Urho Kekkosii aalmuglâšmecci

Suávviljävri Urho Kekkosii aalmuglâšmeecist

Urho Kekkosii aalmuglâšmecci lii ive 1983 vuáđudum aalmuglâšmecci Aanaar, Suáđigil já Suovâkuoškâ kieldâi kuávlust. 2 550 km² vijđosâžžân tot lii Suomâ nubben stuárráámus aalmuglâšmecci já ohtâ Suomâ pivnohumosijn vandârdemkuávluin. Paijeel 300 000 vandârdeijed eelih aalmuglâšmeecist jyehi ive. Aalmuglâšmecci kuávlust láá vijđes tuodârpajoseh, peci- já kuosâvyevdih sehe stuorrâ jeegih. Kuosâ ordârääji jotá aalmuglâšmeeci rasta. Kuosâvyevdih šaddeh aalmuglâšmeeci maadâoosijn. Kuáskim lii aalmuglâšmeeci tubdâldâhšlaajâ. Puáris vuovdij tijpâliih loddešlaajah láá ovdâmerkkân kuávská, sämicissááš já muorâkuáráttâh. Puoh Suomâ stuorrâpiäđuh kuobžâ, kumppi, iilvâs já ketki joteh aalmuglâšmeeci kuávlust. Uhkevuálásâš juhâskálžu iälá motomijn aalmuglâšmeeci juuvâin.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Urho Kekkosii aalmuglâšmecci.