Ailu Valle
| Ailu Valle Aslak-Nils Valle[1] | |
|---|---|
.jpg)
| |
| Persovntiäđuh | |
| Šoddâm | 1985 |
| Šoddâmsaje | Kaamâsmokke, Ucjuuhâ |
| Musikkár | |
| Artistnommâ | Ailu Valle |
| Lávlumkielah | orjâlâškielâ, meid eŋgâlâs- já suomâkielâ |
| Genreh | rápmuusik |
| Čuojânâsah | jienâ |
|
| |
Aslak-Nils Ailu Valle (š. 1985, Kaamâsmokke, Ucjuuhâ, Suomâ) lii sämmilâš ráppájeijee. Sun lii meddâl Ucjuuvâ Kaamâsmohe siijdâst. Algâaalgâst sun ráppái eŋgâlâs- já suomâkielân, mut talle sun kevtiškuođij eenikielâs orjâlâškielâ. Sun lii luuhâm máttáátteijen já haalijd ráppámáin meid ovdediđ kielâiäláskittem.
Karrieer
[mute | mute käldee]Muusik
[mute | mute käldee]Valle lii mainâšâm, ete suu muusikliih ovdâkoveh lává sämmilâš taaidâr Nils-Aslak Valkeapää já ráppájeijee Asa. Ovdil ko sun raahtij jieijâs skiäru, sun lâi fáárust oululij ráp-juávhui Pummiharmonia já Roolipolunveljekset skiäruin. Suu vuossâmuš skiärru Dušši dušše duššat almostui ive skammâmáánu 16. peeivi 2012. Suu nubbe skiärru 7 (2015) ovtâstit sämmilij ärbivuáválijd oskomušâid já orientaallijd filosofiaid. Vale kuálmád sooloskiärru Viidon sieiddit almostui ive 2019.
Valle lii rähtimin uđđâ skiäru oovtâst anarâš ráppájeijee Amocáin. Sunnuu vuossâmuš single Horagállis almostui ive 2020 loopâst.[2]
Jienâčaittâlem
[mute | mute käldee]Sämitige alguu vuáđuld Yle já Gutsy Animations -pyevtittemfinnodâh rähtiškuottii uđđâ Muumileehi-rááiđu orjâlâškielân, anarâškielân já nuorttâlâškielân.[3] Valle lii jienâčaittâlâm Muumistáálu roolâ orjâlâškielâg rááiđust.[4]
Jurgâlem
[mute | mute käldee]Oovtâst Sara Margrethe Oskaláin já Cathrine Bang Norumáin Valle lii jurgâlâm Jiäŋŋum 2 -elleekove lavlui orjâlâškielân.[5]
Ive 2020 almostuvvii Čuovâuáivi peivikirje -rááiđu vuossâmuš kirje, Diary of a Wimpy Kid sämikielâg versioh. Anarâškielân tom jurgâlij Mikkâl Morottaja noomáin Čuovâuáivi peivikirje, nuorttâlâškielân Raija Lehtola noomáin Jeäʹrmmpääʹǩǩ peiʹvvǩeʹrjj já orjâlâškielân Ailu Valle noomáin Jierpmástalli beaivegirji.[6]
Palhâšumeh
[mute | mute käldee]Ive 2019 Valle vuoitij párnáikulttuur staatâpalhâšume.[7]
Diskografia
[mute | mute käldee]Albumeh
[mute | mute käldee]- 2012 – Dušši dušše duššat
- 2015 – 7
- 2019 – Viidon sieiddit
Pummiharmonia-juávhust
[mute | mute käldee]- 2013 – Parasta ennen (MediaCroco Records)
- 2014 – Bardo (MediaCroco Records)
Circumpolar Hip-Hop Collab
[mute | mute käldee]Kyessin
[mute | mute käldee]- 2014 – Paleface ft. Ailu Valle: Jostain paljon kauempaa
- 2015 – Räppärit rasismia vastaan
- 2015 – Ylva ft. Ailu Valle: Roryda
- 2016 – Amoc ft. Ailu Valle: Kiälláseh
- 2016 – Mokoma ft. Ailu Valle: Rautaa rinnoista / Ruovddi rattiin
- 2020 – Yungmiqu ft. Ailu Valle: Maid Jos It
- 2021 – Ánnámáret Ensemble ft. Áilu Valle: Johtit ain[9]
Singleh
[mute | mute käldee]- 2020 – Amoc x Ailu Valle: Horagállis
- 2021 – Ailu Valle & Ingá Márjá Sarre: Beassášlihkku
- 2022 – Steehlaž kååvas oovtâst Amocáin, Hildá Länsmanáin já Heidi Gauriloffáin
- 2025 – Amoc & Ailu Valle: Suola já nuáidi[10]
Nurâldâhskiäruh
[mute | mute käldee]- 1994 – Hoŋkoŋ dohkká (párnáiskiärru)
- 2021 – Sámi Grand Prix 2021, pittáin Beassášlihkku oovtâst Ingá Márjá Sarrein
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ailu Valle.
Käldeeh
[mute | mute käldee]- ↑ Skiftesvik, Saga: Hassuja ennakkoluuloja Lapista Kaleva. 6.1.2005. Čujottum 11.2.2023. (suomâkielân)
- ↑ Tulvamedia Čujottum 6.11.2021 (suomâkielân)
- ↑ Muumileehi-ráiđu ráhtoo sämikielân Sämitige alguu vuáđuld. Sämitigge. 15.3.2019. Čujottum 21.12.2020
- ↑ Rinta-Tassi, Minna: Fargga Mumenvákkis sámástišgohtet – Ráppár Ailu Valle lea Mumenstállu Yle Säämi. 30.3.2019. Čujottum 26.3.2024. (orjâlâškielân)
- ↑ Rasmus, Linnea. Dá leat davvisámegielat Jikŋon-filmma jietnaneavttárat – geahča maid oasáža filmmas!. Yle Säämi. 29.11.2019. Čujottum 6.11.2021 (orjâlâškielân)
- ↑ Neropatin päiväkirja – Čuovâuáivi peivikirje lii tääl almostittum sämikielân. Sämitigge. 16.4.2020. Čujottum 18.12.2020
- ↑ Tammela, Linda. "Vuordemeahttun gudni" – Ailu Valle ii máhttán oba govahallatge stáhtas dovddastusa bargosas. Yle Säämi. 29.11.2019. Čujottum 6.11.2021 (orjâlâškielân)
- ↑ Holvut / howl Finna. Čujottum 8.12.2025. (orjâlâškielân)
- ↑ Johtit ain Finna. Čujottum 13.11.2024. (orjâlâškielân)
- ↑ Suola já nuáidi Spotify. Čujottum 8.12.2025. (eŋgâlâskielân)