Ulla Pirttijärvi-Länsman
| Ulla Pirttijärvi-Länsman | |
|---|---|
.jpg)
| |
| Persovntiäđuh | |
| Šoddâm | skammâmáánu 13. peeivi 1971 |
| Šoddâmsaje | Aanaar, Suomâ |
| Musikkár | |
| Lávlumkielah | orjâlâškielâ |
| Palhâšumeh | |
| — Sämirääđi kirjálâšvuotâpalhâšume (1996) — Áillohaš-muusikpalhâšume (2007) — KEKSI-muusikpalhâšume (2016) | |
| Peerâ | |
| Párnááh | Hildá Länsman |
Ulla Pirttijärvi-Länsman (š. skammâmáánu 13. peeivi 1971, Aanaar, Suomâ) lii tavesämmilâš lávloo, jyeigee já šuoŋârähtee. Sun lii vuálgus Aŋŋelist, mii lii uccâ siijdâš Aanaar kieldâst. Sun lii Hildá Länsman enni. Onnáá peeivi Ulla áásá perruinis Ucjuuvâst.[1]
Karrieer
[mute | mute käldee]Ulla Pirttijärvi-Länsman algâttij karrieeris 1980-lovvoost Áŋŋel nuorat -juávhust oovtâst ereslasseen Ursula Länsmanáin já Tuuni Parttijn. Sij almostittii juovlâlavlui kasseet ive 1987 oovtâst Mari Boinein. Juávkku almostitij vuossâmuu album ive 1992. Tastmaŋa Ulla sirdâšui soolokarrieerân. Suu vuossâmuš sooloalbum almostui ive 1996. Onnáá peeivi Ulla kulá Ulda-juávkun, mii vuáđudui ive 2009. Suu uđđâsumos juávkku lii Áššu.
Iivij 2004–2007 sun tooimâi Laapi läänitaiđârin.[2]
Palhâšumeh
[mute | mute käldee]Ive 1996 Pirttijärvi-Länsman vuoitij kirjeest Hoŋkoŋ dohkká Sämirääđi kirjálâšvuotâpalhâšume.[3] Ohtnubálov ihheed maŋeláá sun vuoitij Áillohaš-muusikpalhâšume, mon Taažâ sämmilij riijkâservi, Kuovdâkiäinu kieldâ já Kuovdâkiäinu Sämmilij servi vuáđudii Nils-Aslak Valkeapää 50. šoddâmpeeivi kunnen.[2][4] Ive 2016 sun vuoitij KEKSI-muusikpalhâšume.[5]
Diskografia
[mute | mute käldee]Sooloalbumeh
[mute | mute käldee]- 1996 – Hoŋkoŋ dohkká
- 1998 – Ruošša eanan
- 2002 – Máttaráhku askái
- 2008 – Áibbašeabmi
Áŋŋel nuorat
[mute | mute käldee]- 1987 – Juovllaide, oovtâst Mari Boinein
Angelin tytöt
[mute | mute käldee]- 1992 – Dolla
Ulla Pirttijärvi & Ulda
[mute | mute käldee]- 2012 – Ulda
Solju
[mute | mute käldee]- 2018 – Solju
Áššu
[mute | mute käldee]- 2019 – Áššu
Škovlâláid
[mute | mute käldee]- Kolgâččij-uv tain poollâđ -pittá Hoŋkoŋ dohkká -skiärust. Säänih já šuoŋâ Ulla Pirttijärvi, jurgâlus anarâškielân Heli Aikio. Kuáti.fi
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ulla Pirttijärvi-Länsman.
Käldeeh
[mute | mute käldee]
- ↑ a â Muusikko Ulla Pirttijärvi: Kuulun yhteen Lapin luonnon kanssa - terve.fi. Terve. Čujottum 24.4.2021 (suomâkielân)
- ↑ a â b Ulla Pirttijärvi ja Ulda Emma-evttohassan. Yle Säämi. 11.12.2012. Čujottum 24.4.2021 (orjâlâškielân)
- ↑ a â Larsen, Dan Robert. Girji lea šaddan CD-skearrun. NRK Sápmi. 11.5.2007. Čujottum 27.12.2020 (orjâlâškielân)
- ↑ a â Hætta, Wenche Marie. Hvem-Hva-Når om Sámi Grand Prix NRK Sápmi. 29.3.2007. Čujottum 6.1.2021 (tárukielân)
- ↑ a â Niskanen, Eljas. Ulla Pirttijärvi-Länsman vuoitij KEKSI-muusikpalhâšume. Yle Säämi. 30.1.2017. Čujottum 24.4.2021
