Katariina Styeres

Katariina II Katariina Styeres
Ruošâ kiäisárroonnig
Väldipaje	syeinimáánu 9. peeivi 1762 – skammâmáánu 17. peeivi 1796
Ruvnájááh	čohčâmáánu 12. peeivi 1762
Oovdeb	Piättâr III
Čuávvoo	Paavvâl I
Ruošâ kiäisár pelikyeimi
Väldipaje	uđđâivemáánu 5. peeivi 1762 – syeinimáánu 9. peeivi 1762
Šoddâm	vyesimáánu 2. peeivi 1729 Stettin, Preussi kunâgâskodde
Jáámmám	skammâmáánu 6. peeivi 1796 (67-ihásâžžân) Pietari, Venäjä
Hävdisaje	Piättâr-Paavvâl tuámukirkko, Pietari
Pelikyeimi	Piättâr III ( 1745; jäämmim 1762)
Párnááh	Paavvâl I Anna Petrovna Aleksei Grigorjevitš Bobrinski
Oles nommâ Sophie Auguste Friederike von Anhalt-Zerbst
Suuhâ	Askania Romanov (näimilito vuáđuld)
Eeči	Kristian August
Enni	Johanna Elisabet
Oskoldâh	ortodoksisâš, ovdil luterilâš
Vuáláčaalâ

Katariina II ađai Katariina Styeres (š. Sophie Auguste Friederike von Anhalt-Zerbst; 2. vyesimáánu 1729 Stettin, Preussi kunâgâskodde – 17. skammâmáánu 1796 Pietari, Ruošâ kiäisárkodde) lâi Ruošâ kiäisárroonnig iivij 1762–1796.

Eellim

Katariina šoodâi vyesimáánu 2. peeivi 1729 aatellii perrui Stettinist. Suu vaanhimeh láin saksalâš prinssâ Christian August von Anhalt-Zerbst já Johanna Elisabeth von Holstein-Gottorp. Ive 1744 Katariina vuolgij enijnis Ruošân já čuávuváá ive sun naajâi Ruošâ ruuvnâprinssâ Piättáráin. Piättár šoodâi kiäisárin kiäisárroonnig Elisabet jäämmim maŋa ive 1762. Piättár lâi kuittâg hiäjus haldâšeijee, ige sun lamaš piivnoh suátivievâ, pappâkode tâi aatellij kooskâst.

Syeinimáánu 9. peeivi 1762 Katariina pajanij vááldán suátivievâ iššijn. Piättár morhedui käävci peivid vääldičovádem maŋa. Katariina II ruvnájááh lijjii siämmáá ive čohčâmáánust Moskovast. 34-ihásii väldipaje ääigi Katariina viigâi nanodiđ Ruošâ ekonomia sehe ovdediđ taiđuu, kulttuur já čuovviittâs jurduid enâmist. Katariina tiervâsvuotâ hiäjunij skammâmáánust, 1796 já sun jaamij skammâmáánu 17. peeivi Pietarist.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Katariina Styeres.