Nikolai II

Nikolai II
	Puola kunâgâs; Suomâ stuorrâfurstâ
Ruošâ kiäisár
Väldipaje	skammâmáánu 1. peeivi 1894 –; njuhčâmáánu 2. peeivi 1917
Ruvnájááh	vyesimáánu 26. peeivi 1896
Oovdeb	Aleksander III
Suomâ stuorrâfurstâ	skammâmáánu 1. peeivi 1894 –; njuhčâmáánu 2. peeivi 1917
Puola kunâgâs	skammâmáánu 1. peeivi 1894 –; 1915
Šoddâm	vyesimáánu 18. peeivi (J: vyesimáánu 6. peeivi) 1868; Tsarskoje Selo, Pietari, Ruošâ kiäisárkodde
Jáámmám	syeinimáánu 17. peeivi 1918 (50-ihásâžžân); Jekaterinburg, Sovjet-Ruoššâ
Hävdisaje	Piättâr-Paavvâl tuámukirkko, Pietari
Pelikyeimi	Aleksandra Fjodorovna; (vih. 1894)
Párnááh	Olga; Tatjana; Marija; Anastasia; Aleksei
Suuhâ	Romanov
Eeči	Aleksander III
Enni	Maria Fjodorovna
Oskoldâh	ortodoksisâš
Vuáláčaalâ

Nikolai II (18. vyesimáánu 1868 Pietari, Ruošâ kiäisárkodde – 17. syeinimáánu 1918 Jekaterinburg, Sovjet-Ruoššâ) lâi Ruošâ kiäisár, Puola kunâgâs já Suomâ majemuš stuorrâfurstâ iivij 1894–1917.

Eellim

Nikolai šoodâi ruuvnâprinssâ Aleksander (maŋeláá kiäisár Aleksander III) vuosâpärnin. Suu enni lâi kiäisárroonnig Maria Fjodorovna. Nikolai pajanij vááldán Aleksander III jäämmim maŋa skammâmáánu 1. peeivi 1894. Siämmáá ääigi sun naajâi Alexandra Fjodorovnain já sunnui šoddii vittâ párnáá. Virgáliih ruvnájááh lijjii vyesimáánu 26. peeivi 1896 Moskovast.^[1] Suomâ stuorrâfurstân Nikolai II olášutij assimilaatiopolitiik, ige sun tondiet lamaš piivnoh Suomâst.^[2] Nikolai kaartâi luoppâđ ruuvnâst ive 1917 kuovâmáánu vääldikoomeetmist. Ruošâ koskâpuddâsâš haldâttâs vuolgâttij kiäisár perruinis Siberian. Roovvâdmáánu vääldikomettem maŋa perruu tile huánánij. Syeinimáánu 17. peeivi 1918 ubâ peerâ morhedui Jekaterinburgist.^[1]