Čuovâuáivi peivikirje (kirjeráiđu)

Čuovâuáivi peivikirje lii ovtâstumstaatâlâš kirječällee Jeff Kinney čäällim já kuvvim kirjeráiđu. Kinney čáálá kirjerááiđu kiirjijd eŋgâlâskielân. Rááiđu vuossâmuš kirje almostui eŋgâlâskielân ive 2007. Tastmaŋa ráiđu lii vijđánâm jotelávt, já roovvâdmáánu 24. peeivi 2023 Ovtâstum staatâin almostui ton 18. kirje. Rááiđu sáŋgárin lii paješkoovlâ uáppee Greg Heffley. Suu perrui kuleh eeči (Frank), enni (Susan), stuorrâviljâ (Rodrick) já uccâviljâ (Manny). Peivikiirján Greg čáálá jieijâs elimist já feeriimijn Plainview-nommâsii kaavpugist.

Ive 2009 rááiđu vuossâmuš kirje almostui suomâkielân noomáin Neropatin päiväkirja.

Kirjeráiđu eŋgâlâskielân

Rááiđu vuossâmuš kirje almostui eŋgâlâskielân cuáŋuimáánu 1. peeivi 2007. Nubbe kirje almostui kuovâmáánu 1. peeivi 2008. Ive 2009 almostuvvii kyehti kirje. Tastmaŋa lii almostum ohtâ kirje jyehi ive roovvâdmáánust teikâ skammâmáánust.

N.	Nommâ	Almostum	ISBN
1.	Diary of a Wimpy Kid	1. cuáŋuimáánu 2007	978-0-8109-9313-6
2.	Diary of a Wimpy Kid: Rodrick Rules	1. kuovâmáánu 2008	978-0-8109-9473-7
3.	Diary of a Wimpy Kid: The Last Straw	13. uđđâivemáánu 2009	978-0-8109-7068-7
4.	Diary of a Wimpy Kid: Dog Days	12. roovvâdmáánu 2009	978-0-8109-8391-5
5.	Diary of a Wimpy Kid: The Ugly Truth	9. skammâmáánu 2010	978-0-8109-8491-2
6.	Diary of a Wimpy Kid: Cabin Fever	15. skammâmáánu 2011	978-1-4197-0223-5
7.	Diary of a Wimpy Kid: The Third Wheel	13. skammâmáánu 2012	978-1-4197-0584-7
8.	Diary of a Wimpy Kid: Hard Luck	5. skammâmáánu 2013	978-1-4197-1132-9
9.	Diary of a Wimpy Kid: The Long Haul	4. skammâmáánu 2014	978-1-4197-1189-3
10.	Diary of a Wimpy Kid: Old School	3. skammâmáánu 2015	978-1-4197-1701-7
11.	Diary of a Wimpy Kid: Double Down	1. skammâmáánu 2016	978-1-4197-2344-5
12.	Diary of a Wimpy Kid: The Getaway	7. skammâmáánu 2017	978-1-4197-2545-6
13.	Diary of a Wimpy Kid: The Meltdown	30. roovvâdmáánu 2018	978-1-4197-2743-6
14.	Diary of a Wimpy Kid: Wrecking Ball	5. skammâmáánu 2019	978-0241396636
15.	Diary of a Wimpy Kid: The Deep End	27. roovvâdmáánu 2020	978-1419748684
16.	Diary of a Wimpy Kid: Big Shot	26. roovvâdmáánu 2021	978-1419749155
17.	Diary of a Wimpy Kid: Diper Överlöde	25. roovvâdmáánu 2022	978-1419762949
18.	Diary of a Wimpy Kid: No Brainer	24. roovvâdmáánu 2023	978-1419766947
19.	Diary of a Wimpy Kid: Hot Mess	22. roovvâdmáánu 2024	978-1-4197-6695-4
20.	Diary of a Wimpy Kid: Partypooper	21. roovvâdmáánu 2025	978-1-4197-6695-4

Kirjeráiđu sämikielân

Kirjeráiđu anarâškielân

Rááiđu vuossâmuš kirje almostui anarâškielân ive 2020 noomáin Čuovâuáivi peivikirje. Tom lii jurgâlâm Mikkâl Morottaja já kuástidâm Sämitigge. Tastmaŋa Anarâškielâ servi lii finnim ameriklii kuástideijest love almostittiđ ubâ rááiđu anarâškielân. Fabrizio Brecciaroli lii jurgâlâm rááiđu nube, kuálmád, niäljád já viiđâd kirje. Nubbe já kuálmád kirje almostuvvii ive 2022 nomâiguin Čuovâuáivi peivikirje – Stuorrâviljâ almaaštâl já Čuovâuáivi peivikirje – Jo rijttáá. Niäljád kirje almostui ive 2023 loopâst noomáin Čuovâuáivi peivikirje – Hyenes luho keesi. Viiđâd kirje vist almostui ive 2025 noomáin Čuovâuáivi peivikirje – Korrâ tuotâvuotâ.

N.	Nommâ	Almostum	ISBN
1.	Čuovâuáivi peivikirje	2020	978-952-441-426-5
2.	Čuovâuáivi peivikirje – Stuorrâviljâ almaaštâl	2022	978-952-7477-00-7
3.	Čuovâuáivi peivikirje – Jo rijttáá	2022	978-952-7477-03-8
4.	Čuovâuáivi peivikirje – Hyenes luho keesi	2023	978-952-7477-10-6
5.	Čuovâuáivi peivikirje – Korrâ tuotâvuotâ	2025	978-952-7477-18-2

Kirjeráiđu eres sämikieláid

Anarâškielâ lasseen ive 2020 rááiđu vuossâmuš kirje almostui meiddei nuorttâlâškielân noomáin Jeäʹrmmpääʹǩǩ peiʹvvǩeʹrjj já orjâlâškielân noomáin Jierpmástalli beaivegirji. Raija Lehtola jurgâlij kirje nuorttâlâškielân, já Áilu Valle jurgâlij tom orjâlâškielân. Kiirjijd lii kuástidâm Sämitigge.