Grace Kelly
| Grace Kelly | |
|---|---|
| |
| Persovntiäđuh | |
| Šoddâm | skammâmáánu 12. peeivi 1929 |
| Philadelphia, Pennsylvania, Ovtâstum staatah | |
| Jáámmám | čohčâmáánu 14. peeivi 1982 (52-ihásâžžân) Monaco |
| Karrieer | |
| Aktiivlâžžân | 1950–1956 |
| Merhâšittee roolah | Rear Window The Country Girl |
| Palhâšumeh | |
| Nissoonuáiviroolâ Golden Globe 1953 Mogambo | |
| Peerâ | |
| Vaanhimeh | John Kelly Margaret Kelly |
| Pelikyeimi | Rainier III (1956–1982) |
| Párnááh | 3 Caroline Albert Stéphanie |
| Lasetiäđuh | |
| Nommâčáálus | 
|
| IMDb-sijđo | IMDb |
Grace Patricia Kelly (12. skammâmáánu 1929 Philadelphia, Pennsylvania, Ovtâstum staatah – 14. čohčâmáánu 1982 Monaco) lâi ovtâstumstaatâlâš čaittâleijee já Monaco prinses.[1]
Eellim
[mute | mute käldee]Grace Kelly šoodâi skammâmáánu 12. peeivi 1929, Philadelphiast, Pennsylvaniast. Suu eeči lâi finnodâhomâsteijee já áirulâš John Brenden "Jack" Kelly, kii vuoitij ohtsis kulmâ kollemiitaal Ovtâstum staatâi suuhâmjuávhoin, já suu enni lâi Margaret Katherine Majer. Sust lâi meid ohtâ stuorrâuábbi Peggy, já ohtâ stuorrâviljâ John Brenden Jr.[2] Vanhimeh láin amerikirlandlâš katoliliih, já Kelly juuđij nuorrân luostarškoovlâid.[3] Suu eehi lâi čaaitâlmkietâčällee George Kelly.[1]
Luostarškoovlâi maŋa vuálá 20-ihásâš Kelly vuolgij American Academy of Dramatic Arts -škoovlân New Yorkân ive 1947.[4]
Kelly naajâi Monaco furstáin Rainier III:áin ive 1956, já suoi láin oovtâst ain Kelly jäämmim räi ive 1982. Sunnui šoddii kulmâ párnáá: Caroline (š. 1957), Albert (š. 1958) já Stéphanie (š. 1965).
Karrieer
[mute | mute käldee]Grace Kelly algâttij čaittâlem kesiteatterijn. Suu Broadway deebyyt lâi skammâmáánust 1949 August Strindberg čaitâlmist The Father. Tast maŋa sun čaittâlij motomijn televisiodraamain, ovdilgo finnij vuossâmuu elleekoveroolâ ive 1951 elleekooveest Fourteen Hours. Roolâ lâi ucce – sun oinui elleekooveest tuše 2 miinuut já 14 sekuntid.[5] Čuávuváá ive sun finnij stuárráb roolâ Fred Zinnemann elleekooveest High Noon, mast sun čaittâlij uáivipersovn Will Kane (Gary Cooper) káálgu Amy Fowler. Filmâtäsni sust šoodâi tuođâi roovvâdmáánust 1953, ko Mogambo almostui. Sun vuoitij tast nissoonuáiviroolâ Golden Globe já lâi meid Oscar-iävtukkâssân.[2] Tast maŋa sun čaittâlij kuulmâst Alfred Hitchcock tobdosumosijn elleekuuvijn: Rear Window (1954) oovtâst James Stewartáin, Dial M for Murder (1954) já To Catch a Thief (1955).[6] Ive 1955 sun vuoitij Oscar-palhâšume elleekooveest The Country Girl (1954).
