Sámi Grand Prix 2001
Sámi Grand Prix 2001 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln ive 2001 pessijâšmarkkânij ääigi. Tot lâi 12. tove, ko kišto uárnejui. Juoigâmuási vuoitij kieldâsämmilâš Anfisa Agejeva já lávlumuási ruátálâš-sämmilâš lávlumjuávkku Sofia och Anna.[1] Kišto maŋa Rieban almostitij nurâldâhskiäru, mii siskeeld puoh uásálistei pittáid.
Juoigâm- já lávlumuásih
[mute | mute käldee]Ovdebij iivij náál kištoost lijjii kyehti uási: juoigâmuási já lávlumuási.[1]
Juoigâmuási
[mute | mute käldee]Juoigâmuásist lijjii 9 uásálisted. Taam uási vuoitij kieldâsämmilâš kirječällee já musikkár Anfisa Agejeva (noomáin Anfissa Agueva), kii uásálistij vuossâmuu keerdi kiišton.[1] Sun livđui pitá Meleš. Nubben lâi kuovdâkiäinulâš Mathis A. Oskal pittáin Ruvaš nieiddat ja buolaš bártnit já kuálmádin láin Kirsten Marit Olsen já Kristine Sara S. Gaup, suoi-uv Kuovdâkiäinust, pittáin Iŋgá Márjá.[1]
Juoigâmuási uásálisteeh
[mute | mute käldee]| Staatâ teikkâ eennâm | Uásálistee(h) | Juáigus |
|---|---|---|
 Ruoššâ | Anfissa Agueva | Meleš |
 Taažâ | Mathis A. Oskal | Anders Nils Eira |
| Taažâ | Kirsten Marit Olsen já Kristine Sara S. Gaup | Iŋgá Márjá |
| Taažâ | Marit Gunhild Bongo | Maila Risten |
| Taažâ | Ole Larsen Gaino | Johan Sara jr |
| Taažâ | Anne Berit Peltoperä | Tor Morten |
| Taažâ | Anders Nils J. Eira | Biret |
| Taažâ | Ellen Marit Eira Sobakke | Siidda eamit |
| Taažâ | Inga Berit Sara | Anne Merethe M. N. Sara |
Lávlumuási
[mute | mute käldee]Lávlumuásist lijjii 6 uásálistee. Uási vuoitij ruátálâš-sämmilâš lávlumjuávkku Sofia och Anna ađai vääččirliih Sofia Jannok já Anna Kärrstedt pittáin Meahci mánná.[1] Nubben láin Wenche M. Hætta já Annbjørg Hætta pittáin Girdilan já kuálmádin lâi nubbe kieldâsämmilâš ađai Elvira Galkina pittáin Kárášjohka.[1]
Lávlumuási uásálisteeh
[mute | mute käldee]| Staatâ teikkâ eennâm | Uásálistee(h) | Laavlâ |
|---|---|---|
 Ruotâ | Sofia já Anna | Meahci mánná |
| Taažâ | Wenche M. Hætta já Annbjørg Hætta | Girdilan |
| Ruoššâ | Elvira Galkina | Kárášjohka |
| Taažâ | Ánne Márge Päiviö já Laila Aleksandersen | Girdimen |
| Taažâ | 2 X Oskal | In dieđe vel |
| Taažâ | Marit Susanne Utsi | Du haga |
Áillohaš-muusikpalhâšume
[mute | mute käldee]Ive 2001 Áillohaš-muusikpalhâšume vuoitij Johan Sara jr.[1] Sun lii siämmáš olmooš, kiäm Ole Larsen Gaino juoigâi juoigâmuásist.
Käldeeh
[mute | mute käldee]