Nikolai I

Nikolai I

Nikolai I (6. syeinimáánu 1796 Tsarskoje Selo, Ruošâ kiäisárkodde – 2. njuhčâmáánu 1855 Pietari, Ruošâ kiäisárkodde) lâi Ruošâ kiäisár, Puola kunâgâs já Suomâ stuorrâfurstâ iivij 1825–1855.

Nikolai šoodâi syeinimáánu 6. peeivi 1796 kiäisár Paavvâl I já Maria Fjodorovna kuálmádin kandân. Nuorrân sun uážui suáldátškovliittâs. Ive 1817 sun naajâi Preussi prinses Charlottein. Nikolai puárásumos viljâ, kiäisár Aleksander I, jaamij pärnittemmin juovlâmáánu 1. peeivi 1825. Perruu nubben puárásumos kandâ Konstantin kiäldádâđâi ruuvnâst já Nikolai šoodâi kiäisárin. Nikolai I väldipaje algâ lâi liävuttem, tastko uási Ruošâ upseerijn vuornuu oskolâšvuođâ vistig Konstantinân. Nikolai jaamij kepiskumeštâsân njuhčâmáánu 2. peeivi 1855 58-ihásâžžân.