Njuškii siskáldâsân

Audrey Hepburn

Wikipedia:st
Audrey Hepburn
Persovntiäđuh
Šoddâm vyesimáánu 4. peeivi 1929
Ixelles, Bryssel, Belgia
Jáámmám uđđâivemáánu 20. peeivi 1993 (63-ihásâžžân)
Tolochenaz, Sveicci
Hävdi Tolochenaz hävdieennâm, Tolochenaz, Vaud-kanton, Sveicci
Karrieer
Aktiivlâžžân 1948–1989
Merhâšittee roolah Roman Holiday
Breakfast at Tiffany's
My Fair Lady
Palhâšumeh
Pyeremuu nissoonuáiviroolâ Oscar-palhâšume
  • 1953 Roman Holiday

Pyeremuu nissoonuáiviroolâ Tony

  • 1954 Ondine

Pyeremuu nissoonuáiviroolâ Golden Globe

  • 1953 Roman Holiday

Pyeremuu nissoonuáiviroolâ BAFTA

Emmy

  • 1993 Gardens of the World with Audrey Hepburn

Grammy

  • 1992 Audrey Hepburn’s Enchanted Tales
Peerâ
Vaanhimeh Joseph Victor Anthony Ruston or Hepburn-Ruston
Ella van Heemstra
Pelikyeimi Mel Ferrer

(vihkâm 1954; iäránâm 1968)
Andrea Dotti
​(vihkâm 1969; iäránâm 1982)
Robert Wolders
(1980–1993; Hepburn jäämmim räi)

Párnááh Sean Hepburn Ferrer
Luca Dotti
Lasetiäđuh
Nommâčáálus
IMDb-sijđo IMDb

Audrey Hepburn (olmâ nommâ Audrey Kathleen Ruston; 4. vyesimáánu 1929 Ixelles, Belgia – 20. uđđâivemáánu 1993 Tolochenaz, Sveicci) lâi brittilâš čaittâleijee já malli.

American Film Institute nomâttij suu ive 1999 ihečyeđe kuálmádin merhâšitteemus nissoončaittâleijen tállân Katharine Hepburn já Bette Davis maŋa.[1] Hepburn lâi piivnoh já adelij ereslágán nissoonvuođâ maali. Suu kovvejeh meid stijlâikonin já inspiraation maŋgáid nisonáid.[2]

Eellim

[mute | mute käldee]

Hepburn šoodâi Brysselist eŋlandlâš diplomaatân já hollandlâš herttuatarân ive 1929. Suu eellim masa nuuvâi ovdilgo kiergânij tuođâi älgiđgin, ko Hepburn umogâžžân puosâškuođij soinâttâhân nuuvt ete suu váimu-uv orostij. Ennis, Ella van Heemstra, luhostui kuittâg iällááttiđ nieidii.

Hepburn juuđij škoovlâid Eŋlandist, mutâ varrij enijnis Vuáládâhenâmáid ive 1939 já aasâi pärnivuođâs tobbeen naccihaldâšem Hollandist. Eeči lâi kuáđđám perruu jo muáddi ive ovdeláá, já Hepburn lii maŋeláá muštâlâm, maht eejis vyelgim vaiguttij Hepburn elimân kuhháá.[3][2][4]

Hepburn jaamij purâstaavdân ive 1993.

Persovnlâš eellim

[mute | mute käldee]

Hepburn lâi kuohtii näimilittoost. Vuosmuš käälis lâi Mel Ferrer, kiäin sun naajâi ive 1954. Suoi iäránáin ive 1968. Nubbe lâi Andrea Dotti, kiäin sun lâi oovtâst iivij 1969–1982. Hepburnist lii kuohtuin näimilittoin ohtâ kandâ, Mel Ferreráin Sean-nommâsâš já Andrea Dottijn Luca.

Karrieer

[mute | mute käldee]

Hepburn varrij Lontoon ko sun lâi 20-ihásâš, naharin šoddâđ baaleettánssájeijen, mutâ rotoi lonottij čaittâlmân. Sun čaittâlij maaŋgâin uálgiroolâin brittilâš pyevtittâsâin, ovdilgo teeivâi ranskalâš čällee Colette Monte Carlost ive 1951. Colette lijkkuustui Hepburnân já smietâi, ete sun ličij tievâslâš suu Broadway čaaitâlm Gigi uáiviroolân. Tast maŋa Hepburn finnij-uv roolâid jo Hollywood elleekuuvijn. Suu vuosmuš stuorrâ roolâ lâi elleekooveest Roman Holiday ive 1953, mast sun finnij pyeremuu nissoonuáiviroolâ Oscar-palhâšume-uv ive 1954.

Filmografia

[mute | mute käldee]
Roman Holiday, Sabrina, Funny Face já Breakfast at Tiffany's postereh.
Elleekoveh
Ihe Nommâ Roolâ
1948Nederlands in zeven lessenkirdemeemeed
1951One Wild Oathooteel pargee
Laughter in ParadiseFrieda
The Lavender Hill MobChiquita
Young Wives’ TaleEve Lester
Nous irons à Monte CarloMelissa Walter / Linda Farrel (eŋg. versio, 1953)
1952Secret PeopleNora Brentano
1953Roman Holidayprinsessa Ann
1954SabrinaSabrina Fairchild
1956War and PeaceNatasha Rostova
1957Funny FaceJo Stockton
Love in the AfternoonAriane Chavasse
1959Green MansionsRima
The Nun’s Storyuábbi Luke
1960The UnforgivenRachel Zachary
1961Breakfast at Tiffany’sHolly Golightly
The Children’s HourKaren Wright
1963CharadeRegina "Reggie" Lampert
1964Paris When It SizzlesGabrielle "Gaby" Simpson
My Fair LadyEliza Doolittle
1966How to Steal a MillionNicole Bonnet
1967Two for the RoadJoanna "Jo" Wallace
Wait Until DarkSusy Hendrix
1976Robin and MarianMarian
1979BloodlineElizabeth Roffe
1981They All LaughedAngela Niotes
1989AlwaysHap (cameo)
Televisioelleekoveh
Ihe Nommâ Roolâ
1987Love Among Thievesparonitar Caroline DuLac
Televisio
Ihe Nommâ Roolâ Uási nommâ
1951Sunday Night TheatreCelia"The Silent Village"
1952CBS Television Workshopjieš"Rainy Day in Paradise Junction"
1957Producers’ Showcaseparonitar Mary Vetsera"Mayerling"

Kovegalleria

[mute | mute käldee]

Fáádást eres soojijn

[mute | mute käldee]

Käldeeh

[mute | mute käldee]
  1. ↑ AFI's 100 YEARS...100 STARS - The 50 Greatest American Screen Legends AFI American Film Institute. Čujottum 05.08.2020
  2. 1 2 Audrey Hepburn ja maailmassa olemisen taito Yle Teema 26.04.2019. Čujottum 05.08.2020
  3. ↑ Audrey Hepburn oli tähti, joka jäi melkein syttymättä – elämään mahtui nälänhätää, keskenmenoja ja epäonnea rakkaudessa Ilta-Sanomat 04.05.2019. Čujottum 05.08.2020
  4. ↑ Audrey Hepburn Britannica. Čujottum 05.08.2020
Viežžum saajeest "https://smn.wikipedia.org/w/index.php?title=Audrey_Hepburn&oldid=145419"