Miina Seurujärvi
Miina Seurujärvi (š. 1974, Lappeenranta) lii syemmilâš filosofia maister, kii lii porgâm kuhháá anarâškielâ oovdân. Suu eenikielâ lii suomâkielâ, mutâ sun lii oppâm anarâškielâ, tastko tot lii suu kállá eenikielâ. Anarâškielâ lii suu perruu päikkikielâ.[1]
Seurujärvi lii porgâm anarâškielâ kielâpiervâlist, vuáđuškoovlâst anarâškielâlâš máttáátteijen sehe Kielâkäldeest anarâškielâ pargen.[1] Tááláá ääigi sun lii pargoost anarâškielâ oppâmateriaalpargen Sämitiggeest.[2] Sun lâi ohtâ kielâmiäštárijn CASLE-tievâsmittemškovliittâsâst 2009–2010.[1] Ton lasseen sun lii toimâm Anarâškielâ seervi värisaavâjođetteijen já lii vala-uv stiivrâ värijesânin.[3]
Ive 2021 Sämitigge nomâttij Seurujärvi komissaarin sämmilij tuotâvuotâ- já sovâdâttâmkomission,[4] mutâ ive 2022 vyesimáánust sun iäránij taan luáttámušpargoost.[5][6][7]
Filosofia maisterin Seurujärvi valmâštui Oulu ollâopâttuvâst ive 2015. Suu Pro Gradu -tuuđhâlm fáddán láá anarâškielâ kuulmâstaavvâlsâš nominij sujâttemparadigmah, tai tubdâm já šlajâttâllâm. Šlajâttâllâm vuáđđun láá lekseemmaddust tábáhtuvvee nubástusah: täsimolsom, uánánem, kukkom já vookaalnubástusah.[8]
Almostitmeh
[mute | mute käldee]Kirjeh
[mute | mute käldee]- 2018 – Virkkuuvääri 3 – eenikielâ já kirjálâšvuotâ (oovtâst Petter Morottajain)
- 2023 – Virkkuuvääri 5 – eenikielâ já kirjálâšvuotâ (oovtâst Petter Morottajain já Emilia Niemisijn)
Eres almostitmeh
[mute | mute käldee]- 2015 – Anarâškielâ kuulmâstaavvâlsâš nominij sujâttemparadigmah (pro gradu)[9]
Käldeeh
[mute | mute käldee]- 1 2 3 casle.fi Čujottum 4.4.2021 (eŋgâlâskielân)
- ↑ Koulutus- ja oppimateriaalitoimisto Saamelaiskäräjät. Čujottum 12.6.2026. (suomâkielân)
- ↑ Stivrâ – Anarâškielâ servi anaraskielaservi.fi. Čujottum 12.6.2026. (samoakielân)
- ↑ Saamelaisten totuus- ja sovintokomissio sai viimeisen sinetin – Sanna Marin: "Meidän pitää yhdessä käydä läpi vaikeatkin kysymykset" Yle Uutiset. 28.10.2021. Čujottum 12.6.2026. (suomâkielân)
- ↑ Komissaari Miina Seurujärvi eroaa saamelaisten totuus- ja sovintokomissiosta: "Komissio tulisi keskeyttää nyt" Yle Uutiset. 9.5.2022. Čujottum 12.6.2026. (suomâkielân)
- ↑ Saamelaisten Totuus-ja sovintokomissio: Valtioneuvosto myönsi eron Seurujärvelle ja Hyväriselle Saamelaisten totuus- ja sovintokomissio. 25.5.2022. Čujottum 12.6.2026. (suomâkielân)
- ↑ Saamelaisten totuus- ja sovintokomissio jatkaa pienentyneellä kokoonpanolla, kunnes jatkosta tehdään päätöksiä Yle Uutiset. 27.5.2022. Čujottum 12.6.2026. (suomâkielân)
- ↑ Miina Seurujärvi - jultika.oulu.fi Čujottum 4.4.2021 (eŋgâlâskielân)
- ↑ Miina Seurujärvi: Anarâškielâ kuulmâstaavvâlsâš nominij sujâttemparadigmah oulurepo.oulu.fi. 23.3.2016. Čujottum 12.6.2026.