Grace Kelly kiergânij čaittâliđ Hollywoodist kuttâ ive ovdilgo kaartâi joskâđ, ko naajâi Monaco furstáin. Suu majemuš elleekove lâi komedia High Society (1956).[3] Ive 1964 sun ličij halijdâm maccâđ čaittâliđ Hitchcock elleekován Marnie, mutâ monacoliih vuástálistii tom. Ovdil jämimis sun peesâi kuittâg oppeet čaittâliđ Rearranged-elleekooveest, mutâ elleekove ij kuássin valmâštum Kelly jäämmim tet.[7]
Väljejum filmografia
[mute | mute käldee]Elleekoveh
[mute | mute käldee]| Elleekoveh | |||||
|---|---|---|---|---|---|
| Ihe | Suomâkielâlâš nommâ | Algâalgâlâš nommâ | Roolâ | Huámášutmeh | Käldeeh |
| 1951 | 14 tuntia | Fourteen Hours | Louise Ann Fuller | ||
| 1952 | Sheriffi | High Noon | Amy Fowler Kane | ||
| 1953 | Mogambo | Mogambo | Linda Nordley | ||
| 1954 | Täydellinen rikos | Dial M For Murder | Margot Wendice | ||
| Takaikkuna | Rear Window | Lisa Carol Fremont | |||
| Mies, jonka minulle annoit | The Country Girl | Georgie Elgin | |||
| Vihreä tuli | Green Fire | Catherine Knowland | |||
| Toko-Rin sillat | The Bridges at Toko-Ri | Nancy Brubaker | |||
| 1955 | Varkaitten paratiisi | To Catch a Thief | Frances Stevens | ||
| 1956 | Joutsen | The Swan | Prinses Alexantra | ||
| Skandaalihäät | High Society | Tracy Lord | |||
Kovegalleria
[mute | mute käldee]-
Grace Kelly ive 1952 -
Grace Kelly ive 1954 -
Grace Kelly já Rainier III ive 1961 -
Grace Kelly ive 1972 -
Grace Kelly ive 1981
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Grace Kelly.
- Grace Kelly Internet Movie Databasest (eŋgâlâskielân)
Käldeeh
[mute | mute käldee]- ↑ 1,0 1,1 Grace Kelly biography.com. 6.5.2021. Čujottum 1.12.2024. (eŋgâlâskielân)
- ↑ 2,0 2,1 Grace Kelly Hollywood Walk of Fame. 25.10.2019. Čujottum 1.12.2024. (eŋgâlâskielân)
- ↑ 3,0 3,1 Muistot Helsingin Sanomat. 16.9.1982. Čujottum 1.12.2024. (suomâkielân)
- ↑ Grace Kelly www.britannica.com. Čujottum 22.4.2022. (eŋgâlâskielân)
- ↑ Nast, Condé: Grace Kelly’s Forever Look Vanity Fair. 30.3.2010. Čujottum 22.4.2022. (eŋgâlâskielân)
- ↑ Sparks, Hannah: Here’s how much Grace Kelly had to pay to become a princess New York Post. 8.4.2021. Čujottum 22.4.2022. (eŋgâlâskielân)
- ↑ Kun Grace Kellystä tuli Monacon ruhtinatar yle.fi. Čujottum 22.4.2022. (suomâkielân)
- ↑ Fourteen Hours IMDb. Čujottum 27.4.2021 (eŋgâlâskielân)
- ↑ High Noon IMDb. Čujottum 27.4.2021 (eŋgâlâskielân)
- ↑ Mogambo IMDb. Čujottum 27.4.2021 (eŋgâlâskielân)
- ↑ Dial M for Murder IMDb. Čujottum 27.4.2021 (eŋgâlâskielân)
- ↑ Rear Window IMDb. Čujottum 27.4.2021 (eŋgâlâskielân)
- ↑ The Country Girl IMDb. Čujottum 27.4.2021 (eŋgâlâskielân)
- ↑ Green Fire IMDb. Čujottum 27.4.2021 (eŋgâlâskielân)
- ↑ The Bridges at Toko-Ri IMDb. Čujottum 27.4.2021 (eŋgâlâskielân)
- ↑ To Catch a Thief IMDb. Čujottum 27.4.2021 (eŋgâlâskielân)
- ↑ The Swan IMDb. Čujottum 27.4.2021 (eŋgâlâskielân)
- ↑ High Society IMDb. Čujottum 27.4.2021 (eŋgâlâskielân)