Domna Khomjuk
| Domna Khomjuk | |
|---|---|
| Šoddâm | Domna Maksimovna Zakharova čohčâmáánu 10. peeivi 1954 Koarrdõgk, Murmansk, Sovjetlitto |
| Pargo | |
| Áámmát | zooteknikkár, kirječällee já musikkár |
| Noomah | Domna Zakharova Domna Khomyuk Domna Maksimovna Zakharova Domna Maksimovna Khomjuk |
| Kielâ | kieldâsämikielâ |
| Peerâ | |
| Vanhimeh | Maksim Antonovich Zakharov (1919–1984) Marija Ivanovna Zakharova (1922–2008) |
Domna Maksimovna Khomjuk (js. Zakharova, ruošâkielân Домна Максимовна Хомюк, js. Захарова; š. čohčâmáánu 10. peeivi 1954, Koarrdõgk, Murmansk, Sovjetlitto) lii kieldâsämmilâš zooteknikkár, kirječällee já musikkár, kii lii porgâm kieldâsämikielâ já -kulttuur iäláskitmist.[1]
Eellim
[mute | mute käldee]Domna Maksimovna Zakharova šoodâi čohčâmáánu 10. peeivi 1954 Koarrdõgkist. Suu vaanhimeh láin pajeulmuuh já palhâšum suátiveteraaneh. Suu eeči lâi Maksim Antonovich Zakharov (1919–1984)[2] já suu enni Marija Ivanovna Zakharova (1922–2008).[3] Sunnui šoddii ohtsis oovce párnážid.[4][5]
Ive 1962 sovjetlittoliih meridii huksiđ čäcivyeimilájádâs já puáđđuđ Koarrdõgkjuuvâ. Muáddi ive maŋeláá peerâ kaartâi varriđ Luujáávrán, ko ubâ Koarrdõgk paasij čääsi vuálá.[5][6]
Sun luvâškuođij zootekniik Sortavala eennâmtuáluopâttuvvâst.[1] Valmâštum maŋa sun poorgâi paijeel 25 ihheed eennâmtuáluuásádâhkoddeest.[1] Maŋeláá sun poorgâi sierâlágán almoshaldâttâhpargoin. Kuhes hárjánem lii šoddâm meid sierâlágán luáttámušpargoin tegu 10 ihheed Luujäävri vaaljâlävdikode saavâjođetteijen.[1][7][8]
Muusik
[mute | mute käldee]Kieldâsämmilij ärbivuáválâš vookaalmuusikšlaajâ livvt (kieldâsämikielân лыввьт) lii lamaš uási Khomjuk elimist aaibâs šoddâm rääjist. Sehe Khomjuk enni já ákku livvtijn já aainâs-uv suu enni lâi tobdos livvtejeijee.[5][9] Suu enni livvtij tagarijn muusikjuávhuin ko Luujäävri aalmuglâš lávlumjuávhust Lujavvr (kieldâsämikielân Луяввьр) já muusikjuávhust "Ojar" (kieldâsämikielân Ойяр).[3][9][10] Suu livvteh láá vyerkkejum el. Taažâst, Eestienâmist já Saksaast.[3] Domna uábbi Anfisa Agejeva lii meid tobdos livvtejeijee.
Ive 2002 Khomjuk livvtij vuossâmuu keerdi Sámi Grand Prix -juoigâm- já lávlumkištoost.[11] Sun uásálistij juoigâmuásán pittáin Luojavr, mii muštâl suu kaavpugist Luujäävrist. Iivij 2003 já 2019 sun uásálistij siämmáá uásán oovtâst oobijnis Anfisa Agejevain.[11] Ive 2003 suoi livvtijn pitá Duottar já ive 2019, Vuess. Ive 2021 Khomjuk livvtij oppeet ohtuu.[12] Talle pitá nommâ lâi Parrša vigket.
Palhâšumeh
[mute | mute käldee]Pessijâšlávurduv 2019 Khomjuk vuoitij Áillohaš-muusikpalhâšume.[11][13]
Diskografia
[mute | mute käldee]Nurâldâhskiäruh
[mute | mute käldee]Khomjukist láá pitáh čuávuváin skiäruin:
- 2002 – Sámi Grand Prix 2002, pittáin Luojavr
- 2003 – Sámi Grand Prix 2003, pittáin Duottar oovtâst Anfisa Agejevain
- 2014 – Сборник саамских песен
- 2015 – Сборник саамских сказок
- 2017 – Богатырь Ляйне
- 2019 – Sámi Grand Prix 2019, pittáin Vuess oovtâst Anfisa Agejevain
- 2021 – Sámi Grand Prix 2021, pittáin Parrša vigket
Käldeeh
[mute | mute käldee]
- ↑ 1,0 1,1 1,2 1,3 Balakina, D. C. já Bolšakova N. P. Альманах саамской литературы Almanakh saamskoi literaturi. Živaja Klassika. 2019. ISBN 978-5-4489-0229-1. s. 226–227. Čujottum 7.4.2021 (ruošâkielân)
- ↑ Захаров Максим (1919 – 1984). Фонд сохранения и изучения родных языков народов Российской Федерации. Čujottum 8.4.2021 (ruošâ- já kieldâsämikielân)
- ↑ 3,0 3,1 3,2 Захарова Мария (1922 – 2008). Фонд сохранения и изучения родных языков народов Российской Федерации. Čujottum 8.4.2021 (ruošâ- já kieldâsämikielân)
- ↑ Наумова, Светлана. Сохрани очаг свой. Murmanskii vestnik. 8.2.2012. Čujottum 16.4.2021 (ruošâkielân)
- ↑ 5,0 5,1 5,2 Дежкина, Галина. В Мончегорске прошел вечер «Маленький народ Большого Севера». Khibini. 17.11.2016. Čujottum 17.4.2021 (ruošâkielân)
- ↑ Mustonen, Tero (toim.). Waters of Health 2020 – Season 1 Report. Snowchange Cooperative. s. 8. Skammâmáánu 2020. Čujottum 17.4.2021 (eŋgâlâskielân)
- ↑ Катериничев, Игорь. А новая страница открывается. Murmanskii vestnik. 22.1.2013. Čujottum 17.4.2021 (ruošâkielân)
- ↑ Избирательная комиссия Мурманской области. Murmanskii vestnik. 20.5.2011. Čujottum 17.4.2021 (ruošâkielân)
- ↑ 9,0 9,1 Anti, Kila. Leudejeaddjit lassánit. Ávvir. 21.11.2018. Čujottum 17.4.2021 (orjâlâškielân)
- ↑ История саамской семьи в летописи Великой Отечественной войны. Murmansk kuávlu sisašijministeriö. 7.5.2020. Čujottum 17.4.2021 (ruošâkielân)
- ↑ 11,0 11,1 11,2 Hætta, Wenche Marie. Hvem-Hva-Når om Sámi Grand Prix NRK Sápmi. 29.03.2007. Čujottum 6.1.2021 (tárukielân)
- ↑ Larsen, Dan Robert já Paul, Aleksander. Ovddideaba áiton giela buoremus sáddenáiggis. NRK Sápmi. 2.4.2021. Čujottum 17.4.2021 (orjâlâškielân)
- ↑ Rasmus, Linnea. Oanehaččat: Anne Nuorgam ON bissovaš foruma ságadoallin, Berg ja Hermansson vuittiiga SGP-gilvvu, Áillohaš-bálkkašupmi Domna Khomjukii ja europarlamentarihkkár evttoha sápmelaččaide iežas doaimmahaga Brusselii. Yle Säämi. 23.4.2019. Čujottum 6.1.2021 (orjâlâškielân)
