Juŋŋâ
Juŋŋâ (Vaccinium vitis-idaea) lii koškes já vorâs kuolbâmeecij, tuoddârij, jeggimeecij já källei myerji.[1]
Juŋŋâ suomâkielân já eres sämikieláid[Mute | Mute käldee]
- suomâkielân: puolukka[1]
- maadâsämikielân: jugŋe[1]
- umesämikielân: jåg´ŋa[1]
- pittáámsämikielân: jågŋå[1]
- juulevsämikielân: jågŋå[1]
- orjâlâškielân: jogŋâ[1]
- nuorttâlâškielân: joŋŋ[1]
- kieldâsämikielân: joŋŋ[1]
Levânem[Mute | Mute käldee]
Juŋŋâ šadda Tave-Amerikâst já Euraasiast. Tot šadda vijđáht koškes já vorâs kuolbâmeecijn, tuoddârist, jeggimeecijn já källei alne. Tot killáá koškesvuođâ pyereest já lijkkoo čuovvâd soojijd. Suoivâsoojijn myerjih iä veltihánnáá šoodâ ollágin.[1]
Kiävttu sämmilij kulttuurist[Mute | Mute käldee]
Talhâsin juuŋâst láá ärbivuáválávt kevttum loostah. Loostah čuággojeh liäđđumääigi maŋa. Juŋŋâlostâteejáin tipšuu kužžâpocceevááduid, kudduumijd, leesmi já čirgottâs. Myerjih nanosmitteh vuoptâsuonâid. Sämmiliih láá puurrâm juuŋâid nuhtán, mutâ sij vyerkkejii taid täälvi várás.[1]
Juuŋâid puáhtá kevttiđ maaŋgânáál: piärgu- teikkâ kyelipurrâmâšâiguin, suohâdân, kiisselân, juhâmuššáid, liäibumân já pajalâssáid.[1]
