Maadâ-Georgia já Máddááh Sandwichsuolluuh
| Maadâ-Georgia já Máddááh Sandwichsuolluuh | |
|---|---|
 lippu |
 vaakun |
 |
|
| Staatâhäämi | Brittilâš tovnbeln meerâ kuávlu |
| Monark | Charles III |
| Komissaar | Alison Blake |
| Uáivikaavpug | King Edward Point |
| Vijđodâh | 3 903 km² |
| Virgáliih kielah | eŋgâlâskielâ |
| Vaaluut | Falkland pudde (FKP) |
| Äigi | UTC-2 |
| Uánádâs | GS |
| Jotolâh | čižetpiälásâš |
| Sundenummeer | +500 |
| Internet TLD | .gs |
| Motto | Leo Terram Propriam Protegat |
| Aalmuglâšlaavlâ | God Save the Queen |
|
|
|
Maadâ-Georgia já Máddááh Sandwichsuolluuh láá Ovtâstum kunâgâskode haldâšem suáluikuávlu já tovnbeln meerâ kuávlu, mutâ Argentiina meid tuálá taid jieijâs uássin. Taat suáluikuávlu lii Maadâ-Atlantist já toos kuleh Maadâ-Georgia suálui sehe ucebeh suolluuh, moi nommâ lii Máddááh Sandwichsuolluuh. Maadâ-Georgia suálui lii suulân 1 300 kilomeetterid maadânuortâs Falklandsuolluin, já Máddááh Sandwichsuolluuh láá 760 kilomeetterid maadânuortâs Maadâ-Georgia suollust.[1][2]
Historjá[mute | mute käldee]
Maadâ-Georgia[mute | mute käldee]
Maadâ-Georgia suolluu kaavnâi vuosmuu keerdi Antoine de la Roché ive 1675, já uássin Britannia tom vaaldij James Cook ive 1775. Argentiina lii ive 1927 rääjist vaattâm suolluu olssis.[3]
Máddááh Sandwichsuolluuh[mute | mute käldee]
Cook kaavnâi meid Máddáid Sandwichsuolluid ive 1775 já vaaldij taid-uv Britannia uássin. Argentiina lii ive 1948 rääjist vaattâm taid olssis.[3]
Eennâmtiätu[mute | mute käldee]
Maadâ-Georgia[mute | mute käldee]
Maadâ-Georgia suálui lii suulân 1 300 kilomeetterid maadânuortâs Falklandsuolluin. Suálui lii suulân 170 kilomeetterid kukke já kobdodâh mulsâšuvá 2 já 40 km kooskâst. Vijđodâh suollust šadda ohtsis 3 755 km², mast peeli lii jieŋâ vyelni pirrâ ive. Alemus saje suollust lii Mount Paget, mii paijaan 2 934 meetter alodâhân.[3]
Máddááh Sandwichsuolluuh[mute | mute käldee]
Máddááh Sandwichsuolluuh láá 11 suolluu ráiđu, main stuárráámus uási láá volkaanliih suolluuh. Vijđodâh tain lii ohtsis 337 km².[4]
Fáádást eres soojijn[mute | mute käldee]
Wikimedia Commonsist láá koveh teikkâ eres tiätuvuárháh fáádást Maadâ-Georgia já Máddááh Sandwichsuolluuh.
Käldeeh[mute | mute käldee]
- ↑ South Georgia Britannica. Čujottum 12.12.2021. (eŋgâlâskielân)
- ↑ South Sandwich Islands Britannica. Čujottum 12.12.2021. (eŋgâlâskielân)
- ↑ 3,0 3,1 3,2 About South Georgia & the South Sandwich Islands Goverrnment of South Georgia & the South Sandwich Islands. Čujottum 12.12.2021. (eŋgâlâskielân)
- ↑ South Georgia and the South Sandwich Islands Cool Antarctica. Čujottum 12.12.2021. (eŋgâlâskielân)
| ||||||||||
.svg)