Sámi Grand Prix 2014

Wikipedia:st
Sofia Jannok ive 2009 Stockholm Jazz Fest -festivaalist. Sun vuoitij ive 2014 Áillohaš-muusikpalhâšume.

Sámi Grand Prix 2014 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln lávurduv cuáŋuimáánu 19. peeivi 2014 pessijâšmarkkânij ääigi. Tot lâi 25. tohe, ko kišto uárnejui. Juoigâmuási vuoitij tavesämmilâš Jörgen Stenberg juáigusáin Nejla, já lávlumuási vuoitij anarâš lávlumjuávkku Aila-duo.[1] Ive 2014 anarâškielâ kullui Sámi Grand Prix -kišto finalist vuossâmuu keerdi, ko Heli AikioJessika Lampi lávloin pitá Naharij kandâ, mut kielâ kullui meid oosij kooskâst, ko Amoc ráppái jieijâs uđđâ pitá.[1]

Nurâldâhskiäru iä almostittám siämmáá ive nuuvtko ovdebij iivij.[2][3] Esken ive 2016 SGP almostitij ive 2014 já ive 2015 kištoi pittáin ohtâsii nurâldâhskiäru CD-skiärrun. Nurâldâhskiärru siskeeld puoh ive 2014 já 2015 Sámi Grand Prix -kištoi juoigâm- já lávlumoosij uásálistei 32 pittád, moh päddejuvvojii kištoi ääigi.

Juoigâm- já lávlumuásih[mute | mute käldee]

Ovdebij iivij náál kištoost lijjii kyehti uási: juoigâmuási já lávlumuási.

Juoigâmuási[mute | mute käldee]

Juoigâmuásist lijjii 10 uásálisted.[4] Taam uási vuoitij Jörgen Stenberg, kii uásálistij jo 3. keerdi kiišton. Sun juoigâi päärnis pittáin Nejla. Nubben lâi Marit Kristine Hætta Sara, kii juoigâi ristnieidâs pittáin Mia Alehtta, já kuálmádin lâi Ann Caroline Eira pittáin nieidâstis Aina Cecilie.[4][5]

Juoigâmuási uásálisteeh[mute | mute käldee]

Staatâ teikkâ eennâm Uásálistee Juáigus
 Taažâ Ann-Karoline Eira Aina Cecilie
 Taažâ Isak NP Eira Issát Ánte
 Taažâ Nils Peder A. Gaup Beaska-Niillas
 Taažâ Mathis A. Oskal Duollet dálle
 Suomâ Nils-Heikki Paltto Aletta
 Taažâ Per Mathis Skum Mathias
 Taažâ Marit Kristine Hætta Sara Mia Alehtta
 Ruotâ Jörgen Stenberg Nejla
 Suomâ Petra Biret Katarina Magga-Vars Anna Frida
 Ruoššâ Valentina Kirillova Piet djirven

Lávlumuási[mute | mute käldee]

Lávlumuásist lijjii 6 uásálistee.[4] Uási vuoitij lávlumjuávkku Aila-duo anarâškielâg pittáin Naharij kandâ. Nubben lâi Josef Per Buljo pittáin Eallin manná viidásit, já kuálmádin lâi Marit Susanne Utsi pittáin Eatnis.

Lávlumuási uásálisteeh[mute | mute käldee]

Staatâ teikkâ eennâm Uásálistee Laavlâ
 Suomâ Aila-duo Naharij kandâ
 Taažâ Marit Susanne Utsi Eatnis
 Taažâ Josef Per Buljo Eallin manná viidáset
 Taažâ Sunna Maret Gaup Utsi Dál mun dan dovddan
 Taažâ Guovssahas Gula mu
 Ruoššâ Vasiliy Maminov Moai vuite

Áillohaš-muusikpalhâšume[mute | mute käldee]

Ive 2014 Áillohaš-muusikpalhâšume vuoitij Sofia Jannok.

Käldeeh[mute | mute käldee]

  1. 1,0 1,1 Varsi, Marja-Elina B.: Heli Aikio Aila-duo vuittii SGP-lávlunoasi Yle Säämi. 19.4.2014. Čujottum 30.1.2022. (tavesämikielân)
  2. Varsi, Marja-Elina B.: Šállošit go CD-skearuin leat maŋŋonan NRK Sápmi. 28.12.2015. Čujottum 30.1.2022. (tavesämikielân)
  3. Pulk, Åse, Gaup, Ole Mahtte H já Boine, Marianne: SGP-artista: – Mus ii leat jáhkku ahte Sámi Grand Prix-CD oba boahtáge NRK Sápmi. 10.3.2016. Čujottum 30.1.2022. (tavesämikielân)
  4. 4,0 4,1 4,2 Hætta, Wenche Marie: Hvem-Hva-Når om Sámi Grand Prix - 2018 NRK Sápmi. 29.3.2007. Čujottum 30.1.2022. (tárukielân)(tavesämikielân)
  5. Hætta Sara, Oddbjørg: Imponerende nivå på årets artister NRK Sápmi. 19.4.2014. Čujottum 30.1.2022. (tárukielân)