Suriname

Suriname täsiväldi Republiek van Suriname (hollandkielân)
lippu	vaakun
Staatâhäämi	täsiväldi
President	Jennifer Geerlings-Simons
Uáivikaavpug	Paramaribo
Eres kaavpugeh	Lelydorp, Nieuw Nickerie
Vijđodâh	163 820 km²
– sisčääci	1,10 %
Ässeeloho (2018)	575 990
– ässeesaahâdvuotâ	2,9 ässed/km²
Virgáliih kielah	hollandkielâ
Vaaluut	Suriname dollar (SRD)
Äigi	UTC-3
Jiečânâsvuotâ
– Vuáládâhenâmijn	25. skammâmáánu 1975
Uánádâs	SR
– kirdemmašinijn	PZ
Jotolâh	čižetpiälásâš
Sundenummeer	+597
Internet TLD	.sr
Motto	"Justitia – Pietas – Fides"
Aalmuglâšlaavlâ	God zij met ons Suriname

Suriname lii staatâ Maadâ-Amerikist. Ton uáivikaavpug lii Paramaribo.

Historjá

Suriname lii Vuáládâhenâmij oovdiš siirdâeennâm, mii šoodâi jiečânâssân ive 1975.

Dési Bouterse haldâšij Suriname diktaattorin iivij 1980–1987 já oppeet presidentin iivij 2010–2015 já 2015–2020. Ive 2019 Bouterse onnui sujalâžžân 15 pooliitlii vuástálistee morheedmân ive 1982. Tuámu šoodâi laavâvuáimálâžžân ive 2023, mon maŋa Bouterse čiähádâđâi. Sun jaamij čuávuváá ive juovlâááptu 79-ihásâžžân.

Eennâmtieđâ

Suriname vijđodâh lii 163 820 km², mast 7 820 km² lii čääci. Vijđoduv mield Suriname lii maailm 92. stuárráámus staatâ.

Sajadâh já rääjih

Suriname lii jiečânâs täsiväldi Maadâ-Amerik taveriddoost. Ton ránnjástaatah láá nuorttân Ranska Guayana, mäddin Brasilia já viestârist Guyana. Surinamest staatârääjih láá ohtsis 1 907 km. Kuhemus rääji lii rääji Guyanain, mii lii 836 km. Uánihumos rääji vist lii 515 km rääji Brasiliain. Suriname rájášuvá Atlant väldimeerân. Merâriddo lii ohtsis 386 km.

Ránnjástaatâ	Rääji kukkodâh	Kárttá
Ranska Guayana	556 km
Brasilia	515 km
Guyana	836 km

Morfologia

Suriname alemus saje lii Julianatop čokke (1 230 m). Ton vyeligumos saje vist lii nomâttes saje riddokuávlust (-2 m).

Biodiversiteet

Paijeel 90 % Surinamest lii trooppisâš arvemecci. Enâmist láá lamaš vädisvuođah lavâttes kollekuáivumáin já vyevdičuoppâmijguin.

Haldâttâh já politiik

Kuávlulâš jyehim

Válduartikkâleh: Suriname pirrâduvah já Suriname vyelipirrâduvah

Suriname lii juohhum 10 pirrâdâhân (hollandkielân distrikt) já 63 vyelipirrâdâhân (hollandkielân ressort). Paramaribost vyelipirrâdâh lii siämmáálágán ko kaavpuguási, mudoi tot lii siämmáálágán ko kieldâ.

Suriname pirrâduvah

Suriname pirrâduvah láá:

1. Brokopondo
2. Commewijne
3. Coronie
4. Marowijne
5. Nickerie
6. Para
7. Paramaribo
8. Saramacca
9. Sipaliwini
10. Wanica

President

Suriname president väljejuvvoo epinjuolgâdávt. Almolij vaaljâi maŋa aalmuglâščuákkim jesâneh jienâsteh presidentist. Iävtukkâs ferttee finniđ kyehti kuálmádâs jienâin, vâi sun vuáitáččij vaaljâid.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Suriname.