Tavečuovjisjerjâ
| Tavečuovjisjerjâ Cicerbita alpina (Linnaeus) Wallr. |
|
|---|---|
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Šadoh Plantae |
| Vyelikodde | Pocceešadoh Tracheobionta |
| Tävgi | Siemâšadoh Spermatophyta |
| Vyelitävgi | Čiähásiemmânsiih Magnoliophytina |
| Luokka | Kyevtalgâlostâsiih Magnoliopsida |
| Lahko | Asterales |
| Hiäimu | Asteršadoh Asteraceae |
| Suuhâ | Tavečuovjisjeerjah Cicerbita |
| Šlaajâ | alpina |
Tavečuovjisjerjâ (Cicerbita alpina) lii ollâ šaddo, mii tiättoo Laapist, Taažâ vaarijn já Aalpâin. Suomâst tot tiättoo Laapi eennâmkoddeest, Tavenuorttiienâmist já Kainuust.
Tavečuovjisjerjâ suomâkielân já orjâlâškielân[mute | mute käldee]
- suomâkielân: pohjansinivalvatti
- orjâlâškielân: jeađjá, jearjá, jearji, jierji, jeađja, jearja, davvealitjearja
Stuárudâh já olgohäämi[mute | mute käldee]
Tavečuovjisjerjâ lii suulân 50–200 cm olluv. Suomâst tot kukkee syeini-porgemáánust. Kukáh láá kuovgisčuovjâdeh teikâ čuovjisvioleteh .
Eellimpiirâs[mute | mute käldee]
Tavečuovjisjerjâ šadda lahtâ soojijn, kost enâmist láá ennuv raavvâdamnâseh. Tom puáhtá kavnâđ juuvâi já aijui aldakuávluin, rotoenâmijn sehe suánjuin.[1]
Kiävttu sämmilij kulttuurist[mute | mute käldee]
Sämmiliih vuoššii tavečuovjisjeerjâ já siävuttii čuoppum šado poccuumielhijn oovtâst iävroin teikkâ sälttisuoinijn. Nuorâ šadoi veerdih porrojii nuhtán ton maŋa ko siđhes korrâkerdi valdui meddâl. Tavečuovjisjerjâ lâi sämmilijd uápis já puurrâmrääsi já sälttisyeini lasseen tot lâi sijjân herskušaddo.[1]
Tavečuovjisjeerjâ veerdijd puáhtá čuoppâđ já čaacciđ, vâi ton viehâvis smakkâ lappuuččij. Ton maŋa tot lii pyeri aamnâs määlistmist teikkâ salatist. Veerdih siäiluh meiddei puolâščuhheest.[1]
Kovegalleria[mute | mute käldee]
Käldeeh[mute | mute käldee]
 |
Wikimedia Commonsist láá koveh teikkâ eres tiätuvuárháh fáádást Tavečuovjisjerjâ. |
- ↑ 1,0 1,1 1,2 Ukkonen, Kirsi: ANARŠKIEL ŠADDONOOMAH - Noomâi etymologia já šadoi kiävttu purrâmâššân já tiervâsvuođâ naanoodmist (PDF) (Pro gradu -tuuđhâlm) 2017. Oulu ollâopâttâh. Čujottum 4.2.2022.