Jår’galæd’dji
Jår’galæd’dji teikkâ Jårgalæđđji Å/S (anarâškielân Jurgâleijee) lâi sämmilâš kirje- já muusiklájádâs Båtengist Tiänu kieldâst, Finnmarkist. Lájádâs vuáđudii Solbakk-viiljah: Lemet-Jon Aage, Lemet-Jon Ivvár já Lemet-Jon Jovnna.[1] Jår’galæd’dji toimâ nuuvâi koŋkurssân ive 1988.[2]
Historjá[mute | mute käldee]
Muusikalbumij almostittem[mute | mute käldee]
Jår’galæd’dji almostitij vuossâmuu muusikalbum ive 1974.[2] Maaŋgah lájádâs almostittem albumijn láá onnáá peeivi tavesämmilij klassikkoh tegu Nils-Aslak Valkeapää Vuoi, Biret-Maaret, Vuoi! já Dædnugádde Nuorat – Dædnugáddis.[3] Tai lasseen Jår’galæd’dji almostitij meid tagarij artistij ko Ivnniiguin, Máze Nieiddat, Mattis Hætta, Biret Elle já Ann Jorid Henriksen albumijd.[1]
Kiirjij já ráiđukuuvij almostittem[mute | mute käldee]
Vuossâmuu kirje lájádâs almostitij muáddi ive maŋeláá. Tot lâi vuossâmuš sämmilâš kirjelájádâs. 1970-lovvoost tot lâi meid stuárráámus sämmilâš kirjelájádâs. Kirjeh almostuvvii aainâs-uv orjâlâškielân, maadâsämikielân já juulevsämikielân.
Čohčâmáánust 1987 Jår’galæd’dji almostitij vuossâmuu Vulle Vuojaš -loostâ, mon Elle Márjá Vars jurgâlij orjâlâškielân. Majemuš nummeer almostui čuávuváá ive, tastko ruttâ ij innig rijttám loostâ almostitmân.
Käldeeh[mute | mute käldee]
- ↑ 1,0 1,1 Hætta, Wenche Marie: Dalle go sámi musihkka "riegádii" NRK Sápmi. 2.6.2008. Čujottum 7.5.2023. (tavesämikielân)
- ↑ 2,0 2,1 Somby, Niillas A.: Jår’galæd’dji reastaluvvá. Sámi Áigi, 14.10.1988, 10. ihekerdi, nr 53, s. 2. Artikkâl nettiversio Čujottum 7.5.2023. (tavesämikielân)
- ↑ Jår'galæd'dji Discogs. Čujottum 7.5.2023. (eŋgâlâskielân)