Smuggâjävri
| Smuggâjävri | |
|---|---|
| Staatâ | Suomâ |
| Eennâmkodde | Lappi |
| Kieldâ | Aanaar |
| Čäsuáivi alodâh | 201,2[1] m |
| Vijđodâh | 0,26 km² |
| Čäcirääji | 3,4 km |
  Smuggâjävri |
|
|
Koordinaateh: |
|
Smuggâjävri (suomâkielân Smukanjärvi, orjâlâškielân Smukkajávri já nuorttâlâškielân Smukkjäuʹrr)[1][2] lii Njiävđámjuuvâ čácádâhân kullee jävri Tave-Anarist Ijjäävri nuortâs. Jäävri vijđodâh lii 0,26 km², já čäcirääji kukkodâh lii 3,4 km. Čäsuáivi alodâh lii 201,2 m.
Nommâ[mute | mute käldee]
Miärušuási puátá Taažâpele suhânoomâ Smuk mieldi, mii lii Maarrušij suhânommâ ain tááláá ääigist-uv.[3]
Smuggâ-äijih[mute | mute käldee]
Maainâs muštâl, et mottoom Taažâpele nuáidi Smuggâ-äijih lii jáámmám taan jäävri riidon. Smuggâ-äijih toolâi poccuidis Panne-äijih (máhđulávt Panne-Aaslâk 1842–1910) noomâst, kote kuáđuttij poccuidis Suomâbeln. Suomâst lijjii pyerebeh kuáttumenâmeh ko Taažâst. Smuggâ jaamij, ko sun lâi keččâmin iälus, mii lâi Panne-äijih kiäjust. Taavvid-äijih, kote lâi talle nuorâ almai, lâi ohtâ tain haarvijn, kiäh teivâsii leđe pääihi alne, ko nuáidi jaamij.[3]
Käldeeh[mute | mute käldee]
- ↑ 1,0 1,1 Karttapaikka - Maanmittauslaitos asiointi.maanmittauslaitos.fi. Čujottum 2.8.2022.
- ↑ Smukanjärvi (69.024.1.045) Järvi-meriwiki. Čujottum 7.8.2022. (suomâkielân)
- ↑ 3,0 3,1 Mattus, Ilmari: Anarâš päikkinoomah, s. 309. Anarâškielâ servi ry, 2015. ISBN 978-952-67439-7-4.