Tove Jansson

Wikipedia:st
Jump to navigation Jump to search
Tove Jansson
Tove-Jansson-1967.jpg
Šoddâm porgemáánu 9. peeivi 1914 Helsigist
Jáámmám kesimáánu 27. peeivi 2001 Helsigist
Pargo
Áámmát kirječällee, kovetaaidâr, ráiđukovetaaidâr
Kielâ ruotâkielâ
Peerâ
Vanhimeh Viktor JanssonSigne Hammarsten-Jansson
Pelikyeimi Tuulikki Pietilä (1956–2001)
Lasetiäđuh
Nommâčáálus Tove Jansson signature.svg
Päikkisijđo tovejansson.com

Tove Marika Jansson (9. porgemáánu 1914 Helsig, Suomâ27. kesimáánu 2001 Helsig, Suomâ) lâi suomâruátálâš kirječällee já kovetaaidâr, kiän karrieer lâi maaŋgâpiälálâš. Sun lii maaŋgâi rähis muumikiirjij čällee.

Eellim[Mute | Mute käldee]

Peerâ já nuorâvuotâ[Mute | Mute käldee]

Tove Marika Jansson šoodâi Helsigist porgemáánu 9. peeivi 1914. Enni, kovvejeijee Signe Hammarsten (Ham) já eeči, skultpor Viktor Jansson (Faffan) vuorkkáin Tove-nieidâ eellim sunnuu taaiđân aaibâs aalgâ rääjist. Tove jieš-uv oopâi jo aaibâs uccen sárguđ. Sun já suu viiljah, Per Olov (š.1920) já Lars (š.1926), čuovvuu ubâ pärnivuođâstis vaanhimij pargoid, já sist puohâin šoodâi meid taidâreh.[1]

Škovlâäigi lâi Toven vaigâd. Čohčuv 1930 sun vuolgij Tukholma taiđâškoovlân luuhâđ máinussárgum já hammim. Čohčuv 1931 sun joođhij uápuidis Tukholma Aaleeb taiđâškoovlâst teddim- já taaiđâtyeje linjeest, kovvejeijee- já máinussárgumškovlimist. Tobbeen lijjii áámmátsárgum, čäällim, heraldiik, mallisárgum, hervâmááláám já kirjetaiđuu uápuh.

Tove Jansson vietij masa puoh keesijd elimistis Pellinki suáluikuávlust, kost Janssonijn lâi láigutupe já maŋeláá pisovub saje Bredskär suollust. 1960-lovvoost 1990-lovo aalgâ räi Jansson lâi keessiv ain Klovharu suollust oovtâst suu kuoimijn, graafikko Tuulikki Pietiläin.[2]

Muumih[Mute | Mute käldee]

Vuosmuš muumikirje lâi ive 1945 almostum Småtrollen och den stora översvämningen (almostui 1991 suomâkielân noomáin Muumit ja suuri tuhotulva, "Muumih já stuorrâ hiävutulve"). Tast maŋa, ive 1946, almostui nubbe muumikirje Kometjakten já ive 1948 kuálmád Trollkarlens hatt, mii finnij rämideijee árvustâlmijd sehe SuomâstRuotâst. Viehâ jotelávt tot jurgâlui meid eŋgâlâskielân noomáin Finn Family Moomintroll, mii almostui ive 1950. [3]

Tyeji[Mute | Mute käldee]

Jansson lii máálám hirmâd ennuv kuuvijd já čáállám muumikiirjij lasseen vala lovmat eres-uv kirjed.

Jansson kirjeh anarâškielân[Mute | Mute käldee]

Anarâškielân lii jurgâlum ohtâ Jansson kirje: Tijdâtälvi (algâalg. nommâ Trollvinter, 1957). Tot almostui ive 2019 já tom lii jurgâlâm Uccpárnáá Vuoli Ilmar.

Käldeeh[Mute | Mute käldee]

  1. Perhe tovejansson.com (suomâkielân)
  2. Tove Jansson HAM
  3. TOVE JANSSONIN MUUMIT Muumit Rivieralla