Sámi Grand Prix 2025
.jpg)
Sámi Grand Prix 2025 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln cuáŋuimáánu 12. peeivi 2025. Tot lâi 35. tohe, ko kišto uárnejui. Ive 2025 lâi vuossâmuš kerdi, ko tot ij uárnejum pessijâšlávurduv.[1] Ive 2025 lâi meiddei vuossâmuš kerdi, ko lâi máhđulâš jienâstiđ miätá Sämieennâm.[2] OSCAAL finnij finalist 64 čyegisid juáigusistis Sávrrimus já vuoitij juoigâmuási.[3] Lávlumuási vuoitijn Piera Eira já MÁIJÁ, tastko suoi finnijn 72 čyegisid pitástis Dálkkiid čađa.[3]
Kišto uásálisteeh já pitáh almottuvvojii njuhčâmáánu 7. peeivi 2025.[4] Siämmáá peeivi DAT almostitij ive 2025 nurâldâhskiäru njuolgist muusikpalvâlussáid neetist.[5]
Tábáhtussaje
[mute | mute käldee]Sámi Grand Prix 2025 uárnejui Báktehárjist Kuovdâkiäinust Taažâ peln. Tobbeen Sámi Grand Prix -kištoh láá uárnejum ovdil-uv.[6]
Formaat
[mute | mute käldee]Ovdebij iivij náál kištoost lijjii kyehti uási: juoigâmuási já lávlumuási. Kiišton puovtij uásálistiđ, jis pittá lâi monnii sämikielân ige tot lamaš ovdil almostum.
Cuáŋuimáánu 12. peeivi, ađai okko ovdil pessijâšmarkkânij aalgâ, lávdástii kištottâlleeh pitáinis Báktehárji-maaŋgâtooimâhaalist.[6] Livekonsert lâi máhđulâš čuávvuđ njuolgâ vuolgâttâssân NRK 1:st, NRK TV:st já radio peht. Ive 2025 konsert čaittui vuosmuu tove njuolgâ vuolgâttâssân meid Ruotâ já Suomâ peln.[7] Ruotâ peln livekonsert lâi máhđulâš keččâđ SVT Playst,[8] já Suomâst Yle TV2:st já Yle Areenast. Suomâkielân tom čielgij Xia Torikka.[7]
Veik vuolgâttâs lâi máhđulâš čuávvuđ kost peri maailmist, jienâstiđ ij pastam ko tuše peri Suomâst, Ruotâst já Taažâst tondiet ko jienâstemvyevih lijjii geoaiđum já jyehi enâmist puovtij kevttiđ tuše ton eennâm jienâstemvyevi.[9]
Jođetteijeeh
[mute | mute käldee]Ive 2025 kišto jođetteijen láin sämmiliih Maxida Märak já Ole Máhtte Hætta Gaup.[7] Ive 2025 lâi vuossâmuš kerdi, ko Märak jođettij kišto. Gaup vist lâi jođettâm tom meiddei ive 2024.[10] Ovdil livekonsert vuolgâttui Sukkâršooki ruopsis ráánu -ohjelm, mon jođettij Sáárákáisá Seurujärvi.[11]
Ovdil fiinaal
[mute | mute käldee]Occeeh puohtii vuolgâttiđ pitáidis ive 2024 loopâst roovvâdmáánu 24. peeivist skammâmáánu 25. piäiván.[2][12] Ive 2025 kiišton vuolgâttuvvojii ohtsis 30 laavlâd já 15 juáigusid, main 6 väljejuvvojii juoigâmuásán já 6 lávlumuásán.[13][14] Sehe juoigâm- já lávlumuási uásálistei noomah, pitáh já videočuoppâseh almostuvvii njuhčâmáánu 7. peeivi 2025.
