Täsimolsom
Täsimolsom meerhâš leksemij suujâtmist já suorgitmist tábáhtuvvee njuolgâduslâš nubástus konsonantijn kyevti staavvâl rääjist nuuvt, et konsonanteh jo-uv kiävruh tâi hiäjusmeh. Uuraallij kielâi juávhust täsimolsom tiättoo nuorttâmerâsyemmilijn kielâin (eereeb liivi- já vepsákielâst), sämikielâin (eereeb maadâsämikielâst) já nganasankielâst.[1]
Anarâškielâst täsimolsom puáhtá leđe jo-uv kvantitativlâš tâi kvalitâtivlâš teikkâ sehe kvantitativlâš já kvalitâtivlâš. Kievrâs tääsist konsonanteh láá kuhebeh teikkâ mudoi šlaajâs peeleest kievrâbeh, ko hiäjust tääsist konsonanteh láá vist uánihuboh já hiäjubeh. Kievrâs tääsi iäruttuvvoo hiäjus tääsist tublečuogâstuvváin:[2]
| Täsimolsom šlaajâ | Ovdâmerkkâsääni | Molsomvuálááš konsonanteh |
|---|---|---|
| Kvantitativlâš | keessiđ : kiäsám | ss : s |
| káttu : káátu | tt : t | |
| Kvalitativlâš | peehiđ : piävám | h : v |
| máátu : mááđu | t : đ | |
| Kuohtuuh | ákku : ááhu | kk : h |
Käldeeh
[mute | mute käldee]- ↑ Marianne Bakró-Nagy: Consonant gradation, s. 859–867. Oxford University Press, 2022-03-24. ISBN 978-0-19-876766-4, 978-0-19-182151-6. Tyeje nettiversio (čujottum 17.10.2022). (eŋgâlâskielân)
- ↑ Morottaja, Petter & Olthuis, Marja-Liisa: Inarinsaamen taivutusoppi. Sämitigge, 2022.