Pedar Jalvi

Wikipedia:st
Njuškii navigistmân Njuškii ucâmân
Pedar Jalvi
Pedar Jalvi (1888-1916).jpg
Šoddâm Piera Klemetinpoika Helander
cuáŋuimáánu 10. peeivi 1888
Ucjuuhâ, Suomâ stuorrâfurstâkodde
Jáámmám porgemáánu 8. peeivi 1916 (28-ihásâžžân)
Aanaar, Suomâ stuorrâfurstâkodde
Pargo
Áámmát kirječällee, máttáátteijee
Kielâ orjâlâškielâ
Peerâ
Vanhimeh Klemet Klemetinpoika Helander já Biret Jompan

Pedar Jalvi ađai Lemehaš-Biehtár (š. Piera Klemetinpoika Helander, 10. cuáŋuimáánu 1888 Ucjuuhâ, Suomâ stuorrâfurstâkodde8. porgemáánu 1916 Aanaar, Suomâ stuorrâfurstâkodde) lâi sämmilâš kirječällee. Sun almostitij kirje sämikielân vuossâmužžân sämmilâžžân Suomâst.

Eellim[mute | mute käldee]

Jalvi šoodâi cuáŋuimáánu 10. peeivi 1888 Ucjuuvâst Klemet Klemetinpoika já Biret (š. Jompan) Helander vuosâpärnin. Sun juuđij asâttâhškoovlâ iivij 18971901 já valmâštui máttáátteijen Jyväskylä seminaarist ive 1915. Valmâštum maŋa sun poorgâi máttáátteijen Savitaipalest, mut puáccái tuberkulosân já halijdij maccâđ páikkásis Ucjuuhân. Sun kuittâg jaamij Anarist porgemáánu 8. peeivi 1916 tuše 28-ihásâžžân.

Pargo[mute | mute käldee]

Jyväskylä seminaarist Jalvi uápásmui syemmilii aalmuglâšvuođâjurdui já kiäsuttui säämi aalmug historjást. Jalvi, talle Piera Helander, molsoi noomâs Pekka Pohjansäden. Suu vuossâmuš muštâlus Lappalaisten joulunvietosta almostui Lasten Joulu -kirjeest ive 1912 Pekka Pohjansäde -noomáin. Sun toimâttij uáppeekode loostâ já ive 1914 almostitij vuossâmuu artikkâl Pedar Jalvi -noomáin. Sun čaalij maaŋgâid artikkâlijd Jyväskylä kuávlu lostáid. Kesiluámui ääigi Jalvi čoogij aalmugärbivyevi vistig Taivalkoskist já talle iivij 19131914 Säämist. Samuli Aikio toimâttij taan materialist ive 1966 almostum kyevtkielâlii kirje Sabmelažžai maidnasak ja muihtalusak / Lappalaisten satuja ja tarinoita. Jalvi šoodâi Suomâ vuossâmužžân sämmilâžžân kirječällen, ko suu tiivtâid já muštâlusâid siskeldeijee Muottačalmit almostui ive 1915. Kirje lii sämmilii kirjálâšvuođâ klassikko.

Käldeeh[mute | mute käldee]

Kaija Anttonen já Vuokko Hirvonen (jurg. já toim.): Pedar Jalvi: Lumihiutaleita ja pieniä pakinoita, 2017