Tijdâtälvi
Tijdâtälvi (ruotâkielân Trollvinter, orjâlâškielân Diidadálvi, nuorttâlâškielân Moodrai täʹlvv já suomâkielân Taikatalvi) lii Tove Jansson čäällim muumikirje, mast Muumistáálu morráán kaskoo tälvinaharis.
Eres kielah
[mute | mute käldee]Jansson čaalij kirje algâaalgâst ruotâkielân, já tot almostui ive 1957. Ive 1958 kirje almostui meid suomâkielân.[1] Ive 2015 almostui Inker Susanna Nutti orjâlâškielâlâš jurgâlus. Ive 2019 almostuvvii Satu Moshnikoff jurgâlem nuorttâlâškielâlâš versio noomáin Moodrai täʹlvv já Uccpárnáá Vuoli Ilmar jurgâlem anarâškielâlâš versio noomáin Tijdâtälvi.[2]
Tijdâtälvi jienâkirjen
[mute | mute käldee]Suomâkielâlii jienâkirjeest láá kyehti versio: ive 1958 Helena Lehtimäki luuhâm versio[3] já ive 1989 Tytti Paavolainen luuhâm WSOY-versio. Paavolainen lii luuhâm meid suomâkielâ uđđâsub versioid. Ive 2016 jienâkirje almostui orjâlâškielân; tom luuvâi páádán Raili Pirinen.[4][5] Jienâkirje ij vala kavnuu anarâškielân ige nuorttâlâškielân.
Fáádást eres soojijn
[mute | mute käldee]Käldeeh
[mute | mute käldee]- ↑ Tove Jansson kirjailijana Tovejanssonseura.fi. Čujottum 6.12.2020 (suomâkielân)
- ↑ Anarâš čaabâkirjálâšvuotâ: Párnái já nuorâi kirjálâšvuotâ 4.2.2020. Nettisaje - Wiki anarâškielâst já kulttuurist. Čujottum 6.12.2020
- ↑ Taikatalvi Celianet. Čujottum 6.12.2020 (suomâkielân)
- ↑ Diidadálvi Celianet. Čujottum 6.12.2020 (suomâkielân)
- ↑ Paunonen, Eeva. Saamenkielisiä uutuuksia Celiassa. Celianet. 6.2.2017. Čujottum 21.12.2020 (suomâkielân)