botswana web.archive.org. 15.10.2015. The World Factbook. Čujottum 23.8.2024. (eŋgâlâskielân)
- ↑ Olthuis, Marja-Liisa: Maailmhistorjá nubben stuárráámus tiimaant kavnum Botswanast anarasaavis.fi. 23.8.2024. Čujottum 23.8.2024. (suomâkielân)
- ↑ Botswana Population (2024) www.worldometers.info. Čujottum 23.8.2024. (eŋgâlâskielân)
 Tave | .svg) | |
|---|---|---|
 Viestâr | ||
 Koskâ | ||
 Nuorttâ | ||
 Máddáápiälááš | ||
| ||