Seita Vuorela
| Seita Vuorela | |
|---|---|
| |
| Šoddâm | njuhčâmáánu 15. peeivi 1971 Sumiainen, Suomâ |
| Jáámmám | cuáŋuimáánu 20. peeivi 2015 Turku, Suomâ (44-ihásâžžân) |
| Pargo | |
| Áámmát | čuovâkovvejeijee, kirječällee |
| Kielâ | suomâkielâ
|
Seita Merituuli Vuorela (ovdil Parkkola, 15. njuhčâmáánu 1971 Sumiainen, Suomâ – 20. cuáŋuimáánu 2015 Turku, Suomâ)[1] lâi syemmilâš kirječällee, kreatiivlii čäällim máttáátteijee já čuovâkovvejeijee. Vuorela kirjeh láá jurgâlum aainâs-uv ranska-, italia-, eŋgâlâs- já saksakielân, mutâ iä vala anarâškielân.[2]
Eellim
[mute | mute käldee]Seita Merituuli šoodâi njuhčâmáánu 15. peeivi 1971 Sumiaisist, Suomâst. Suu uábbi lii nubbe palhâšum kirječällee: Marisha Rasi-Koskinen.[3] Sunnuu enni Maria Juudin lii meiddei kirječällee.[3]
Parkkola rávásmij Toivokkast. Sun juuđij Jyväskylä lyseost, mast sun čaalij pajeuáppen. Tast maŋa sun luuvâi ei. kirjálâšvuođâ, kreatiivlii čäällim já filosofia Jyväskylä já Turku ollâopâttuvvâin.
Karrieer
[mute | mute käldee]1990-lovo loopâst Vuorela luuvâi čäällim Jyväskylä ávus ollâopâttuvvâst.[4] Tobbeen Parkkola teeivâi Niina Repo, kiäin sun čaalij viitâ nuorâikirje: Susitosi, Ruttolinna, Jalostamo, Lupaus já Loisto. Suoi meid čaalijn oovtâst eres kirječälleigijn ive 2004 almostum sänitaaiđâraavâkirje párnáid já nuoráid: Timantinmetsästäjä: Luovan kirjoittamisen opas.[5]
Palhâšumeh já tubdâstâsah
[mute | mute käldee]Ovdil ko sun jaamij, Vuorela lâi maŋgii iävtukkâssân jieškote-uvlágán kirjálâšvuotâpalhâšuumijd. Finlandia Junior -palhâšumán sun lâi iävtukkâssân kulmii: ive 2002 oovtâst Niina Repoin, ive 2006 já ive 2016. Sun ij kuittâg kuássin vuáittám Finlandia Junior -palhâšume. Seita Vuorela vuoitij čuávuváid nelji palhâšume:
- 2010 – Pertsa ja Kilu -palhâšume[6]
- 2011 – Pépite du roman ado européen -palhâšume
- 2013 – Tulenkantaja-palhâšume kirjestis Karikko[7]
- 2013 – Tave-enâmij rääđi párnái- já nuorâikirjálâšvuotâpalhâšume oovtâst Jani Ikosijn kirjestis Karikko[8]
Pargo
[mute | mute käldee]Romaneh
[mute | mute käldee]- Oovtâst Niina Repoin
Novelleh
[mute | mute käldee]- 1997 – Mies, joka rakensi auringon Gummerus, Nuoren Voiman Liitto já Xerox čäällimkišto antologiast Novellit 1997 (toim. Silja Hiidenheimo)
- 1999 – Kellarissa on viinivarasto Tammi čäällimkišto antologiast Ryhmä 99 (toim. Silja Hiidenheimo, Jukka Koskelainen já Panu Räty)
- 2007 – Olivian askarteluopas jouluksi kirjeest 2000-luvun Decamerone
Eres čäällimpargoh
[mute | mute käldee]- 2004 – Timantinmetsästäjä: Luovan kirjoittamisen opas, oovtâst Niina Repoin, Helena Linnain, Outi-Maria Takkisijn, Tuutikki Tolosijn já Marja-Leena Mäkeläin[5]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Seita Vuorela.
Käldeeh
[mute | mute käldee]- ↑ Majander, Antti: Palkittu lastenkirjailija Seita Vuorela on kuollut Helsingin Sanomat. 21.4.2015. Vyerkkejum 22.4.2015. Čujottum 1.12.2024. (suomâkielân)
- ↑ Sundqvist, Janne: Kirjailija Seita Vuorela on kuollut Yle. 21.4.2015. Čujottum 1.12.2024. (suomâkielân)
- ↑ 3,0 3,1 Jääskeläinen, Sanna: Kokemäkeläinen jokimaisema on innoittanut Maria ja Mikael Juudinia kirjoitustyössä Satakunnan Viikko. 23.2.2023. Čujottum 2.12.2024. (suomâkielân)
- ↑ Repo, Niina: Kirjailijana ja luovan kirjoittamisen ohjaajana – oppeja omista kokemuksista Kirjoittamistaitojen oppimisen reflektiivistä tarkastelua eri kirjailijapositioissa. Pro gradu –tutkielma. Jyväskylä ollâopâttâh, 2010. Tyeje nettiversio (PDF) (čujottum 2.12.2024). (suomâkielân)
- ↑ 5,0 5,1 Timantinmetsästäjä : luovan kirjoittamisen opas Finna. Čujottum 2.12.2024. (tavesämikielân)
- ↑ Usva toi Seita Parkkolalle Pertsa ja Kilu -palkinnon Yle Uutiset. 21.5.2010. Čujottum 1.12.2024. (suomâkielân)
- ↑ Seita Vuorelalle ensimmäinen Tulenkantaja-palkinto Kaleva. 2013-03-23 Čujottum = 2024-12-01. (suomâkielân)
- ↑ Pohjoismaiden neuvoston palkinto Pekka Kuusistolle, Seita Vuorelalle ja Jani Ikoselle Helsingin Sanomat. 30.10.2013. Čujottum 11.2.2021. (suomâkielân)