Juoigâmuási uásálisteeh
[mute | mute käldee]| Staatâ teikkâ eennâm | Uásálistee | Juáigus | Kielâ |
|---|---|---|---|
 Taažâ |
OSCAAL | Sávrrimus | orjâlâškielâ |
| Taažâ |
Lajla Renander | Plaave Guehperh | maadâsämikielâ |
| Taažâ |
Johan Anders Bær | Torill | orjâlâškielâ |
| Taažâ |
Oskal Máhte Ántte Máhtte | Mongolia gehččonat | orjâlâškielâ |
 Suomâ |
Heli Aikio | Kyelialmai | anarâškielâ |
| Taažâ |
Johan Ivvár Gaup | Linn Henriette | orjâlâškielâ |
Lávlumuási uásálisteeh
[mute | mute käldee]| Staatâ teikkâ eennâm | Uásálistee | Pittá | Kielâ |
|---|---|---|---|
| Taažâ |
AILO | Vijmak | juulevsämikielâ |
| Suomâ |
Hildá Länsman | Duodjemagiija | orjâlâškielâ |
| Taažâ |
Jovnna Levi | Jovnna fra Tana | orjâlâš- já tárukielâ |
| Taažâ |
Sara Ajnnak | Biäggålmaj | umesämikielâ já eŋgâlâskielâ |
Taažâ/ Ruotâ |
Elin & The Woods (oovtâst Jörgen Stenbergáin) | Máilbmi jorra | orjâlâškielâ |
| Taažâ |
Piera Eira (oovtâst MÁIJÁin) | Dálkkiid čađa | orjâlâškielâ |
Fiinaal
[mute | mute käldee]Fiinaal uárnejui cuáŋuimáánu 12. peeivi Báktehárji-maaŋgâtooimâhaalist Kuovdâkiäinust Taažâ peln.[6]
Lávdástemoornig
[mute | mute käldee]Finalist artisteh lávdástii čuávuváá oornigist:
| Nr. | Artist | Pittá | Uási |
|---|---|---|---|
| 1 | Hildá Länsman | Duodjemagiija | lávlumuási |
| 2 | OSCAAL | Sávrrimus | juoigâmuási |
| 3 | AILO | Vijmak | lávlumuási |
| 4 | Oskal Máhte Ántte Máhtte | Mongolia gehččonat | juoigâmuási |
| 5 | Elin & The Woods (oovtâst Jörgen Stenbergáin) | Máilbmi jorra | lávlumuási |
| 6 | Heli Aikio | Kyelialmai | juoigâmuási |
| 7 | Johan Anders Bær | Torill | juoigâmuási |
| 8 | Piera Eira (oovtâst MÁIJÁin) | Dálkkiid čađa | lávlumuási |
| 9 | Lajla Renander | Plaave Guehperh | juoigâmuási |
| 10 | Jovnna Levi | Jovnna fra Tana | lávlumuási |
| 11 | Johan Ivvár Gaup | Linn Henriette | juoigâmuási |
| 12 | Sara Ajnnak | Biäggålmaj | lávlumuási |
Jienâstem
[mute | mute käldee]Jyehi staatâst lâi jieijâs jienâstemvyehi: Taažâ peln tekstâviestáin, Ruotâ peln Mello-aapi peht já Suomâ peln juo-uv Yle nettisiijđoin teikkâ Yle-aapi peht. Áámmáträäđi adelem jienah já aalmugjienah reknistuvvojii oohtân nuuvt ete aalmugjienâi tiädduárvu lâi 60 % já áámmáträäđi jienâi tiädduárvu 40 %.[15]
Kišto loppâpuáđus
[mute | mute käldee]Juáigumuásist áámmáträäđi adelij 29 čyegisid Oskal Máhte Ántte Máhtten, mutâ OSCAAL finnij 42 čyegisid telejienâstmist já vuoitij juáigumuási.
| Artist | Pittá | Čuággáh | ||
|---|---|---|---|---|
| Rääđi | Telejienâstem | Ohtsis | ||
| OSCAAL | Sávrrimus | 22 | 42 | 64 |
| Oskal Máhte Ántte Máhtte | Mongolia gehččonat | 29 | 28 | 57 |
| Heli Aikio | Kyelialmai | 5 | 30 | 35 |
| Johan Anders Bær | Torill | 22 | 24 | 46 |
| Lajla Renander | Plaave Guehperh | 11 | 21 | 33 |
| Johan Ivvár Gaup | Linn Henriette | 25 | 26 | 51 |
Lávlumuásist áámmáträäđi adelij 31 čyegisid Hildá Länsmanân, mutâ Piera Eira já MÁIJÁ finnijn 51 čyegisid telejienâstmist já vuoittijn lávlumuási.
