Čuovâuáivi peivikirje
Čuovâuáivi peivikirje (eŋgâlâskielân Diary of a Wimpy Kid, suomâkielân Neropatin päiväkirja, nuorttâlâškielân Jeäʹrmmpääʹǩǩ peiʹvvǩeʹrjj já orjâlâškielân Jierpmástalli beaivegirji) lii nuorâiroomaan,[1] mon Jeff Kinney lii čáállám já kuvvim. Tot lii vuossâmuš kirje siämmáánommâsâš kirjerááiđust. Kirje lii jurgâlâm anarâškielân Mikkâl Morottaja.[2]
Kirje huáđđooh[mute | mute käldee]
Heffleyh[mute | mute käldee]
Kirje uáivihuáđđoo lii 11-ihásâš paješkovlâlâš Greg Heffley, kii čáálá peivikirje eellimstis. Ton lasseen sun sárgu jieijâs uáinuid jieškote-uvlágán tábáhtusâin ráiđukuuvijd, maid sun talle piäjá peivikiirján – teikâ äigičallui nuuvtko Greg jieš čielgee tállán rááiđu aalgâst. Greg enni lii Susan Heffley, já eeči Frank Heffley. Gregist lává kyehti viiljâ: stuorrâviljâ 16-ihásâš Rodrick já uccâviljâ 3-ihásâš Manny.
Jeffersoneh[mute | mute käldee]
Greg muštâl, et suu pyeremus skippáár lii Rowley Jefferson, mut Greg ij kohtâl Rowley pyereest. Rowley lii meid 11-ihásâš paješkovlâlâš. Suu eeči lii Robert Jefferson, já suu eeni Linda Jefferson. Robert ij lijkkuu Gregân ollágin.
Käldeeh[mute | mute käldee]
- ↑ Brecciaroli, Fabrizio: Čuovâuáivi peivikirje luvâdemnáál! Loostâš 03/2020. Anarâškielâ servi. Čujottum 6.1.2024.
- ↑ Neropatin päiväkirja - Čuovâuáivi peivikirje lii tääl almostittum sämikielân Sämitigge. 16.4.2020. Čujottum 6.1.2024.
