Skyelfi

Wikipedia:st
Siirry navigaatioon Siirry hakuun
Skyelfi
Bubo scandiacus
(Linnaeus, 1758)
Bubo scandiacus (Linnaeus, 1758) Male.jpg
Tile VU (hiäjulum)
Tile Suomâst VU (hiäjulum)
Status iucn3.1 VU smn.svg
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Luokka Lodeh Aves
Lahko Oppuulodeh Strigiformes
Čerdâ Oppuuh Strigidae
Suuhâ Stuorrâoppuuh Bubo
Šlaajâ scandiacus

Skyelfi (Bubo scandiacus) lii loddešlaajâ, mii kulá oppuuluudij laahkon.Taan lahkoost láá kyehti hiäimu, moh láá tornâoppuuh já táváliih oppuuh .

Stuárudâh já olgohäämi[Mute | Mute käldee]

Ores lii 55–60,5 cm kukke já tiäddá 1 300–2 300 g. Niŋálâs vuod lii 60,9–67 cm kukke já tiäddá 1 700–3 000 g.[1] Suájákeejij koskâ lii 142–166 cm. Skyelfist láá kuovgis puuzah, mut puuzâin láá räänis já čapisruškis tiälhuh. Puáris oráseh láá ollásávt vielgâdeh. Nuorâ niŋálâsâin láá eenâb tiälhuh, já tondiet toh sättih nevttiđ masa ränisin. Skyelfist láá stuorrâ uáivi, stuorrâ fiskis čalmeh já tevkis njune. Juolgij pirrâ láá ennuv puuzah, já toi loopâst láá tevkis koozah.

Laavlâ[Mute | Mute käldee]

Orráás kiihâmlaavlâ "gooh", "hoorh" teikkâ "aoo" kulloo kuhás. Piervâlsoojijn kulloo váruttâsjienâ "kväkväkväkvä" teikkâ "krä-krä".

Lavdâm já eellimpiirâs[Mute | Mute käldee]

Skyelfi maneh

Skyelfi pessee tundrakuávluin Euroopâst, Aasiast, Ovtâstum staatâinRuánááenâmist. Euroopâst tot lassaan tuše Suomâst, Taažâst, Ruotâst, Islandist já tyellittälli Skotland taavaakeččin. Skyelfi kávnoo máhđulávt meiddei Eŋland nummivoođâin já vala motomijn eres-uv jieŋâmeerâ suolluin, ovdâmerkkân Shetlandsuolluin.

Skyelfi jiešvuođâlâš eellimpirâsin láá seevtil- já jäävviltundrakuávluh sehe tuodârjolgâdâsah já -kuácámeh. Skyelfi pessiiškuát tállân, ko pievlah iđeškyeteh voođáid já jeggijd.

Skyelfi ij lah nuuvt hirmâd uápis tááláid ulmuid, eereeb ko loddekirjij siijđoin, ko tot lii iänááš tuodârässee já uáli-uv harvii láppoo pecivuávdán, mut motomin te liijká sáttá nuuvt-uv keevvâđ.

Raavâd[Mute | Mute käldee]

Skyelfi táválumos ravâdin láá kozzâsäpligeh, njuámmileh já koskâstuárusiih lodeh tego kaijuuh, viettuuh, riävskáhkiäruneh. Eresnáál ko eres oppuuh skyelfih salâsteh iänááš peiviv. Onnáá peeivi toh salâsteh meid iho.

Käldeeh[Mute | Mute käldee]

  1. Tunturipöllö - luontoportti.com Čujottum 3.5.2021 (suomâkielân)
Icono de traducción.svgTaat artikkâl lii jurgâlus
Taat artikkâl lii puohrâkkân teikkâ uásild jurgâlum suomâkielâ Wikipedia artikkâlist «Tunturipöllö».