| Artist | Pittá | Čuággáh | ||
|---|---|---|---|---|
| Rääđi | Telejienâstem | Ohtsis | ||
| Hildá Länsman | Duodjemagiija | 31 | 31 | 62 |
| AILO | Vijmak | 15 | 16 | 31 |
| Elin & The Woods (oovtâst Jörgen Stenbergáin) | Máilbmi jorra | 11 | 19 | 30 |
| Piera Eira (oovtâst MÁIJÁin) | Dálkkiid čađa | 21 | 51 | 72 |
| Jovnna Levi | Jovnna fra Tana | 29 | 38 | 67 |
| Sara Ajnnak | Biäggålmaj | 7 | 16 | 23 |
Áillohaš-muusikpalhâšume
[mute | mute käldee]Jon Henrik Fjällgren vuoitij ive 2025 Áillohaš-muusikpalhâšume.[16]
Fáádást eres soojijn
[mute | mute käldee]- Sámi Grand Prix 2025 suomâkielân Yle Areenast
- Sámi Grand Prix 2025 SVT Playst
- Sámi Grand Prix 2025 NRK TV:st
Käldeeh
[mute | mute käldee]- ↑ Leat sirdán Sámi Grand Prix vahkuin NRK Sápmi. 25.10.2024. ”Sámi Grand Prix (SGP) lágiduvvo dán háve cuoŋománu 12. beaivvi 2025:s, vahku ovdal beassášlávvordaga ja go dábálaččat lágiduvvo.” Čujottum 26.10.2024. (orjâlâškielân)
- ↑ a â Paltto, Anni-Saara: Leatgo don ođđa Sámi násti? Sámi Grand Prix -musihkkagilvui lea dál vejolaš đieđihit mielde Yle Säämi. 24.10.2024. Čujottum 26.10.2024. (orjâlâškielân)
- ↑ a â Halvari, Ellinor já Grønnli, Alf Anders Berg: OSCAAL, Piera Eira og Máijá vant årets Sámi Grand Prix NRK Sápmi. 12.4.2025. Čujottum 12.4.2025. (kirjetárukielân)
- ↑ Hætta, Wenche Marie: Dá leat dán jagi Sámi Grand Prix lávlagat ja luođit NRK Sápmi. 7.3.2025. Čujottum 7.3.2025. (orjâlâškielân)
- ↑ Sámi Grand Prix 2025 Spotify. Čujottum 7.3.2025. (eŋgâlâskielân)
- ↑ a â b Sámi Grand Prix 2025 Sámi beassášmárkanat. Čujottum 26.10.2024. (orjâlâškielân)
- ↑ a â b Länsman, Kaija: Dá leat Sámi Grand Prix -oassálastit – Suoma bealde mielde Heli Aikio ja Hildá Länsman Yle Säämi. 7.3.2025. Čujottum 8.3.2025. (orjâlâškielân)
- ↑ Samiska melodifestivalen: Sámi Grand Prix SVT Play. Čujottum 8.3.2025. (ruotâkielân)
- ↑ Bjørnback, June Grønnvoll: Sámi Grand Prix: Ná sáhtát jienastit NRK Sápmi. 9.4.2025. ”Buot jienastanvuogit leat geoblocket, dat mearkkaša ahte lea vejolaš geavahit dušše dan jienastanvuogi, mii dan riikkas lea gos don leat.” Čujottum 13.4.2025. (orjâlâškielân)
- ↑ Allas, Anne-Ravna: Maxida Märak programleder Sámi Grand Prix SVT Nyheter. 6.2.2025. Čujottum 8.3.2025. (ruotâkielân)
- ↑ Rasmus, Linnea: Sohkaršohkka sádde njuolggosáddaga Sámi Grand Prix rukses ránu alde Yle Säämi. 10.4.2025. Čujottum 12.4.2025. (orjâlâškielân)
- ↑ 🇳🇴 #NORWAY: Submissions Open For Sámi Grand Prix 2025; Contest To Take Place On April 12th Eurovision Ireland. 27.10.2024. Čujottum 28.11.2024. (eŋgâlâskielân)
- ↑ Guttorm, Susanna: NRK: Stuorra beroštupmi searvat Sámi Grand Prix 2025 Yle Säämi. 28.11.2024. Čujottum 28.11.2024. (orjâlâškielân)
- ↑ Söderlund, Andreas: 45 bidrag anmälda till Samiska Melodifestivalen SVT Nyheter. 27.11.2024. Čujottum 8.3.2025. (ruotâkielân)
- ↑ Bjørnback, June Grønnvoll: Sámi Grand Prix: Ná sáhtát jienastit NRK Sápmi. 9.4.2025. ”Lea go jury dahje árvvoštallanlávdegoddi? Jo, de lea. Sin jienat dahket 40%, ja geahččiid jienat gis 60%.” Čujottum 13.4.2025. (orjâlâškielân)
- ↑ Larsen, Dan Robert já Grønnli, Alf Anders Berg: Fjällgren oaččui Áillohaš-bálkkašumi 12.4.2025. NRK Sápmi. Čujottum 12.4.2025. (orjâlâškielân)