Njuškii siskáldâsân

Sinikka Tirkkonen

Wikipedia:st
Sinikka Tirkkonen
Šoddâm kuovâmáánu 13. peeivi 1954 (ahe 70)
Leppävirta, Suomâ
Jáámmám skammâmáánu 11. peeivi 2021 (67-ihásâžžân)
Pargo
Áámmát tihtâčällee, kirječällee já máttáátteijee
Noomah Sinikka Tirkkonen
Kielâ suomâkielâ
Peerâ
Vanhimeh Kauko Tirkkonen já Eeva Siikanen

Sinikka Tirkkonen (13. kuovâmáánu 1954 Leppävirta, Suomâ11. skammâmáánu 2021)[1] lâi syemmilâš máttáátteijee, tihtâčällee já kirječällee.[2] Sun čaalij novellijdis já tivtâidis suomâkielân. Suu pargo lii jurgâlum aainâs-uv saksa-[3]ruotâkielân.

Eellim[mute | mute käldee]

Sinikka Tirkkonen šoodâi kuovâmáánu 13. peeivi 1954 Leppävirtast, Suomâst. Suu eeči lâi eennâmviljâleijee Kauko Tirkkonen já suu enni Eeva Siikanen. Sun čaalij pajeuáppen Leppävirta luvâttuvvâst. Ive 1979 sun valmâštui humanistlâš tiettui kandidaatin Jyväskylä ollâopâttuvvâst, ive 1981 uáppustivrejeijen já ive 1984 suomâkielâ máttáátteijen.

Karrieer[mute | mute käldee]

Tirkkonen poorgâi el. mielâpyecceitipšon, kirjerájutipšon já máttáátteijen ovdil ko sun porgâškuođij kirječällen olesáigásávt.[2] Suu vuossâmuš kirje Halla lâi nooveelčuágáldâh, mon Otava almostitij ive 1985.[4] Ive 1987 Otava almostitij Tirkkos čuávuváá nooveelčuágálduv Luvaton elämä, mii kietâdâlâi siämmáid teemaid ko kirjeest Halla.[5] Taan nube kirjeest sun vuoitij ive 1988 sehe kirjálâšvuođâ staatâpalhâšumeRuneberg-palhâšume.[2][6][7]

Tast maŋa Tirkkonen almostitij tuše tihtâčuágálduvâid. Suu vuossâmuš tihtâčuágáldâh Miten peiliin kirjoitetaan almostui 16 ihheed majemuu kirje Luvaton elämä maŋa. Ton čuágálduv maŋa Tirkkonen sirdâšui Otavast ive 2007 vuáđudum kirjekuástádâs ntaamon, mii almostitij ive 2008 Tirkkos čuávuváá tihtâčuágálduv Unohdus. Ive 2010 almostui Tirkkos kuálmád tihtâčuágáldâh Kaunis ehto; taan kirjeest sun lâi iävtukkâssân Savonia-palhâšume uážžon.[8] Sun lâi iävtukkâssân siämmáá palhâšume uážžon meid ive 2014, taan keerdi majemuu tihtâčuágálduvástis Pimeän halki, valon halki.[9]

Tyejeh[mute | mute käldee]

Nooveelčuágálduvah[mute | mute käldee]

  • Halla. Otava 1985
  • Luvaton elämä. Otava 1987

Tihtâčuágálduvah[mute | mute käldee]

  • Miten peiliin kirjoitetaan. Otava 2003
  • Unohdus. ntamo 2008
  • Kaunis ehto. ntamo 2010
  • Pimeän halki, valon halki. ntamo 2013

Palhâšumeh já tubdâstâsah[mute | mute käldee]

Käldeeh[mute | mute käldee]

  1. Lötjönen, Kaisu: Varkautelainen kirjailija Sinikka Tirkkonen on kuollut Savon Sanomat. 15.3.2021. Čujottum 15.3.2021.
  2. 2,0 2,1 2,2 Tirkkonen, Sinikka Kirjasampo. kirjastot.fi. Čujottum 8.3.2022. (suomâkielân)
  3. Teostotiedot: Wie anders du bist: Lyrik aus Savo, Finnland Finlit. Suomâ Kirjálâšvuođâ Servi. Čujottum 9.3.2022. (suomâkielân)
  4. Halla Kirjasampo. kirjastot.fi. Čujottum 8.3.2022. (suomâkielân)
  5. Luvaton elämä Kirjasampo. kirjastot.fi. Čujottum 8.3.2022. (suomâkielân)
  6. 6,0 6,1 Runeberg-palkinto Kirjasampo. kirjastot.fi. Čujottum 8.3.2022. (suomâkielân)
  7. 7,0 7,1 Kirjallisuuden valtionpalkinto Kirjasampo. kirjastot.fi. Čujottum 8.3.2022. (suomâkielân)
  8. Kuusi teosta Savonia-palkintoehdokkaaksi Yle Uutiset. 1.12.2010. yle.fi. Čujottum 9.3.2022. (suomâkielân)
  9. Mattila, Marianne: Savonia-kirjallisuuspalkinnon ehdokkaat julkistettiin Yle Uutiset. 22.11.2013. yle.fi. Čujottum 9.3.2022. (suomâkielân)
  10. Kulttuuripalkinnon saajat Leppävirta kieldâ. Čujottum 9.3.2022. (suomâkielân)
  11. 11,0 11,1 Sinikka Tirkkonen Otava. Čujottum 9.3.2022. (suomâkielân)