Lemmee (juuhâ)
| Lemmee | |
|---|---|
 |
|
| Kieldah | Aanaar |
| Algâsaje | Návgosjeggi, Lemmee aalmuglâšmecci |
| Loppâsaje | Pááđáár |
| Kukkodâh | 80 km |
| Algâsaje alodâh | suulân 300 m |
| Kulgâmvijđodâh | 687 km² |
Lemmee lii juuhâ Anarist, Suomâst. Tot lii tubdum kolletoidemist já siämmáánommâsâš aalmuglâšmeecist.
Eennâmtieđâ já luándu
[mute | mute käldee]Lemmee kukkodâh lii 80 km já kulgâmvijđodâh 687 km2. Tot álgá Návgosjeegist já virded kezzin ovdil ko kobdo kollehaammân alda. Lemmeest láá čiččâm jävrid já toi kooskâst kezibeh sajeh, moh láá táválávt kuoškah. Jäävrih láá Morgâmjävri, Rovâdâsjävri, Ergijävri, Čuáđgijävri, Sieptâgâšjävri, Muáđhádjävri sehe Äivihjävri. Juuvâ nuorttâriddo lii stuárráámus uásild ciägus já tobbeen láá ollâ tuoddâreh, nuuvt ko Juuvâkielâs, Rovâdâsuáivi sehe Viibuštuoddâreh. Viestârriddo vuod lii täsivub, já tobbeen láá aalmuglâšmeeci väzzimpálgáh. Lemmee sijđojuuvah láá Puškojuuhâ, Vaijuuhâ, Suohpášávži, Rovâdâsjuuhâ sehe Lággujuuhâ.[1]
Lemmee lii meid pivnohis kuálástemsaje. Juuvâ kyelišlaajah láá kuávžur, puško, suávvil, šapšâ sehe vuásku.[2]
Kollekuáivum
[mute | mute käldee]Avveeljuuvâ 1870-lovo kollekavnumij tiet kollekuáivooh irâttii kavnâđ kole meid Lemmeest, mut iä luhostum. Kole kavnui iäskán 1940-lovvoost Suohpášávžist, mon maŋa Lemmee alda lii lamaš ain kollekuáivum.[3]
Keejâ meid
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Lemmee (juuhâ).
Käldeeh
[mute | mute käldee]- ↑ maanmittauslaitos.fi (suomâkielân)
- ↑ eraluvat.fi (suomâkielân)
- ↑ (suomâkielân)